شوگ آدم

Part_3

شمُا يخف حمَل السفينه
يسُافر براحة الخشبَ
الدنِيا ماتوكفُ علىَ احد
لاتكثر بالعتَب!

————————
بغداد صباحاً 9:30س

اليوم المحاضرات بگد رحمة الله
شنهي ماعولو يجون طلاب گبل تولونه بهل دروس
ماصارت هاي

- جنت صافن عله الحوريه الگدامي واسمع واحد يصيح
خليل خليل ..

- بعد روح خليل شهلجمال ولك

- خليل تسمعني ؟

- اسمعك اي اسمعك يابعد روح خليل اول مره ادري اسمي
هيج حلو

- اي لان بصوتي
- اخخ يــآبـھة شكد احبنج

- خليييييييل

- فزيت من مكاني ..
اء اه نععع نعنمنم نعم استاذ

- اطلع بره
- اعتذر استاذ مانتبهت عبالي امي تصيحلي
اجيت اكحلها عميتها...

- گام القسم كله يضحك
ياگاع انشگي وبلعيني
من امداني ايوالله
خليت وطلعت من الفشله .... شوي واجاني عليوي

- ها يلعاشگ شلونها الفشله

- اسكت لاتذكرني

- بس والله شكلك حلو من كاعد تتغزل  ب الأستاذ
- اي من كثر ما احبه

- خرب يومك هاذ اول يوم وهيج
———————————-
- ياسمين
( طبعا البنيه من الموصل بس راح تحجي ب الرواية بغدادي حته تسهل عدكم القرآءة)
لج ليلى شفتي الولد الي جان يحجي ب الفصل ياربي يجنن
- هي هي عليمن تحجين

- عله هاذ الي لابس اسود

- ها عبالي عله الي بصفه
ترا هاذ محجوز الي..

- شهگت يمه عزا شون يمتى

- عجبني وكلت خل احجزه

- يعني هوه ماصارحج وگلج اريدج ؟
- لا يمعوده بس انشاءلله عن قريب

- نهجم بيتج عله هلثقه

- ههه لعد شعبالج عيني

اجيبك للدرب يعني اجيبك ...
- اخذوني وياكم هههه.

- عابت لزگه حته بهاي تجين
———————————
گاعد ب كشك ال لفات مال فلافل
وهاذ ينگ فوگ راسي

علي : ولك لوتشوف الشافته عيوني

- خير شنو شفت بس لا هم حوريه

- بويه صاروخ انگليزي جنها انگليزيه شگره و العيون زرگ

- عاد حجيت وياها لو ضال بس تباوع
- افا عليك انه اشوف حاته وما اهجم عليها تؤؤ تؤؤ ..

- هزيت ايدي وكلت يي اطربنا عليوي شصخمت ويه البنيه

- شفتها واكفه ب الحديقه و انه گبل بعد اخوك تعرفني چريم
اخذت لفات ورحت الها