احنا اقوي من اي حد

احنا الافضل

مش معني انك سمره انك وحشه ولا معني انك بيضه انك حلوه مش معني انك طويله انك ملكة جمال ولا معني انك قصيره انك ارق واحده في الكون مش معني أنك أو انك فيكي حاجه مهيش في اللي قدامك انك احسن منه لا

ربنا خلق منا الابيض والاسمر الطويل والقصير الرفيع والتخين انا واحده اهو بيضه وعيون ملونه وشعر حرير وطول ورفع بس في حجات الناس السمر احسن مني فيها خفة الدم انا مش من النوع اللي بقول نكت بس اتعرفت علي واحده اه هيا جمالها عادي بس دمها خفيف لدرجه فظيعه واهم حاجه عندها ثقة بالنفس 

انا حصل معايا موقف بايخ من واحد اصلا معندوش دم احنا كلنا خلقة ربنا وربنا مبيخلقش حد وحش انا واحده لدغه في حرف الراء والسين بنطق الراء ياء والسين ثاء انا دخله مطعم وبقول للي شغال فيه عايزه واحد شاورمه فغصب عني نطقتها شاويمه الاقي الظريف بيقلي بعشين جنيه وبيضحك انا عن نفسي مبتكسفش كوني لدغه دا شئ مبيقللش مني بالعكس أنا بحب كلامي كدا كفايه أن اخواتي بيقلولي انتي احلي حاجه فيكي لدغتك وكفايه اني خطيبي بيقلي انا حبيتك عشان لدغتك

كونك لدغه مبيقللش منك كونك سمره مبيقللش منك كونك وزنك زياده مبيقللش منك كونك طويله او رفيعه تخينه أو قصيره مبيقللش منك اهم حاجه انك تكوني وثقه في نفسك انتي بثقتك بنفسك ملكه متقوليش شوفي دي احلي مني ازاي شوفي دي جسمها عامل ازاي لا قولي شوفي انا عامله ازاي شوفي ايه اللي مش عجبك في نفسك وحولي تغيريه متقرنيش نفسك بحد لأنها مقارنه خسرانه انتي فيكي حاجه مش موجوده في غيرك وغيرك في حاجه مش موجوده فيكي

وبلاش يا جماعه موضوع التريقه ده لأنها بصراحه حاجه بتحطم الواحد حتي لو هو واثق في نفسه 100% بتحطمه انا مش وحشه وانتي مش وحشه وانت مش وحش ربنا مبيخلفش حاجه وحشه وخلي الجمله دي قصادك علي طول {الله جميل يحب الجمال} الجمله دي خليها في بالك خليكي وخليك واثق أن ربنا مبيخلقش حاجه وحشه

انا لقيت واحده معايا في الجامعه بتتصل بيا انا استغربت جدا هيا بتتصل بيا ليه معا أنها من النوع المغرور شويه لقتها بتعزمني علي خطوبتها وبتقلي معلش تعالي انا فيلتي قرايبه من الفيلا بتعتك وحاتي معاكي ادوات الميكاب انا يا جماعه بعمل ميكاب للناس القريبه مني أو اللي اعرفهم رحت للبنت دي لقتها بتعيط وبتقلي انا جالي بهاق ومفيش حد راضي يعملي ميكاب

افتكرت ساعتها رامي جمال وهو بيقول عن البنت اللي كلمته في الموضوع دا وفعلا انا عملت للبنت دي الميكاب بتاعها وكانت مشاء الله جميله وفرحانه وفضلت معاها اليوم كله جبر الخواطر مفيش احسن منه اهي البنت دي اللي كانت مغرور بقت صاحبتي اللي كلانا كنا عارفين انها مبتكلمش حد الا لما يكون من نفس مستواها

اه مش معني أن الراجل ده عنده لدغه تبقي حاجه وحشه وتتكسف منها اللي بيتريق عليك شايفها حاجه حلوه نفسه تبقي عنده

مش معني البنت أو الشاب دول عندهم مرض معين نبعد عنهم انتوا عارفين دا بيقصر علي نفسيتهم ازاي عارفين لما تبقي انت السبب في فرحت حد بتبقي مبسوط ازاي مبارك بقي لما تعرف انك السبب في حزن حد تانيب الضمير وحش قوي وبيتعب قوي 

اهم حاجه ثقي وثق في نفسك متخليش حاجه انت شيفها عيب في نفسك والحقيقه هيا مش عيب تاثر عليك وعلي حياتك وعلي مستقبلك الكلام دا للشباب والبنات 

#ثق في نفسك

#انت احسن من اي حد

#انت فيك حاجه بتميزك عن غيرك

#متخليش كلام الناس يحبطك

واخيرا احنا الافضل

احنا اقوي من اي حد