دموع الانتقام

الحلقة الثانية

عشق : اوووف يا حقيررررر طلعني منا مليت
اركان : كلتي شي
عشق : ك ل ت طلعني مناااااا 😡😡
اركان : بدون صراخ ترة تصير العقوبة اقوى
عشق : بلا وشلون عيني
اركان : كافي كلت لا تزعجيني راسي ديوجعني
عشق : ان شاء الله عمرك ما طبت
اركان : اكو شي يكدر يطفيج شكد تلغين
عشق : شنو عبالك بهاي سوايتك تكدرتخوفني متدري بية جبل ما يهزني ريح
اركان : ههههه ضحكتني يا جبل ما يهزك ريح
عشق : بسيطة اني اعلمك خلي اطلع منا واشوفك منو عشق الي تستخف بيها 😈
اركان : منو كال طلعين اذا بقى لسانج هذا ماكو طلعة وها لازم تعتذرين هم
عشق : اعتذر من منو منك انت
اركان : يي طبعا عندج مانع
عشق : لو تموت ما اعتذر منك فهمت يا حقير
اركان : اوك ابقي هنا لعد لنهاية عمرج
عشق : والله يحكمون عليه بالاعدام بس ما اعتذر منك 👿
اركان : انت ادرى 😌 ... باي
عشق :👐🏻🙌🏻 امداك يي والله
اركان : كلتي شي
عشق : كلت الله يخلصني منك
اركان : صعب للاسف 😈
عشق : ولي شعدك واكف يمي يلا ولي لغرفتك
اركان : نسيتي انتي مجرمة واني الضابط هنا شكلج اروح او ابقى هاي بكيفي 😉 اوك
عشق : 😒😒

عشق : راح هذا الحقير المكروه بقيت وحدي صار الليل ومحد اجاني الله يسامحك بابا بقيتني هنا وانت تدري اني اخاف من الليل ما اريد اضعف كدامة 😩 اووف شيخلص هاي الليلة ما لازم انام حتى ما اخاف بس ان اشاء الله اكو ضوة هنا لان اخاف من الضلمة 💔
ما ادري شلون خطر على بالي ذيج الليلة المشؤمة 💔😔😔

قبل 11 سنة بغداد تحديداً .........
سنة حلوة يا جميل سنة حلوة سنة حلوة سنة حلوة يا عشق
...... : يلا باباتي طفي الشمعة
طفيت الشمعة واني طفلة صغيرة اتامل من صدوك انو هاي السنة ح اكبر وتكون احلى واحلى وكل ما اكبر سنة ح تكون احلى حياتي بلحظة ماما تقطع الكيك جان فجاة يدخلون علينا ناس ملثمين لابسين اسود باسود ماما صرخت ...
سجى : خااااااااااالد
خالد : منو انتم ؟ شنو تردون منا ؟
بابا دفعني وخلاني اتخبى ورة التخم جنة بالصالة كلنا دفعني لحظات حسيتها مرت عليه عمر كامل حسيت هاي اخر لحظات حياتي وبعدها سمعت صوت صرخات ماما خليت ايدية على اذاني وطلق قوي 5 مرات اطلق النار بقيت مختبئة لحد ما سمعت صوت الباب الرئيسي انركع حيل صارت ضلمة ما اشوف اي شي خفت اطلع ورة تقريبا ساعة من الخوف والصدمة تشجعت وطلعت وشفت منظر مستحيل انساه لو عشت عمرين كاملين جانت اصعب لحظة بحياتي شفت بابا وماما طلقة براس ماما و 4 طلقات بجسم بابا والدم الي ترس البيت وزينة العيد ميلاد حتى كيكة عيد ميلادي ادمرت ب دم اهلي اصعب لحظة طفلة عمري 8 سنوات شنو ذنبي اشوف هيج منظر بشع لهدرجة اهلي حياتي مستقبلي فرحتي عمري كلة جان كدام عيوني بقيت بين المصدومة والخايفة واني احاول اصحي اهلي و اركض بين واحد واحد ......
عشق : بابا كووم ماما كعدي يلا كعدوا لا تعوفوني وحدي وين اروح اني ماما لو سمحتي كعدي ماما بابا 😭😭😭
خلص فقدت الامل عرفت راحوا تيتمت صرت يتيمة الام والاب ورة ساعة اجت الاسعاف والشرطة واخذوني وخلوني بدار الايتام بقيت شهر كامل هناك ومن بعدها صرت اخاف الظلام والليل و احلم نفس الحلم يومية تبناني صديق بابا عمو فؤاد وصار ابوية وزوجتة امي اهتموا بية دائما بقيت سنتين تحت تاثير الصدمة وما بقوا دكتور نفسي ما اخذوني الة وبعدها رجعت لحياتي وعدت نفسي وعد انو اني بس اكبر ح الكي قاتل اهلي و اخلي يندم ح اخذ ثار اهلي لو هالشي خلاني ادفع ثمن حياتي مستعدة اموت في سبيل اخذ انتقامي بقيت ابجي اكو شي واحد اذكرة من الي قتل اهلي هو كان عندة وشم ع ايدة اليسرى وشم مكتوب بيه الشيطان وجمجة صغيرة مرسومة يمه ...

فززني من صفنتي الشرطي رجال جبير بالعمر اسمة محسن ...
محسن : ها عمي جوعاني تردين اجيبلج شي
عشق : لا عمو شكرا
محسن : شبيج بنيتي كوليلي
عشق : شنو اكولك عمو مبية شي
محسن : يكولون يا بنتي الكلام للغرب احسن من الاقارب احجي فضفضي سرج بير امين
عشق : صفنت وكلت اني الي سنين شايلة هذا الهم وحدي خلي اكولة بلكي يدليني على الطريق الصحيح
محسن : ها بنتي اظاهر همج جبير
عشق : نزلت دموعي وبديت احجي ..................... سولفتلة كولشي كولشي حجيت الة بس الي فاجاني ردة
محسن : انتي بنت خالد و سجى ؟
عشق : بتعجب عمو منين تعرف اهلي ؟
محسن : اني جنت الحارس مال شركة ابوج الله يرحمة وبواسطة انتقلت لهنا وصرت حارس سجن
عشق : عمو فدوة كلي شنو تعرف هواي دورت اريد الكي اثر
محسن : بنتي الموضوع خطر لا دوخين راسج بي ادعي الهم بالرحمة ولا دخلين بمواضيع اكبر منج
عشق : عمو شنو تحجي انت وثقت بيك وسولفتلك كولشي وهسة ما ح توكف وياي وانت تعرف منو قاتل اهلي
محسن : عمو اني ما اعرف منو قاتل اهلج بس الي اعرفة جانت توصل لابوج تهدديات بانو يبيع الشركة بس هو ما يقبل يا عمو اكو ناس جانت طمعانة بفلوس ابوج
عشق : وين اكدر الكي هاي التهديدات
محسن : اني ضامها عندي
عشق : اكيد راح تساعدني عمو الله يخليك اريدهن
محسن : صحيح اعرف مكانهن بس كولش بعيدات
عشق : مستعدة اروح لاخر الدنيا علمود هذا الشي
محسن : عمو انتي صغيرة خلي احد يكون سند الج
عشق : اني ما احتاج سند اني سند لنفسي اني اعادل الف رجال
محسن : مكانهن بغداد مدفونات بحديقة ب...... مكان
عشق : شكرا عمو اشكرك ع كولشي بس ممكن سؤال
محسن : تفضلي
عشق : بابا او ماما ما الهم اقارب ليش يعني بابا ما عندة اخوان او اخوات ماما اهلها وين كولشي ما اعرف اني اذا تعرف كولي
محسن : بنتي شوفي بغداد راح تحصلين على كل اجوبتج هناك
عشق : تمام شكرا الك اني ممنونة الك كل حياتي
محسن : لا بنتي هذا واجبي واتمنى الي قتل اهلج ياخذ جزاتة بس ارجع واكول ديري بالج على نفسج
عشق : ان شاء الله عمو بس خلي اطلع منا .........

يتبع ......