فصليتي خرساء..

البارت(10) صدمه!

.........*........................(((احيانا نبحث عن شيء تحبه ونريده وهو امامنا ولا نشعر))))

طلع ادم من الحمام وهوه لابس بجامه رماديه وبلوزه شتويه
لان الجو شته لونها ازرگ

جان دينشف شعره شاف جيهان واكفه بلباب ومنزله راسها

راح واستغرب بأمه علباب وببتسامه :يمه!!!

ام ايهم ببتسامة تعب:هلا يمه..

ادم باوع لجيهان انوب باوع لمه وباس راسها :واخيرا!! يمه ترا

اذا نعزلتي وبجيتي ميرجع ايهم الله يخليج رجعي امنه الي نعرفها...
الي تكعدنه من الصبح اتسوينه ريوك من ايديها الحلوين..

ابتسمت وامه وباوعت لجيهان: هيه هاي الفصليه؟

ادم بهدوء:اي واسمها جيهان...

حضنت ام ايهم جيهان تحت صدمت جيهان ستوا هانتها وعيبت عليها

وخرت ام ايهم وكالت مدعيه الابتسامه:يا يمه تخبل ...الله يهنيكم
)وباوعت لادم:يمه اريدك تاخذني لگبر اخوك (وطاحن ادموعها:اشتاقيتله
يمه مااكدر فراگه ماتدري شگد نكسر ظهري وتعذبت بفراگه اخطيه
ماتنهنه ببنه(وبجي اكثر وشهگات)خطيه مرته شلون تتحمل ....

حضنها ادم وطاحت دمعه من عينه يحاول يخفيها;هاي قدرت الله واللهم لا اعتراض

تدللين يمه هسه جهزي غراظج نروح للنجف ..

باسته امه بخده وراحت...

سد الباب ببرود
وحس الحقد رجع لجيهان باوعلها وتفاجئ ادموعها

معقوله هيه انقهرت عل ايهم؟!! لا مستحيل هيه دتبجي عل حالها
اي اكيد ...

نزل لمستواها بما انها قصيره وفرق الطول واضح وببرود:مسحي ادموع التماسيح
وجهزي ملابس ليومين...
)وطكها بخدها بخفه وبحده:يلاا تحركي..!(وطلع)

باوعتله وادموعها زادت ليش العالم هيج ليش الدنيا لهدرجه
كارهتني....يارب فرجها...

مسحت دموعها بس مايفيد لين ادموعها تطلع دون استأذان من عينها....
.
.
.
.
.
.

جان ادم كاض الموبايل ويخابر عل اذنه

والايد الثانيه حاطها بجيب يجامته

وينزل من الدرج:يبه ماشفت حالتها شون تكسر الخاطر......يبه رحمه لله
خليها انا انطيتها كلمه وهيه هسه دتحضر غراظها....لا يبه انا اوديها ومحد غيري.....معليك بجيهان...

)اتنهد بضجر وهوه يوكف بنهاية الدرج:يبه جيهان مو عروسه جيهان فصليه ويبه هسه
حسد المويايل ورجائا لاتسدها بوجهي ....اوكي....الله وياك...(وسد الموبايل)

شاف بت ايمن تبجي ومحمد يباوعلها بعصبيه

تقدم منهم وهوه حاط اديينه بجيوبه وببرود:شكو ؟!