أسيرة الأدهم (قيد التعديل)

البارت الثاني

اتصلت عشق بجويريه لتخبرها انها تنتظرها أسفل البنايه التي تسكن بها
اردفت عشق بغضب شديد و هي تنظر لجويريه : يا كلبه البحر يا جموسه مبترديش عليا ليه

جوري : اهدي عليا كده بس راحت عليا نومه و عقبال ما فطرت انا وبابا كان الوقت اتاخر 
زفرت الأخرى بضيق شديد قائله: طيب اتنيلي على عينك انزلي دلوقتي يلا يا زفته
اردفت و هي تربط رباط حذائها: حاضر اكتمي بقى نازله اهو
ثم نزلت لها ... أحتضنتها و اردفت بابتسامه : انا جيت و حشتيني يا شوشو
ردت عليها قائله: وانتي كمان يا قلبي يلا عشان اخرتينا على المقابله 
جوري : انا اسفه يا ستي يلا بقى
كانت عشق تمشي و جوري بجانبها و توقفت لتخرج هاتفها من حقبيتها ... وجدت سياره تصدمها بشده من ظهرها
خرج الرجل الذي يقود السياره و قال بنبره معتذره : انا اسف جدا يا انسه
اردفت بغضب و آلام شديدان : انت ايه اعمى مبتشفش أردف بصدمه و هو يشير بسبابته على نفسه و يقول بذهول : اعمى ؟ انتي متعرفيش انا مين
ردت بسخريه  : لا والله محصليش القرف هتكون ايه غير واحد عمال يدوس في الناس و هو ماشي
اردف بغضب شديد: على فكره انا اعتذرت يبقى ملوش لازمه كلامك ده
تدخلت عشق قائله : خلاص يا جوري يلا هنتاخر
جوري : يلا يا بنتي انا عارفه ايه البلاوي دي
الشاب بصدمه  : بلاوي طب غوري يلا
صرخت به بغضب : ايه غوري دي غور انت جاتك القرف في حلاوتك يلا يا عشق من هنا
الشاب بصدمه : هي زعقتلي ثم تابع بشرود اسمها جوري الله اسمها جميل اوي
و ذهب إلي الشركة
اما عند جوري وعشق

عشق : على فكره هو اعتذر مكنش ليه لازمه اللي عملتيه ده
ردت الاخرى بغضب شديد : ده واحد متخلف ماشي يدوس على الخلق
ردت الاخرى بتنهيده : خلاص بقى ويلا عشان وصلنا تعالي نسأل على المكتب بتاع المدير
ودلفوا إلي الشركه .. ذهبوا الي الاستقبال
عشق : لو سمحتي احنا كنا مقدمين على شغل السكرتيره اللي اعلنتوا عنه من كام يوم 
الموظفه : ايوه اتفضلوا اطلعوا الدور السابع عند مكتب مستر ادهم
عشق بإيماءه : ماشي شكرا ثم نظرت إلي جوري قائله : يلا
و دلفوا الي المصعد و وصلوا الي الطابق السابع انصدم كلا من جوري و عشق من هؤلاء البنات لا ينكرون انهن محجبات لكن منهم من تضع مكياج صارخ و منهم من ترتدى ملابس ضيقه تبين مفاتنها
الموظفه : انسه عشق الدمنهوري و انسه جويريه الشاذلي
جوري و عشق : ايوا
الموظفه : انسه عشق اتفضلي في مكتب مستر ادهم و انتي يا انسه جويريه على مكتب مستر نادر
جوري و عشق : حاضر
دلفت عشق الي مكتب ادهم ما أن رآها ادهم  حتى سرح في عيناها الزيتونيه و وجهها البرئ و قوامها الممشوق و شفاهها المنفوخه التي تشبه قطعه الفراوله الطازجه .. استغربت عشق من سرحانه بها و
عشق و هي تقول بتعجب : مستر ادهم
ادهم :
اردفت مره اخرى : مستر ادهم
ادهم بانتباه : ايوا اتفضلي اقعدي
جلست عشق ثم أردف ادهم بجديه : هاتي السيڤى بتاعك
أعطته السي ڤي الخاص بها
ليقول طيب كويس بتتكلمي انجليزي و اسباني و ايطالي هتنفعيني في الاجتماعات بدل المترجمين
اردفت بتوتر : ده من ذوق حضرتك
اردفت ادهم في نفسه : معقول لسه في بنات كده؟؟
ادهم بجديه : كده تمام حضرتك من اول بكره هتبقى السكرتيره بتاعتي مبحبش الاستهتار تيجي هنا ٨ بالظبط
عشق بفرحه : حاضر يا فندم شكرا جدا لحضرتك
ادهم بجديه باحته: لا ولا شكر ولا حاجه اتفضلي
عشق بإيماء : حاضر عن اذنك