حياة بعد الممات

الجزء الاول (لا ادري ماذا فعلت😳)

ازاي تتجوزني كده غصب عني انت يا متخلف انت يا رخم انت يا وحش مش هقبل بكده اخرج من هنا مش عايزة اشوف وشك ولا تشوف وشي انا مش عارفة ايه البلاوي دي مش لاقي واحدة تتجوزوا جه اشطر عليا

وهو كان بارد جدا كأنه مسمعش اي حاجة خالص
مالك: ممكن تسكتي بقي علشان عايز اغير ليه بتعملي كده مش عارف انا غصبتك علي حاجة مهو كله بإرادتك وعارف انك مش بتحبيني واوعدك مش هقرب منك نهائي الا لما احس انك بتحبيني

وهي كانت هتموت من الغيظ وبصوت عالي ذي عادتها طبعا

مرام: حب ايه الي انت بتتكلم عنه روح يا بابا العب بعيد انا مش للحب وبعدين انا منفعكش الي بيحصل للناس الي بيتجوزوا مستحيل يحصل لينا لأني مش بنت وانت عارف كده كويس وانا مش بتاعة حب والكلام ده فروح العب بعيد او أقلك روح اتجوز ست بجد لأن الي معاك مش ست

مالك وهو متذكر الي حصلها ومتضايق اوي بس قال بحنان ودلال

مالك:انا يا بنت الناس واخدك وعارف كل حاجة عنك من جدتك لأنها مردتش تخبي اي حاجة وعارف طباعك وكمان كفاية اني مش بحبك لا انا بعشقك وازاي انتي مش ست فهميني علشان انا مشفتش وشك لسة وانتي بالنقاب بس انا متأكد انك هتبقي احلي من القمر يا مرامي

مرام بثبات : يكش حرامي يجي يسرقك يا شيخ بتحب ايه وبتعشق ايه وبعدين نقابي مش هقلعه قدام اي مخلوق كفاية الي حصلي زمان وابعد بقي واخرج من هنا لانك هطلقني ورجليك فوق رقبتك مش مرام دي الي تحب كان زمان وجبر

مالك في نفسه :طلاق انتي شكلك عبيطة انا مش عارف ايه الي حصلي وحبيتك

مالك: بقولك ايه انا خارج بس مفيش طلاق ووشك مش هغصبك تقلعي النقاب ولا هغصبك علي حاجة المفروض كانت حصلت بينا من شوية بس احب اقولك اسلوبك ده مينفعش تتكلمي بيه معايا يا دبشة

مرام سكتت لاول مرة متردش عليه بس هي كان قلبها بيعتصر من جوة متضايقة من كل حاجة بتكره نفسها بتكره كل حاجة حوليها حاسه ان هي تايهة لا ابشع من التوهان هي حاسة ان هي ميتة بس هتعمل ايه هتستحمل لحد اما تتطلق ذي اما هي فاكرة طبعا

                       استوب✋

مالك: شاب كده طول بعرض قمحاوي عيونة عسلي فاتح شعره بني غامق كل البنات بتجري عليه عنده خمسة وعشرين سنة وخريج كلية تجارة وشغال مدير في بنك وعنده فيلا ذي الاحلام

مرام: بنوته ذي القمر بيضاء الوجه شعرها بني فاتح عيونها سوداء مثل الليل شفايفها لونها ذي الكريز وخدودها حامراء يعني تعتبروها حطة مكياج طبيعي كانت بتسحر عندها عشرين سنة معاها دبلوم تجارة
                      

                                 تكملة❤️

مالك خرج من الاوضة وسابها لوحدها وكان يتمني انه يكون ذي بقيت العرسان ويعيش حياة مع مراته واولاده