دموع الانتقام

الحلقة الثالثة

عشق : الحمد الله احس حلمي بدة يتحقق ردت طرف خيط يوصلني لقاتل اهلي بس الكيهم الا اعاقبهم بيدي بقيت الليل كلة بالسجن نسيت خوفي ونسيت كولشي يمي صار فكري شلون اروح لبغداد شنو اكول لبابا وماما شلون اقنعهم وهمة مانعيني اروح لبغداد نهائيا صار الصبح ما ادري شلون غفيت تقريبا ساعة بس فزيت لكيت الحقير واكف يباوع عليه رفعت حاجبي واشرتلة بمعنى شكو هو ما رد عليه بس حجة وية الشرطية هي اجت فتحت الباب الي طلعت واني احس رجعتلي الحرية اخذت رقم عمو محسن علمود اكدر اتواصل وياه اول ما طلعت تلكاني بابا وانور واكرم جاين وية بابا اكرم حسيتة ضايج سلم عليه وعافني وبابا حضني وانور هم بس من صعدنة بالسيارة اكرم كلي عشق الي حجي وياج بس نوصل للبيت عرفت ما ح تعدي على خير لان اكرم اذا عصب الله يستر منه وصلنة للبيت تلكتني ماما تبجي وتبوس بية  صعدت سبحت وبدلت ونمت واني افكر بكلام عمو محسن وشلون اوصل لبغداد  من كعدت اتصلت على بنية صديقتي كتلها اريد اروح لبغداد وطلبت تساعدني بدون ما احد يدري كالت اوك ح اكول لاخوية لان اخوها يشتغل بالمطار نزلت جوة واستلمني اكرم برزايل بس بابا ما قبل عليه وضل يحجي عليه اني ضجت صعدت الغرفتي ما طلعت منها خابرتني صديقتي كالت باجر بالليل اكو طيارة ع بغداد تروحين كتلها يي ما توقعت السالفة تصير بهالسرعة بس احسن بس شلون واهلي ح اكولهم اسافر اني وصديقتي لتركيا احسن ثاني يوم كعدت اصلا ما نمت من ورا احلامي  نزلت وكالعادة صبحت ع اهلي وتريكت بس اني بالي مو وياهم فتحت الموضوع وكلت لبابا....

عشق: بابا اريد اسافر وية صديقتي لتركيا
الاب فؤاد: براحتج بنتي تونسي

عشق كمت بوسته وصعدت حضرت جنطتي وبقيت اكمل شغلي استعدادا للسفر نزلت العصر وكلت لماما حجزت بالليل اسافر كالت الله يسهل دربج همة يحبوني وما يرفضولي طلب بسبب الظروف الي عشتها الصعبة لليل اجة انور وصلني للمطار وراح التقيت بصديقتي وانطتني الحجز وهاي الشغلات وسلمت عليها وصيتها دير بالها من اهلي بعدها كعدت بصالة الانتظار نصف ساعة وصاحوا ع طيارتنا الي متوجهين لبغداد ورحت وهاي لاول مرة ح اروح لبغداد من بعد الحادثة صارلي 11 سنة ما شفت بغداد وصلنا بغداد واحس قلبي انقبض رجعت ذكرياتي لليلة المشؤمة الي خسرت بيها حياتي ونفسي طلعت من المطار اجرت فندق
ومرت هالليلة عليه مثل الكابوس الليل كلة ابجي وكاعدة بالزاوية واذكر الي صار مراح عن بالي ولا لحظة غفيت واني ع كعدتي فزيت الساعة ب 7 الصبح طلعت الورقة المكتوب بيها العنوان لبست ملابسي ورحت حتى بدون ما اكل شي لان مالي نفس وصلت لمكان نفس المزرعة جبيرة كلش وكلة اشجاار ونخيل اذكر عمو محسن كال مدفونات بحديقة اعتقد هاي الحديقة كلبت الورقة مكتوب بيها شجرة البرتقال باوعت دورت ع شجرة برتقال لكيت وحدة بعيدة ولكيت محراث وادوات الحرث اخذتهن ورحت المنطقة جانت شبه مهجورة محد بيها ابد رحت وكعدت احفر ادور ولحد المغرب اني احفر هلكت وحتى ما ماكلة بس ما يأست وصدك ماكو دقايق وجان لكيت صندوق وسط حجمة طلعتة وكعدت اقرا كلة تهديدات جانت تجي لبابا من عنوان مجهول واخر رسالة جان مكتوب اسمه حمادي ال٠٠٠٠٠
حسيت الاسم مو غريب عليه وتهديد بانو يتخلى بابا من حصتة بالشركة اخذتهن ورجعت للفندق اكلت وبعدها سويت بحث كامل عن هالاسم حمادي ال٠٠٠٠ ما طلع اي شي من التعب نمت محسيت الا الساعة ب 6:30 الصبح بدلت وطلعت كذالك رحت للمكان وكعدت ادةر ع دليل بعدها اتصلت بعمو محسن وكلي انو هذا حماديجان احد شركاء بابا بالشركة وجنت ادور ع عنوان بس مدالكي كالي بنتي اركان رجع لبغداد خلي يساعدج بس رفضت رفض قاطع ما بقى بس هذا المكروه يساعدني شكد اكرها عمى العماه رجعت واني بالطريق كعدت بمطعم و داكل وافكر وملتهية بالهوسة الي يمي جان ما احس غير احد كعد يمي ويكلي انتيوين ما اروح طلعيلي باوعتلة صفح ...

عشق : انت شكو تكعد منو سمحلك
اركان : شتسوين هنا بغداد ؟
عشق : مو شغلك والله لا تدخل بشي ما يعنيلك
اركان : تردين احجزج هسة
عشق : عفية اركان عوفني همي يكفيني وزيادة لا تدخل بية ما تريد تشوفني شعندك كاعد ع طالولتي روح عني والدمعة بطرف عيني احس بعد معندي طاقة اتحمل اخذت غراضي وكمت طلعت من المطعم بعد ماحاسبت هو ركض وراي كالي
اركان : اول مرة تحجي هيج وياي دوم صوتها عالي وتنرفزني بس هسة حسيتها طفلة مهضومة من طلعت ركضت وراهة حاولت اعرف الموضوع
اركان : عشق شبيج كوليلي حتى اساعدج
عشق : محد يكدر يساعدني وما احتاجك بس اريد شغلة وحدة ما اريد اهلي يعرفون اني بغداد كتلهم رايحة لتركيا
اركان : وليش يعني ؟
عشق : لان احسن واني طلبت منك هالطلب واتمنى ما تردني
اركان : تدللين بس مستحيل اعوفج الا اعرف شنو السالفة وانتي هسة كاعدة وحدج بغداد يعني ؟؟
عشق : عوفني ح اروح  تاخرت
اركان : جريتها من ايدها وصعدتها بالسيارة جان بيدها اوراق مبينات قديمات وكعن من ايدها لميتهن وصعدت وهي تدفع بية بس جنت اقوى منها وصعدتها كتلها شنو هاي الاوراق ؟
عشق :مالك دخل شي ما يخصك كتلك جيبهن
اركان : ما سمعتلها وكعدت قريت تعجبت تهديدات يعني شنو هاي باسماء مجهولة كتلها هسة تسولفيلي كلشي ما اعوفج اليوم
عشق : حسيت مالي مهرب منه وكعدت سولفتلة كلشي وعيوني تجري احس نفسي انكسرت كدامه
اركان : تعجبت طفلة بهالعمر وشايفة الويل واني اكةل شنو هالصلافة وطولة اللسان كتلها اني اساعدج وكتلها ح تبقين يمي بالشقة لان ما اامن بنية وحدها بفندق وصغيرة هم مقبلت بس قنعتها رحنة للفندق لمت غراضها وراحت وياي جانت الشقة صغيرة غرفتين وصالة وحمام ومطبخ كتلها دبري نفسج واخذي راحتج الاسم حمادي ال٠٠٠٠ احسة مو غريب عليه احس اعرف هالاسم بس ناسي وين سامعة طلعت رحت لبيت امي كعدت يمهن هي واختي ونسولف ونضحك بعدين رجعت واخذت اكل وياي وشوية فواكه وهاي السوالف لان اني ثلاجتي دوم فارغة ما اكعد بالبيت وصلت لكيتها نايمة ع القنفة وحاضنة الرسايل وعيونها دموع وحمر وخشمها الاحمر جان شكلها عبالك ملاك ونايمة احس قلبي رف عليها مسحت على شعرها وغطيتها ورحت لغرفتي الليل كلة بس افكر بيها احس مجاي تطلع من بالي .....

يتبع .....