احببت ذلك القاسي

احببت ذلك القاسي ( الجزء الأول)

في منطقة شعبيه بسيطه وفي بيت بسيط الساعة 7 صباحا

جدة جوليا : جوليا قومي يا بنتي عشان تلحقي تفطري

جوليا : جايه يا تيتا اهو جايه

جدة جوليا : يا بنتي انتي لسه مصممه علي حكاية الشغل دي

جوليا : ايوه يا تيتا ومش هتراجع عن قراري

جدة جوليا : ربنا يوفقك يا بنتي

   في قصر ضخم ومكان راقي يعيش بطل قصتنا اياد

اياد كان بيقضي كل ليله في الشرب ويرجع البيت معاه واحده من البنات اللي موجدين في النادي اللي بيشرب فيه ويكمل معاها السهره ويرميها بعد كده
هو كان شاب وسيم جدا وكل البنات نفسها بس في نظره منه لكن هو كان شايف ان كل الستات خاينين
والسبب في ده انه لما كان لسه طفل وابوه مات كان كاتب كل حاجه بأسم إياد واول ما امه عرفت كده سابته وراحت اتجوزت من واحد غني

اياد واقف عند شباك اوضته وبيدخن

البنت اللي قضى معاها الليله : صباح الخير يا بيبى

اياد : صباح النور اتفضلي بقي خدي الشيك اللي 5 آلاف دولار تمن الليله اللي قضتها معاكي ومش عايز اشوف خلقتك تاني

البنت بصدمه : ازاي انت قولت انك هتتجوزني

اياد بسخريه : انتي مجنونه اتجوز واحده من الشارع انا اياد الحديدي اتجوز واحده رخيصه زيك

البنت عرفت ان النقاش مش هينفع خدت الفلوس ومشيت

اياد : الو يا مروان لقيت بنت تنفع في الشغل

مروان : انا رايح الشركه اهو

اياد : انا جايلك دلوقتي

مروان : الو اياد مش هيبطل يقفل السكه في وشي ابدا

   في الشركه.....

كان في مجموعة من البنات قاعدين كل واحده شكل ولون ومن بينهم جوليا

جوليا كانت بنت جميله جدا قوامها كان مثالي بشرتها فاتحه وشعرها اسود طويل وعنين باللون الاخضر

  دخل مروان واياد الشركه اياد راح علي المكتب اما مروان راح يعمل الانترفيو مع البنات اللي جايين يقدموا علي الشغل

وجه الدور علي جوليا

مروان في نفسه: اخيرا لقيت واحده عارفه انها جايه شغل مش جايه كباريه

بعد الانترفيو

مروان : تمام يا آنسه جوليا اتقبلتي في الوظيفه تقدري تبدأي شغل من بكره

جوليا : شكرا جدا

طلعت جوليا من الشركه اليوم ده وهي مبسوطه جدا

في بيت جوليا....

جوليا دخلت البيت وتجري علي جدتها وتحضنها وتقولها بفرحه : تيتا انا اتقبلت في الوظيفة

جدة جوليا : مبروك يا حبيبتي الف مبروك

جوليا : وهبدأ شغل من بكره كمان

جدة جوليا : حلو اوي يا روحي بس خلي بالك من نفسك

  جوليا : انا مايتخفش عليا يا تيتا

    في شركة اياد......

مروان : انا لقيت بنت هتشتغل وعملت معاها الانترفيو كانت ممتازه

اياد : ماشي مش فارقه

     تاني يوم.......

في بيت جوليا.......

جوليا : انا ماشيه يا تيتا ادعيلي

جدة جوليا : ربنا يوفقك يا بنتي

طلعت جوليا علي الشركه ومكانتش عارفه القدر مخبي ليها ايه

في قصر اياد.......

اياد: مروان انا جاي حالا جهز كل الملفات اللي اتفقنا عليها

مروان : امرك

في الشركه........

اياد دخل مكتبه وطلب قهوه

جوليا بتخبط

اياد : ادخل

دخلت جوليا بالقهوه لكن من غير قصد وقعت علي قميص اياد

جوليا بخوف : اسفه جدا مكانش قصدي..

اياد بعصبيه : يعني ايه اسفه انا معنديش حاجه في شغلي اسمها أغلط واعتذر كل حاجه هنا بحساب فهمتي

جوليا استفزها طريقته وغروره وقالتله : انت شايف نفسك علي ايه يعني وبعدين القهوه وقعت من غير قصد

اياد اتعصب اكتر لان محدش كان يقدر يرد عليه زي ما جوليا عملت ابدا

اياد :انتي مطروده يا هانم عشان تعرفي ازاي تتكلمي مع اياد الحديدي

جوليا بتحدي : ومين قالك اني عايزه اشتغل مع واحد زيك مغرور ومتكبر.

  وطلعت من الشركه.....

اياد : مروان ملف البنت السكرتيره دي يكون عندي سامع

مروان : ايه يا اياد اللي حصل

اياد : هات ملفها وتعالي فورا

مروان : حاضر

  جوليا راجعه البيت وكانت هتحكي ل جدتها كل حاجه
بس وهي داخله لقت زحمه كتير عند البيت وكانت جدتها ماتت

جوليا دخلت تجري عشان تشوف جدتها

جوليا : تيتا ردي عليا ماتسبنيش يا تيتا طب هعيش من غيرك ازاي دلوقتي

  الجيران كانوا بيحاولوا يهدوها لكن هي كانت منهارة لان جوليا ملهاش حد في الدنيا غير جدتها

  في الشركه......

اياد ماسك ملف جوليا بعد ما قراه دخل في حالة صدمه

اياد : ازاي ده يحصل مش ممكن

مروان : ايه يا اياد..

اياد بغضب : البنت دي تبقي جوليا السباعي عمها يبقي طارق السباعي الراجل اللي الست اللي ماتستاهلش كلمة امي اتجوزته