احنا اقوي من اي حد

مهم جدا

الكلام دا لكل البنات والشباب الخاطبين واللي انا منزله الكلام دا عشانوا بقله ربنا يوفقك ويصلح حالك ومش هقولك غير اني بحبك بس للاسف طلعت زي اي حد انا اعرفه 

انا هقول للبنات الاول

لو سمحتي لو سمحتي لما يكون عندك ابن خال اوخاله أو اي حد قريبك خاطب وخطيبتوا معاه بلاش تدلعيه قدامه لو سمحتي ومتقوليش انا يعتبره زي اخويا اوك يا ستي هو زي اخوكي بس بلاش قدام خطيبته راعي شعورها أن اللي بدلعيه دا خطيبها هو زي اخوكي بس هيا مش هتقدر الكلام ده هي هتقدره في حاله واحده لو انتوا اخوات في الرضاعه لاكن غير كدا هتدايق وهتزعل

خلصنا من النقطه دي نروح لحاجه تانيه

لو سمحتي لما تكوني ماشيه وشفتي واحد ماشي معا خطيبته معا مراته معا العفريت  بلاش تبصيله أو تعكسيه ابوس ايدك انتي بنت مش ولد عشان تعاكسي البنات بقت تمشي في الشارع تعاكس الولاد وتشقط معلش يا حبيبتي خفي شويه لأن المعاكسه دي بتادي لمصايب بعد كدا هتستفادي ايه لما تيوظي علاقته واحد بمراته أو خطيبته وغير دا كله الذنوب اللي بتخديها حرام عليكي نفسك وسمعت علتك

نيجي للي بعده

انتي يا حلوه متبقيش ماشيه معا خطيبك او جوزك وتكلميه عن قرايبك الشباب ابن خالك بقي ابن عمتك اين كان ومترجعيش تدايقي لما واحده قريته تدلعه طيب ما انتي اهو بتفضلي تتكلمي عن قرايبك الشباب وبلاش تبقي ماشيه معاه في الشارع وتبصي علي شباب تانيه معلش يعني اللي ماشي معاكي دا مش قرطاس لب ولا جوافه

خلصنا من البنات نروح للشباب

معلش يا كابتن يعني متبقاش تقارن خطيبتك أو مراتك بحد غيرها متروحش تقول لها بصي دي لبسه ازي بصي دي عامله ازاي بصي بنت خالتي بتلبس ايه وشكلها ازاي ولا بنت عمي ريحة البيرفيوم بتاعها عامل ازاي ماهي مش هتغضب ربنا عشان تعجب جنابك هيا يعني عشان تعجبك لازم تبقي حاطه ميكاب وريحة البيرفيوم ماليه المكان والناس شماها ولبسها مبين جسمها عشان تعجبك لا دا حرام ربنا قال {وقل للمؤمنت يغضضن من أبصارهن ويحفظن فروجهن ولا يبدين زينتهن الا ما ظهر منها} صدق الله العظيم

وقال في نفس الايه {ولا يبدين زينتهن الا لبعولتهن أو ءابائهن أو ءاباء بعولتهن أو ابنائهن أو أبناء بعولتهن أو اخوانهن أو بني اخوانهن أو بني اخواتهن أو نسائهن} صدق الله العظيم

يعني مينفعش تحط ميكاب وبيرفيوم الا قدام اللي اتذكروا في الايه وانت بس لما تكون جوزها مش خطيبها في فرق تمام المقارنه وحشه قوي

متبقاش قاعد معاها وتدلع بنات تانيه وحتي لو انت معملتش كدا متجيش بنت تدلعك وانت تبقي متقبل الدلع دا لا مينفعش ماهيا بردو ليها مشاعر والله وبتحس زيك متبقاش هيا مبتتكلمش عن حد قصادك ومحترم رغبتك في انك مش عايزها تقعد معا حد تاني وانت تسوق فيها لا احنا لينا طاقه بتيجي عند مرحله معينها وبننفجر

اه متفضلش تقلها متقعدش معا شباب من العيله ومتتكلمش معاهم وأخواتك ماتحضنهمش ومتقعديش قدام باباكي وأخواتك بنص كم وتعملي دا ومتعمليش دا وتلبيسي دا ومتلبسيش دا ولو جيتي تخرجي تقوليلي قبلها عشان اشوف ينفع ولا مينفعش ومترحيش في مكان الا بأذني وفي الاخر انت مقضيها ويتكلم بنات وعايش حياتك لا معلش اللي ترضاه لنفسك ترضاه لغيرك واللي متقبلوش علي نفسك متقبلوش علي غيرك متقلش انا الراجل وان اعمل ودا حقي والكلام الاهبل دا لو انا راجل فأنا بنت احنا في مننا دكتوره ومهندسه وسافيره وكابتن طيران وقبطانه بحريا وضابطه ومدرسه ومحميه وكل حاجه احنا زينا زيك متجيش انت بقي وتقلل منا

واخر حاجه عقولها حافظ علي اللي معاك واهتم بيه عشان هو يحافظ عليك ويهتم بيك

الحينيه هتلاقي مقابلها حينيه

الاهتمام هتلاقي مقابله اهتمام

القسوه مقابلها قسوه

الإهمال مقابله إهمال

انا عارفه انك هتقرا الكلام ده انت من كتر ما أنا بحبك كنت بجيب سرتك في كل مكان نفسي اقول للعالم كله اني بحبك بس انت يحرك منك خسرتني للابد احب اقلك حاجه شكرا جدا ليك علي الايام الحلوه اللي خلتني اعيشها واتمني انك تلاقي السعاده في حياتك