زهري لعوج😔

بارت2

بعدما خرج زيد أو بسمة من لماطار لقاو الحاج مسيفط ليهوم شيفور
بسمة : توحشت ماما و بابا بزااااف وتوحشت أسامة ونتا
زيد: أنا مالي أنا !! تا أنا توحشتهوم سنوغمال سسن مي باغون أشيطانا☺
نزيدكوم زيد كيدحك غي لخوتو و وليديه يعني ديما متمر
كمل هوا وختو طريق بضحك أو تحارش توصلو دار لقاو لحاجة معرضا ليهوم بحليب أوتمر والحاج أو أسامة كلشي فرحان بيهوم حيت زيد دب 11عام مكيجيج لمغريب غير وليديه لي كيمشيو وأسامة أما تبسمة رهو لي كيمشي عندها
دخلو و جمعو وگالت ليهوم الحاجة على لحفلا ناضت بسمة باش تمشي لبيوتي سنتر ودراري بقاو مجمعين
نرجعو عند الجوجات لي مشاو حمام فركو عظامهم و دازو لصالون محاسين صوبات بوكلي و زينة بالايي أو بجوجات شعر طويل دازو دار صوبات محاسين لزينة حيت عرفاها متزططش راسها وعاد صوبات هي
إيييييوا أجي لكساوي لمدااااابزة ومقاتلة واااالو واش زينة بغات تلبس مي غمقات عليها ختها أو دغيا لبساتها كسوة تا شمن كسوة لمعري كتر من لمغطي مي جات سووووووسيكسي قرطااااتسة هههه صراحة بجوجات جاو واو لبسو كساوي كحلين محاسين لبساتها طويلة لاسقة بلا كمام أو لفتحة ركزو ليا على لفتحة لي تال لفخاض أو زينة لبساتها طويلة لاسقة شفافة ضهر عريان ولاكين راهوم زينات
نمشيو لقصر بن جلون زيد للي لبس كوسطار بلومغين أو أسامة فكحل أو بسمة لبسات كسوة تال لفخاض صدر كلو عريان كحلة تهي
معلينا خرجو لبنات شدو طاكسي نيشان لفيلا بن جلون وهادشي كااااامل داز تحت أنضار لبرگاگات ديال الحي و دراري لي كلاوهوم بلعين أما واحد فهز موطورو أو تم تبعهوم (عبدو كيتسطا على زينة وهي مكتحملووووش)
صيفطات محاسين ميساج لأسامة:بب واش تقدر تخرج عدنا
أسامة وصلو لميساج وبقا كيضحك غير الراسو شافو خوه أو ولد عمو ضحكو عليه حيت عارفينو كيبغي محاسن.. ولد عمهوم نعمان شاف بسمة ومشا عندها خاطيبتو أسامة حنا راسو وزاد تم تابعو خوه بلاما يشوفو
أسامة باس محاسن فحنكها وهادشي عادي عندهوم
أسامة:جيتي زوينة بب واخا تعطلتي عليا دار غيسلم على زينة كان غيبوسها تاتحطات شيحاجة فوق وجها
إآآيه نعام أسيييي هديك يدو دزياد
عند زياد: منين شفت أسامة كيضحك گولت زعمة نتبعو نضحك عليه شويا مي كوت غالط حيت هوا لي غيضحك عليا فلخر لبنت لي باس أسامة وبقا كيدوي ليها فودنيها أتكون هي صحبتو مي شكون لخرا بلاااتي كيتشابهو يكونو توينز ولاكين منين شفت أسامة ضار ليها باش يبوسها معرفتش لاشدرت يدي أيييي ضربني ضو بقيت سااااهي فيها تا فيقني أساما
أسامة : ززززييييد خويا( وكيورك على كل حرف) محاسين ماي بيبي گيرل وهدي ختها زينة
زيد :مد يدو لمحاسين وجر زينة باسها (شيء لي صدم كل من الأخوات وأسامة وهو براسو مصدوم فراسو غافلييين على لي حاضيهوم أو عنيه جغمة من دم عبدو)
موهيم دخلو ب 4 وكلشي تبهر فلبنات لي مع ولاد بن جلون بنات لي قمة فالجمال جات بسمة و نعمان وهوما فرحانين كيتبغاو تعرفو لبنات على بسمة وبقاو مجمعين وعزو على بعضهم تا بدات لموسيقا وجا واحد الشاب جر زينة باش تشطح أو متسناش موافقتها بقا كيقيس فيها وهي كتلوا بين يديه باش يطلقها زيد شاف الديكور گرونو بانو توحد معرفو لاش كيدير هكا جا طاير جرها من بين يديه أو غمز ل ليگارد اللي طيروه صف بقاو سهرانين فضحك أو نشاط تعرفو لبنات على الحاج أو الحاجة وعجباتهوم العلاقة ديال الأختين وصلات 00:00 أوبدات زينة ولخرا يالااه أنا غدا خدامة وبداو يتغوتو أو كيضحكو عليهوم زيد أو أسامة أما تنعمان أو بسمة مجمعين ممسوقينش
حتى دوا زيد يالاه أنا نوصلكوم كلشي تصدم فيه لا خوتو لا لبنات وعاد محاسين كتشوف فأسامة صف قررو فلخر بلي أيوصلهوم زيد أو أسامة
طريق كلها ومحاسين كدوي مع أسامة مي زينة غير ساكتة أو زيد حديها
وصلوهوم دار شكروهوم أو تمناو ليهوم ليلة سعيدة دخلو لبنات أو كل وحدة تلاحت فجيه زينة كتفكر فهادشي لي ترا ليها منين شافت زيد أو محاسين شادة هريد ناب مع أسامة
محاسين:ياك گلتي خوك حدودي مكيدوي مكيضحك غي مع لفامي
أسامة لقيتيني كنفكر فيها سيد صدمني أنا لي خوه أو نزيدك غي وصلناكوم راه طلع لبيت ممولفاش ليه
محاسين : هههه خوك تزعط
أسامة:داكشي لي دزت منو أنا أيدوز منو تهوا
محسين: ههه يلاه بب بنوي غدا عندي كوغ
أسلمة: أوك مبرانسيس بونانوطي 🥰🥰
نطلعو لفوق فبيت زيد كيدوي فطيل: أه زينة أيمعلومة نقسا ناقس دقيقة من حياتك طوب كغونو قطع وتكا كيفكر فيها عنيها ضحكا بقياص لكلام موزون واعيا قاريا وخا ماشي من نفس طبقة مي عندها بريستيجها الخاص
سلات لحفلا لتحت أو كلا قصد بيتو كيتسناو نهار جديد
أو لبنات تهما نعسو من بعدما حلمات زينة وتفكيرها العميق ههه نعسو
كل شيء جائز في الحرب و الحب
أصبحنا و أصبح الملك لله فاقت زينة على صوت ريفيي مع 6h حيت خدامة يلاه توجد لفطور وتجمع وعاد تخرج موهيم فاقت بطلتنا دارت روتينها او لبسات سلوپيط لي بين مفاتنها وجاها وااو مع پيل ميني فونتخ بيض أو أديداس بيضة جمعات شعرها طويل كعكة مهملة أو خرجات قدات لفطور ليها أو لختها كملات مع 7:15h أو خرجات نيشان لالشاريكة فين خدامة
تسنات طوبيس تجا ركبات وسلات لخدمة لبسات لبسة ديال لخدمة أو بدات لخدمة ديالها دخلات لبيرو ديال لمودير بلاما دق وهنا كانت صدمة حيت كان معاه زايد لي دار راسو مكيعرفهاش شي لي قلق زينة(أجي أنا مالي أولا مدواش مالو باش فيدني مكنعرفو مكيعرفني)
المدير:سدي لباب أو خرجي ق*** أو تعلمي دقي فلباااااب
زينة تخلعات أو محملاتش راسها بينما زيد شاد راسو غير بزز خرجات زينة وكملو لهدرة
لمدير:إلا مبغيتي تحد يتآدا راك عارف شنو خصك دير
خرج زيد بلاما يجاوب منين وصل لباب لمدير:غنخليك تفكر
علاياش داوين هادو كيفاش زعما
بقا زيد كيفكر منين خرج وكي گول مع راسو: إلا موفقتش أول من غيتأدا هي زينة ميمكنش نغامر بيها ميمكنش
عند زينة:علاش تعامل معايا هكا أو لمدير أول مر يغوت عليا أو أصلان راه شفني فحفلا زعما أيكون تقلق مني مدويتوش داك نهار
لمدير(مصعب): زعما كتحيمرني أزياد عند بالك مشتكش فلحفلا كفاش دغيا تقربتي منها هههه زينة هي لورقا رابحة عندي أو دب تشوف أتندم
سالات زينة خدمتها أو لبسات حويجها تجات سيكرتير تاع مصعب منال
منال:مسيو مصعب بغاك عندو
حركات زينة راسها أو مشاو بجوج دقات فلباب أو دخلات
مصعب:بغيت غير نگوليك دزولي على قبيلا بصح كونت مقلق مع لكليون
زينة:(شهادا مالو دوي بحالا صحبتو) أنا لي كنعتاذر أمسيو
مصعب:بلاش ديك مسيو غير مصعب كافيا
زينة طردگات عنيها شافت تا عيات أوگالت: صف أمصعب وبغات تخرج وهو يگوليها:نطلبك أو مترديهاش ليا واش نقدرو نتعشاو عافاك(هربي أصگعة ره غي كيخطط لزيد على ضهرك ككانگولو على وجه السكا كيدوز التران) إوا گتلو نشالا
مشات دار تعرض ليها عبدو :فين كتيي مالي ماشي راجل شهاد بلانات لخاوية اشداك لباس
زينة: لا نتا لي كنتي نقسني غبر ق** عليا شرييه بعد مني وا دير النفس بعد مني صف مشا معودش دار وراه مشات الدار لقات ختها مشااات مدراسا بدلات حويجها ت بدا طيل كيصوني نوم مكتعرفهاش
زينة:allo ui chkon m3aya
...: nti li gha mfr9a num mohim ana zaid oblama tgoli chkon 7it 3arfk kat3rfi wa7ed 3chiya andoz 3ndk nbghi l9ak wajda kharjin
Zina; ms dmg kharja vc mn mec
Zaid:chmn mec alkdaba
طيييط طيييييط قطعات عليا 🤦‍♀️🤦‍♀️
عند زينة يلاااه عبرت عليك نرد لوالديه الصرف ههههههه
إوا تكات شويا نمشيو لمحاسين خرجات لقات أسامة
أسامة:شبان ليك فخويا
محاسين:من لخر شنو بغيتي نجمعوهوم
أسامة:بب كتفهميني
محاسين:غدا لأنيف تاع زينة أو هي مكتحملش هاد النهار خصنا نزينوه فعينيها
أسامة: زيد أيعاونا راه أيعجبو لحال
وسلات وقيتا دلغدا تغداو لخواتات موانسين أو تعاونو على جميع أو عودو على شدارو أو زينة طلبات محاسن باش تقادها أو دكشي لي كان
عطاتها كسوة باج لااااسقة ومعرية من صدر أو ضهر فيت ركبة شوية مع صباط باج أو ميكاب شعرها دارتو سنبل لي واسل تال مسعودتها موهيم كلها على بعضها حلوة
سمعات طيل صنا جوبات لقاتو مصعي قالا كيتسناها فراس الدرب معلينا طريق كولها ساكتين داها ل ريسطو دلوكس داكشي صداع الراس بقات غحالا فمها كحز ليها لكرسي وگلسات تا كتصدم الزين الصافي زيد هنا لاخور بلعاني شير ليه جا زيد محمهاش بداك لباس أومعريا لواحد أخور حيت هو ولا كيحسبها ديالو منين شافها معلينا سلم علا مصعب سلام رجولي ودار عند زينة جرها من خصرها تتأوهات كحزها عندو أو دوا فودنها تتبورشات: من نهار شتق مكنقدرش نعس
دوا مصعب مفصد اللقطات:بب هاذا زيد صديق قديم ليا
زينة منين گال بب يعني خطتها مخسراتش ضحكات ليهوم وزيد نساحب خايف يرتاكب شي جريمة
بقات لگلسة مكهربة زينة كتگول فراسها إلى هي بصح كتبغي زيد ااش باقا گالسة
نادت كتجري أو تبعها زيد شدها عنقها مزير عليها
زينة :شنو بغيتي عندي أو مشات كتجري دخلات دار نعسات بحوايجها كما هي زيد لي بقا قدام لباب أو حلف لا تحرك تيعرف مالها تداه نعاس فلوطو

تصبحون على واقع أجمل أ لأميرات دياولي 🥰🌈💗
تأنا أنعس عرفتو مع كنكتب وشادا بوزيسيون وحدة تكوانسيت تال غدا نشالا لوف يوووو💗💗