في البداية لو قلبك خفيف متكملش اما بقا لو قلبك جامد ف أنا محضرلك مفاجأة في الآخر
سمعت عن "أناليس ميشل - Anneliese Michel "
اناليس ميشل اتولدت في( ٢١ سبتمبر ١٩٥٢ ) لأسرة كاثوليكية متدينة في مقاطعة بافاريا بألمانيا الغربية وكانت عايشة حياة طبيعية لح...
في البداية لو قلبك خفيف متكملش اما بقا لو قلبك جامد ف أنا محضرلك مفاجأة في الآخر
سمعت عن "أناليس ميشل - Anneliese Michel "
اناليس ميشل اتولدت في( ٢١ سبتمبر ١٩٥٢ ) لأسرة كاثوليكية متدينة في مقاطعة بافاريا بألمانيا الغربية وكانت عايشة حياة طبيعية لحد ما تمت ١٦ سنه وهنا حياتها كلها اتغيرت بالكامل...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
في البداية ظهرت عليها أعراض بسيطه زي رعشة مستمره في جسمها وتطورت لحد اتعرضت لنوبة صرع واثرت عليها وبقت مبتقدرش تتحكم في حركة جسمها لحد ما اهلها نقلوها لمستشفي الأمراض النفسية عشان تتعالج لكن حالتها كانت بتبوظ اكتر وبقت تتخيل وشوش مرعبة عيونها حمراء زي الدم بتبصلها من كل مكان وشياطين مرعبه في الشكل بتراقبها وتتحرك معاها وبقت تسمع صرخات و أصوات بتقولها "ستحترقي في جهنم" وهنا اتعرضت "اناليس" علي دكتور نفسي وفي جلسات العلاج كانت بتقوله ان جسمها مسكون وان الأصوات اللي بتسمعها بتأمرها تعمل حاجات غريبة ومرعبة لكن هي بتحاول تمنعهم... لكن تم تشخيص حالتها علي انها مجرد هلوسه وده خلي "اناليس" تفقد الأمل في الطب النفسي وتدور علي طريقة تانية للعلاج وهي عن طريق جلسات طرد الأرواح عن طريق الكنيسة ولكنها متكانتش تعرف ان ده كان اصعب طريق ليها...
عائلة "اناليس"حاولت كتير تعمل جلسات طرد للأرواح عن طريق الكنيسة عشان يخرجو الارواح من جسمها لكن كل محاولتهم كانت بتترفض عشان في نظر الكنيسة هي غير مطابقة للشروط اللي حطتها الكنيسة ومن اهم الشروط هي ان يكون الشخص المسكون بيكره الرموز الدينية ، وبيتكلم لغة مختلفة عن اهل البيت ، وانه يكون عنده قوة خارقة ( يعني يكون صدر من الشخص افعال مستحيل غيره يعملها ) وده مكنش موجود في حالة " أناليس " وده خلي الكنيسة ترفضها مرتين ...
للأسف بدأت حالتها تتدهور اكتر من الأول وتعاملها مع اهلها اتغير بشكل كبير في البداية بدأت تصرخ طول الوقت وتتكلم بأصوات ضخمة ومختلفة عن بعض وكانها بتتكلم مع ناس في اوضتها واي حد من اسرتها كان يقرب منها كانت تتشتمه وتعضه ..... وبعدها بفترة بدأت تكسر اي صليب في اوضتها وتقطع صور المسيح اي رمز للديانة المسيحية وكمان بتقطع هدومها وتنام علي الارض..... بعدها بقت ترفض تاكل زي اي اكل عادي وبقت تاكل حشرات زي العناكب والدبان والأسوأ انها بقت تعض وتاكل اجزاء من جسمها وتتبول علي الأرض وتشرب من بولها.... وبعد ما وصلت للحالة دي وافقت الكنيسة انها تعملها جلسة طرد أرواح من جسمها من ١٩٧٥ ل ١٩٧٦ اتعملها ٦٧ جلسة عشان يقدرو يخرجو الأرواح من جسمها وعلي حسب اقوال " اناليس" ان جسمها مسكون ب ٦ ارواح شريرة من ضمنها روح قابيل ، نيرون ، هتلر ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
لكن في خلال الجلسات كانت "اناليس" مختلفة تماما عن الواقع وكانو بيحتاجو ٣ رجال ضخام عشان بس يقدرو يمسكوها ولو مقدروش عليها بيضطرو يربطوها بسلاسل عشان يمنعوها من المقاومة رغم انها كانت رفيعة جدا وضعيفة و وزنها ميتعداش ٤٠ كجم بسبب امتناعها عن الاكل لفترة طويلة ودة اثر جامد علي صحتها وبقا عندها امراض كتير من ضمنها الحمي وامراض في الرئه وفي يوم ( ٣٠ يوليو ١٩٧٦ ) كانت اخر جلسة طرد ارواح " اناليس" وكانت اخر كلمة ليها في الجلسة " أتوسل من أجل المغفرة "وفي اليوم ده كانت رفيعة جدا وعينيها بقت سوداء ومخييفة من كتر الارهاق وقلة النوم وعظم جسمها كان باين جدا من تحت جلدها وكان وزنها خفيف وصوتها ضعيف ويكاد يكون معدوم وقبل ما تموت بصت لوالدتها وبصوت متقطع قالتلها " أماه ، انا خائفة " ودي كانت اخر كلمة قالتها قبل ماتموت.
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
شوية تفاصيل بسيطة بعد وفاتها :-
الشرطة قبضت علي القسيين المسؤلين عن جلسات طرد الأرواح ل " اناليس " وكمان قبضو علي عائلتها بتهمة الإهمال المؤدي الي الموت لكنهم دافعو عن نفسهم بالشرائط المسجلة لحالات طرد الارواح منها ومن ضمن التسجيلات دي في تسجيل منهم بيوضح ان في شخصين بيتكلمو مع بعض بصوت ضخم وبلغة غريبة وكان تفسير القساوسة للمحكمة ان دول كانو اتنين من الارواح اللي ساكنه جسمها بتتخانق مع بعض علي مين يخرج من جسمها الأول .. لكن المحكمة بعتت التسجيلات لطبيب نفسي عشان يحللها وقال انها كانت بتعاني من اضطراب نفسي شديد وحكمت علي القساوسة وعلي عائلة " اناليس" بالحبس ٦ اشهر ...
بعد وفاة "اناليس" بقت بمثابة القديس في نظر ناس كتير اوي وبقي قبرها بيزوره ناس من مختلف انحاء العالم وقصتها كانت ملهمة لكل صناع الافلام عشان يعملو منها افلام كتير من ضمنها فيلم " The Exorcism of Emily Rose " بس طبعا غيرو الأسماء الحقيقية وبعض الأحداث..
لو قبلك جامد بقا و وصلت لحد هنا ف انا جايبلك تسجيل اصلي لجلسة من ضمن جلسات طرد ارواح "اناليس"
بعد كل ده ياريت لايك 👍 بقا عشان نكمل ولو القصة عجبتك ياريت تعمل شير 💙 وتعلمل لايك لصفحتنا علي الفيس بوك ( قصص وحقائق - Stories and Facts ) #stories_facts_قصص_وحقائق
