عدي: انا هخطب
حلت الصدمة علي عزت وميرڤت وميرنا
عزت: مبروك يا عدي مين
عدي: الله يبارك فيك يا عمي اسمها يارا ابراهيم الكيلاني وكانت معانا في اخر عملية
ميرڨت: مبارك يا حبيبي
عدي لميرڤت: حبيبتي ممكن تيجي معايا بكرا اخطب
ميرڨت: طبعاً يا حبيبيي
وقع كلام عدي علي ميرنا كالصاعقة فهي تحبه ولكن ماذا بعد هو كسر قلبها وقامت لتذهب لغرفتها ولكنها فقدت وعيها
عزت وزين وعدي وميرڤت بخضه: ميرنا
حملوها الي غرفتها وحاولوا إفاقتها ولكن لا حياة لمن ينادي
عزت: زين اطلب الدكتور بسرعة
اسرع زين وطلب الدكتور حتي اتي وفحصها
عدي: ها يا دكتور طمنا مالها
الدكتور:صدمة عصبية ولازم تخلوا بالكوا منها كويس اووي ومتعرضوهاش لاي صدمة تاني
عزت: شكراً يادكتور وصل الدكتور يا زين ثم اكمل يلا سيبوها تستريح
ميرڤت: لا انا هبات معاها لأحسن تحتاج حاجه بالليل
ثم خرج عزت وعدي من الغرفة ثم قال عدي : طيب همشي انا يا عمي بقي
عزت: ما تبات معانا
عدي: معلش عشان الحق احضر نفسي
عزت: خلي بالك من نفسك
عدي: حاضر ثم اتجهه الي بيته
__________________
في الصباح
عند عدي امسك هاتفه وطلب والد يارا وقال: صباح الخير يا عمي انا عدي
ابراهيم:صباح النور ازيك يا عدي
عدي: الحمدلله يا عمي انا كنت بتصل ابلغ حضرتك اننا هنيجيلكم انهارده الساعة 6 عشان اطلب ايد يارا رسمي
ابراهيم: تنورا يا ابني طبعاً
عدي: ربنا يكرمك يا عمي
ابراهيم: مع السلامة يا ابني
ثم اغلقوا الخط وقال لاميرة :بلغي ياارا ان عدي جاي انهارده
اميرة بزغروطة: لولووولولوولي حاضر
في غرفة يارا افاقت من نومها علي زغاريط والدتها وقالت: في اي يا ماما آيه القلق دا
اميرة بفرحة : عدي جاي انهارده
جريت يارا علي والدتها بفرحة لا توصف: احلفي
اميرة: لسه قافل مع ابوكي ثم ابتسمت وقالت: شكلك موافقه
يارا بتوتر: اه لا انا هروح أكلم اسيا
________
في غرفة يارا اتصلت علي اسيا وقالت: اسيا اسيا عدي جي يخطبني انهارده
اسيا بفرحة: بجد مبارك يا يويو
يارا: تلبسي وتيجي حالا وتقولي لعمو احمد يجي كمان باليل
اسيا : من عيوني .............ثم اغلقوا الخط
__________________
وارتدت اسيا ملابسها وركضت لاسفل لكي تخبر والدها يتحدث مع شخص علي هاتفه
احمد: يعني جاي بعد يومين بأذن الله
الشخص: ايوا والله
احمد: اول ما تنزل مصر تيجيلي علي طول
الشخص: بأذن الله يلا لا اله الا الله
احمد: محمد رسول الله
ثم اغلقوا الخط ونظر احمد لاسيا وقال:تعالي يا اسيا
اسيا: كنت بتكلم مين يا بابا
احمد: بكلم حد جاي من السفر بعد يومين وانتي بتحبيه اوووي هتفرحي لما تشوفيه
اسيا بفرحة: متقولش عمو مصطفي
احمد: دايماً كده قفشانا المهم كنتي عايزه ايه
اسيا: اصل عدي رايح انهارده يخطب يارا
احمد: طيب يا حبيبتي روحي انتي وانا هجيلكوا بالليل
هزت رأسها بالموافقة وأخذت مفاتيحها وانطلقت بالسيارة الي بيت يارا...........
______________________
في بيت يارا
دخلت اسيا وقالت:فين عروستنا القمر
يارا: انا أهو يلا ندخل نجهز الساعة 4 وهما جايين بعد ساعتين
اسيا بضحك : شكلها مستعجلة اووي يا جماعة
ثم دخلوا الي غرفة يارا ظلوا يجهزون نفسهم ......حتي دقت الساعة 6
•كانت ترتدي اسيا فستان باللون السماوي وحجابها الابيض وهيلز باللون الابيض ولا تضع اي ميك اب فهي لا تحتاجه بجمالها وعيونها الخضراء
•اما يارا فكانت ترتدي فستان باللون الابيض وحجابها الابيض وهيلز باللون الاسود وتضع بعض الميك اب الخفيف فكانت مثل الملاك
ثم وصلوا الي بيت يارا زين وعدي وميرڤت وميرنا ثم دخلوا وجلس ابراهيم وأحمد وزين وعدي واميرة وميرڤت وميرنا وفي الداخل اسيا ويارا
ثم قال عدي: اعرفك بنفسي يا عمي انا عدي محمد الحديدي
احمد قام بخضة وصدمة: مين
أنت تقرأ
رواية إنتقام ثم عودة بقلم: شروق خالد
Açãoعشق إلي حد اقصي ولكن حدث انتقام وغدر هل سيستمر هذا العشق ام سيتحول لكره رأيتك قصاد عيني صدفه فهتف قلبي قائلاً:بحبك
