نحنه الها وكاض حنجها وشاد عليه:عنادج ميفيدج ..فاهمه بعدج مشفتي شي!!!!
هزت راسها (لا)اكثر من مره
وكل عظمه بجسمها ترجف
وتحس بأي وقت ينغمي عليها ..
ادم بعصبيه:بس لاعبالج ميت عل ما اسمع صوتج واعرف اسمج
انتي مجرد فصليه وراح اخليج تندمين انتي وابوج على الي سويتيه باخوي
افتهمتي!!!
رن موبايل ادم
وصوته ضج بلغرفه
شاف الاسم وكف وخر من كتلة الخوف والدموع
ورفع الموبايل وره مافتح الخط:هلا بويه؟
ابو ادم:ابني اسيل خابرت كالت انته بلبيت؟
ادم;اي وهسه اني يم الفصليه..
ابو ايهم:لا يبوي لاتكول هيج خطيه البنيه هم عدها مشاعر
وديربالك عليها ترا هيه امانه عندي
ادم باوع لجيهان الي بأي لحضه ينغني عليها
من حالتها وابتسم بخبث:شي اكيد اديربالي عليها....
ابو ايهم;المهم بما انته بلبيت راح اجيب الشيخ يعقد
شرايك؟
ادم; اي مي خالف انتظرك
ابو ايهم;يلا الله وياك وديربالك على جيهان(وسد الخط)
ادم بستغراب:جيهان؟(وباوع لجيهان)اسمج جيهان؟
هزت راسها بأي) ودموعها شلال نازل مايوگف..
ادم ;شنو هاذا الاسم ?اول مره اسمعه؟
مدت جيهان ايدها الي ترجف بخوف
للموبايل
بس هوه عصب كللللش
كض ايدها بقوه ولفها لجهته وضربها راشدي مما ورم خدها بخف
علمود يزين وجهها الاحمرار الي بخدها
ادم بعصبيه وصوت عالي:انتي ماتفتهمين!!!غبيه!!
ليش متحجين!قسم بلله اذا جاهلتيني مره الثانيه ماتلومين الا نفسج
حياة الدلال تنسيها فاااهمه!!
جانت تباوعله بنظرات خووف وحزن
وجنها تگله الله يخليك اشفق علي ولو شوي
بعد ماحست بأيده ترتخي سحبت ايدها منه وكضتها تفرك عليها
لعله الالم يروح ....
وخر منها وحس الحجي مابي فايده وياها
ادم
------
شگد عنيده هاي البنيه
ماتحجي ولا كلمه حته بجيها وتشهك
بدون صوت استغربت كلش منها واكثر شي نرفزني
كل مائسلها تريد تاخذ الموبايل
هفف غبيه ...بس شگد انقهرت عليها
وبنفس الوقت شكد عصبت منها
شكلها كلش بريئ ويكسر الخاطر
ومن تبجي تحسها بزونه ناكعه بلماي
انداريت عليها وگتلها بحده:كومي هسه يجي الشيخ يعقد حضري نفسج....
وكفت ببطئ وتحس رجليها من گوه تشيلها
راحت للحمام غسلت وجهها
وضلت مصفنه بوججها الي ضايع بين الماي والدموع
أنت تقرأ
فصليتي خرساء..
Romance(كامله)ظغط على قبضة ايده بعصبيه والشرار يطير من عيونه: انتي مخبله!احجي وياج متردين! ! بلعت ريقها بخوف ودموعها بطرف عينها....! حين قالو:*السكوت علامة الرضى*: فهذا اكبر خطأ فانا ساكتة دائنا فلست راضيه عما يجري حولي ....
