احنا اقوي من اي حد

احنا القوه

مش عارفه اقلكم كمية الكلام اللي سمعته بعد ما قلت لبابا ولماما انا عايزه اقدم في أكاديمية الطيران المدني وكان الرد كالاتي

بابا....طيب انا موافق

ماما....وانا موفقه انا اتمني انك تعملي اللي نفسك فيه

كان بابا وماما عطيلني طاقه اجابيه إنما اخواتي بقي

هيا ولد عشان تبقي كابتن طيران ولا مضيفه حتي دي بنت وكمان دي في ازهر

انتي دلعني بنتك علي الاخر الهانم عايزه تسافر بره وتلبس ديقه ومناطيل

والله لو هتقدروا علي المصاريف بتاعت الاكاديميه انا معنديش مانع برحتها

ودي كانت ردود اخواتي التلاته بابا و ماما ولا كأنهم سمعوا حاجه بس رد العيله لما عرفوا كا ازاي

خالتو 1....مضيفه طيران هههههههه شكل بنتك اتهبلت دخلوها اي كليه هيا كدا كدا اخرتها هتتجوز بلا طيران بالت بتاع مصريف علي الفاضي طيب ما بنتي اهي دخلت كليه اداب ولا هي قلة ادب وخلاص

خالتو 2....بصي والله يا ابله .... كله كلام فاضي هيا في الاول والاخر هتتجوز طيب ما أنا اهو كنت جايبه 80% في الثانوي ومدخلتش كليه ولا كلام فاضي من ده

تيته....بلا كلام فاضي وقلة ادب طيران ايه وبتاع ايه نتدخل ايه كليه طيب ما بنت خالتها دخلت كليه عاديه بنت بس اللي بصه في العالي دا من كتر دلعك انتي وأبوها فيها قال ايه عشان بنت واحد بلا كلام فاضي

وطبعا كل الكلام ده اسر بالسلب علي قرار ماما

ماما....بقلك ايه سيبك من كلام بنتك وقلها مفيش طيران وتدخل اي كليه وخلاص

بابا....بس يا .... هيا نفسها تدخلها سيبك من كلام الناس

ماما....يعني ايه اسيبني من كلام الناس مش كلام الناس ده لما يحلها عريس هو اللي هقيلوا إذا كانت محترمه ولا لا عايز اللي يجي يسال عليها يقولوا مشيه علي حل شعره لا بنتك تدخل اي كليه هيا مش ولد

بابا....طيب ما اخوها الكبير جه وقدم في الكليه الحربيه موقفناش قدامه والتاني لما دخل الشرطه مقلناش حاجه والتالت لما قرر يدخل الصاعقه البحريه مرفضناش بصي يا .... سيبي بنتك تدخل اللي هيا عيزاه

بابا قال قراره وقال خلاص انا هدخل اللي انا عبزاه عمري في حياتي مهنسي وقفته جنبي في اليوم ده عمري مهنسي وهو جاي معايا في الاختبارات عمري مهنسي فرحته بيا يوم أول رجليه ليا اكون أنا فيها كابتن طيران عمري انا بشكرك يا احن اب في الدنيا

بابا وهو بيسلمني لعريسي اللي هو اصلا في الصعقه الجاويه 

بابا....حافظ عليها يا يحيي دي بنتي اوعه تخليها تسيب حلمها لاي سبب من الاسباب بنتي الوقتي بقت كابتن طيران خلي بالك منها يا يحيي

يحيي....دي في عيني يا عمي انا حبتها واتجوزتها لأنها مجتهده وعندها طموح

وبعد خمس سنين بقي عندنا احلي اسره في الكون انا ويحيي ونور وحور وادم ولسه زي ما أنا كابتن طيران جميله منصور

الموضوع كله انكم متخد ش بكلام الناس قصه زي دي مش حقيقه بس في منها كتير في مصر واكبر مثل خدوه قدوه في حياتكم كابتن حسناء تيمور ابحثوا عنها علي النت وانتوا هتعرفوا هيا مين

#كلام الناس مش هيودي ولا هياخر

#مضيعش حلم بنتك أو ابنك عشان كلام الناس

#بلاش غيرة الاقارب تبوظ علقتك ببنتك أو ابنك او بمستقبلهم

#خلي عندك سقه في بنتك وابنك عشان هو يبقي عنده سقه في نفسه

واخيرا احنا القوه

#احنا اقوي من اي حد