احفاد فرعون ( روايات ليبية )

حلقة 6 🔥

#أحفاد_فرعون 6

سكرت عيوني لحضات وانا نحاول نهدا وفتحتهم على منضر صدمني شفته💔...يلي كنت نفكر فيه طلع صح!!..تراجعت بخطوات ثقيله لي غرفتي وبدلت ملابسي نحيت الفيلو ولبست بيجامه عاديه
قعدت بمكياجي وتسريحتي وقلبي ناااار والعه فيه
خايفه نتكلم يصيرلي شي!
وفي نفس الوقت مستحيل نسكت !.
انتبهت لي شي !...تالفوني وين؟!
ملقيتاش؟؟....قلبت الدنيا عليه لين انفتح الباب

ساجده :تلفتت
مالك:شن ادوري ؟...وينحي في ساعته
ساجده:قربت منه وهيا تحاول اطلع كلام مرتبت من فمها ...
مالك:قام حاجبه بمعنى شنو؟
ساجده:فادي!....خطيبي الاول يلي صارت عشانه كل هاذي القصه يلي انا فيها
مالك:ينحي في القرواطه ويشوف للمرايا
ساجده:شن كان يدير معاك لوطه؟وقفتك معاه كأنك تعرفه من قبل ومهدرزين
مالك:تلفت ووقف قدامها....وين المشكله؟
ساجده:تشوفله بخيبه💔...انت ورا كل شي صار صح؟
مالك:ساكت
ساجده:تحاول تستوعب وتلم الاحداث في راسها !...انت كنت ورا كل شي؟؟جاوبني
مالك:اخيرا انطق....مش شي صاعب اني نبدا من الصفر معاك
تنخطبي ويتحدد عرسك وقصه صغيره تصير تخليك تجي لعندي برجليك
ساجده:رجعت خطوتين للخلف ...مش مصدقه😨
ع علاش؟شن مصلحتك !!..انت !انت كنت ورا الفيديو يلي انتشر ليا ؟
مالك:مش مهم هاذا كله ...المهم انك توا هنايا وهاذا المطلوب
ساجده:وبعدين!!...شنو بيصير ؟
مالك:الحجات هيا بين الكبار انتي مدخلكش فيها ....وعطاها بضهر متجه للحمام
ساجده:سرعت خطواتها وجت قدامه

______________________

محمد:سكر الضي وحط راسه ع المخده....اخيراا
احمد:ضرب الباب برجله بقوه وخش
محمد:من الخلعه جي مقعمز....بسم الله خيرك😨
احمد:لوح كيسة الهدايا ع السرير...هاذا شنو!؟
محمد:بلع ريقه وهوا يشوف للكيسه
احمد:هاذا شنوووووو
محمد:رجع شعره للخلف بتوتر ....اءء انا
احمد:حاط يديه في نصه ويراجي فسه يتكلم
محمد:اءء خلاص عاد انت عارف شني هاذا متسألنيش
احمد:والحل؟؟الحل حسب رايك في الوقت المغبر هاذا !
محمد:منعرفششش منعرفش طول الوقت نفكر ومش قادر نرقد ومش لاقي حل يطلعنا من القصه هيا
احمد:ماشي جاي في نص الغرفه ....يوم يلي درنا فيه الحادث انا ومالك
هذيك الليله شنو صار قبل ما نطلع
محمد:يشوف للارض ويحاول يذكر...كنت متعصب و ...طلبت مالك وطلعت معاه بدون اي كلمه
احمد:شاف لي محمد بشك .....شن صار هذيك الليله يا محمد؟
محمد:فصللل ....وين نعلم الزفت ليك شهور تسأل فيا انا ومالك في نفس السؤال خلاص هذيك الليله مصار شي
احمد:في شي صاير وانا مش مذكره وحسابك كبير على العفن هاذا ...واشر على كيسة الهديه
محمد:انت تتهيأ وصايرتلك حاله نفسيه من الحادث لنم طلعها من راسك قصة الوهم يلي انت فيها
احمد:خذي الكيسه وطلع وهوا متكنطي
محمد:لوح الريموت يلي كان جنبه بقوه وهوا متوتر.

  🔥رِوَايـــــــــات بـــَـنـُـــووتِـــة الشـِــيـــْـخ🔥
     🔥أروى الــــطـــاهــــر المــســلاتــــي🔥