اللهم صلى على محمد وال محمد وعجل فرجه
السلام عليكم
اريد اكتب عن الاخ ومدري بشنو اوصفه
الاخ هو سند لاخته هو ابوهه الثاني من بعد ابوهه من نوكع نصيح اخ لان نعرف اخونه ضهرنه اللهم احفظ اخواننا
ان اجمل روايه كتب عن الاخوه كتبها الامام لعباس عليه السلام بلا ذراعين
ثلثين الك بلروح وبثلثي الك نص
ومن نص ثلثها الضال اتخير وكص
سعد الجنابي
بيه الك ثلث ارباع وبربعي ثلثين
وبثلث ربعي الضال هم ثلث الك
قصه قصيره بس اله عبره
دخل اخ على اخته وشافه گاعده ع الكرسي وتقره وگف وراه
وحط ايده على كتفها وگال اله منو اقوى شخص
گالت اني
ووسأله مره ثانيه منو اقوى شخص
گالت اني
وثالث مرة سألها جاوبت نفس جواب والاخ زعل وراد يروح وگف يم الباب
سألها لاخره مره گال منو اقوى شخص
جاوبت الاخت وگالت انت
استغرب الاخ وگال:سألتچ اكثر من مره وگلتي غير هايه وگلتي انتي الي قويه
وجاوبت الاخت : لأنك چنت واكف بظهري وايدك على جتفي تساندني وتحميني فچنت اني الاقوى ولما تركتني ومشيت وقتها ضعفت فلم تساعدني وتحميني وصرت انت الاقوى
العبره:تمسكوا برباط الاخوه مهما اختلفوا وكونوا دائما يدا واحدا ولن تكسركم قوى العالم
مو تروح تخلي اختك اتخاف منك لا بلعكس خلي اختك تعرف تنخاك بوكت الشده وتعرف واكف بضهرهه وخليه اتكون بير اسرارك وتعرف من خلالك امان وتعرف شنو معنى سند لان انت سانده
وطبعا نفس الشي لاخت خلي اخوچ بير اسرارج (ادري جلبت بهاي الكلمه عساس اسرار الدوله)
اوصف ابوك/ج بكلمه
اوصف امك/ ج بكلمه
اوصف اخوك/ج بكلمه
اوصف اختك/ج بكلمه
بنسبه الي ابوي الدنيا
وامي نورها
واخوي الامان البيها
واختي الحنان
وها هاي الشعر مو خمط عن الاب
بيدي قلم سوداء
على ورقه بيضاء
بين الارض والسماء
اكتب بموضوع عمقه
كعمق البحر وهو ابي
ابوي الحنين اللهم احفظ ابائنا
بقلم أم اسد
وسلام عليكم
