شوگ آدم

Part_6

تحسّ روحك طفل تايه
غصن تعبان، ورد ذبلان
مطر وشل خلگه بالصحرة
عُمر مبيوگ من عندك بلايّه أسباب
تحسّ بينك وبين شكو بهالدنيا باب
.تفتَح باب، تتلگاك عشر أبواب
💔💔💔💔💔💔💔💔
_____________________________________
فرحان كلش فرحان ... ماتوقعت ابد ..يكون كدها ويتعنالها
لان بهل زمن صار الحب الحقيقي نادر .. ماكو احد يضحي
وانه اعرف اخيتي ماسوت شي غلط لچن هيه بنت ابوي
والكلمه الي تجسها تجسني عرضي ...
صفنت وكلت بيني وبين نفسي
ايي همزين ولد عمي متزوجين لا چان اذا احد طلبها وهيه تحب حامد چان حطيت چيله براسه
بس الحمد الله على نيتهم همه خليهم يتهنون شريد قابل غير راحت اختي ...

- لچن يشيخ المفروض ناخذ رائي عمي الشيخ مزاحم
وشتكول يشيخنا
مزاحم: على بركةة الله يوليدي يستاهل حامد ابن أصول
والنعم منه
- توكلنه على الله
_____________
حامد :
مصدوم من ردة فعل داوود ماتوقعت راح يقبل بيه
وانه عله گد حالي .. معقوله مايهمه .. بس مو مهم، اهم شي صارت الي يارب اسألك التوفيق ..

اباوع لخليل حلگه راح ينشگ من الفرحه ..
و داوود مبين على ملامحه الفرحه بس هوه طبعه قليل يبتسم
لاچن المهم صارت الي ههه مامصدك ياربي الحمد الله و الشكر
قرينه الفاتحه وكملنه و اتفقنه عله العقد القرءآن عله الجمعه
يايابه شيصبرني ...

كملنه ولجن ولد عمي سحبو سلاحهم وشعلو الجو و الديره شعل
____________
وها خوتي ها ..
واليوم... اليوم ..

الــيومـم زمـاط اشـهـد مـايـنـدگ..

هاها خوتي ها

الحــُر مــن عـلـگ طـاح هـنـا...

حامد :
ها اخوتي ها
هاا ..
اليـوم مفـرع جيتـك
چـي تـرهـمـلـي عـگـال ..
تقدم خليل :

الـرايـد صـاحـب مثـلـك
خـل يتـوسـل بـالـعبـاس ...
_______________________
حمديه :
كضيت گلبي بيدي كلت خاف طلابه خفت عله خواني من سمعت الرمي عالي وقريب
سترك ربي
- يمهه لحگي اخواني الرمي قريب خاف يصيرلهم شي
- شنهي حمديه شمالج تمسلتين احجي عدل
- ياويلي لحگونيي لحگوني
راح نموت ... يامرريييييييمممممممم
يااا قدييييسس
ياررربببببب
خالديه : هوو هوو هيي شنهي شمالج تصيحين
محد مات
- عمتو اجو الشرطه انه متأكده لان ذبحتو مساع راح يسجنونكم بسجن ابو غريب عمتووو اني خايفه اهئ اهئ

- وصمخ يا يا علشني تبچين هاي طلابه هسه تفض ونفتهم شنهي السالفه لاتكبرنها ويله اتكسحن جوه لاتجيجن
طلقه تايهةة
_________________

رجعنه للبيت واشوفن امي كاضه الباب
- هايمه شنهي شمالج كاضه الباب مضيعه احد
- هلا يبعد عيوني خايفه عليكم من الرمي
- لا يلغاليه ماكو كل الخير تعاي للديوان ونادي حمديه
عندي موضوع وياجن
- خوش يمه
- حمديهه وجج حمديه وينج
- ها يماا اجو اخواني لو لا
- اي اجو تعاي داوود يريدج بموضوع
- يمه احس گلبي طاح بس لا يزوجني يمه والله خايفه شسوي
اروح لو لا اخاف يضربني ..
خلروح وشيصير خل يصير الله موجود ...
- دخلت وانه ميته خوف شراح يسوي داوود وهو متحلف بيه
- وصمخ دخلي شمالج واكفه
-صار يمه
داوود; يمه الجمعه عقد قرءآن حمديه
حمديه; وكف كلبي ونزلن دموعي معقوله هيج اخوي يبيعني لٱ ياخوي بعدني ...
مافاكه حلكي ونصدمت من ...
كال لحامد ،
وانه هنا لاكدر اهلهل ولا اكدر اصيح بقيت صافنه بوجه داوود وصحتني امي
-وجعه حته وجعه شنهي شوو صافنه بوجه اخوج
-هاااا لاا لا يمه انه الي يكولونه اخوتي يصير وشردت حته ماعرف شلون طفرت بسرعه يم الباب
-هاا يمه شرايج كلهه وافقت وانه اجيت انطيج خبر واشوف رايج
-ييمه صح حامد عله كد حاله لاچن يا يمه خوش زلمه مامنه العيبه توكل بالله وليدي
-هاذهو يمه حظرو روحكم للجمعه عقد القرءآن
دخلت ياسميين..
-يااااي فدوه راح تعرسين حمديه لعد خل نحظر مبقه شي للجمعه
-يله يله تكسحن نظفن ولمن بيتجن ناسنه جثيره ماريد يحجون علينه
_____________
خدرت الچاي وكعدت بلمطبخ
زين هسه انه شلبس ..
اشوف ام هاني اذا عدها بدلات مخيطه
لو اخيط انه .. والله حيره ..
ياسمين : ها الحلو صافن شعنده
- والله يوخيتي ماعرف شلبس
- آفاا محتاره وانه موجوده معليج جبت وياي فستان يخبل
خيطته وما لبسته ..
- صدك والله يعني عندج واحد
- اي والله امشي خل تجربينه
- مشيت لغرفة ياسمين وضلت اطلع بلملابس صلاوات
على محمد جايبه السوگ بلجنطه مامخليه شي ماجايبته
- هاج شوفي هاذه ازرگ وهاذه اسود وهاذه احمر
انتي شنو يعجبج
- والله مادري محتاره انتي شدكولين
- انه اگول بشرتج كلش بيضه لو تلبسين الأحمر يطلع يخبل
- هوه حامد يحب الأحمر
- حامد ؟؟؟ شون شدراج
- ها لااا اقصد حمديه حمديه انه احبه
- اممم يله المهم الحذاء يا لون
هاذه الأسود حلو
- اي حلو ... خوش چا
- اگلج حمديه لعد يمته تسوين حبشكلات لوجهج باچر الخطوبه
- ها لا لا ماكو داعي اصلا انه استحي من اخواني
- شسالفه يا دتعاي ياخوانج يابطيخ
_______________
لزمتني ياسمين وين اليومجعني جلفتني جلف طلعت وحده غير
- يـا يا دهر فرج ياسمين شصخمتي بيه هسه شون اباوع
بوجه اخواني،
- شسالفه غير عروس انتي قابل نخليج بشواربج
- لا ياسمين بس مو هيج هسه شيگولون عليه ماستحي
- معليج اني ارد عليهم
مر اليوم وانه حابسه روحي بلغرفه مستحيه من اخواني
كلش
اندگ الباب حيل..
- ولج حمديه وينج اريد چاي
- ها خويه اي گول لمرتك خلتسويلك انه مو ماعرف اسوي چاي
- ولج فتحي هيه وين تعرف تسوي جاي تعاي سويلنه انه داوود
يلا
فتحيي
- فتحت الباب وانه خجلاهه دنگت راسي ..
- انتي منو ؟ شو رفعي راسج
وين حمديه ؟
- والله ياخويه مو انه والله مرتك هيه سوت هيج انه ماعرف شون والله
- والله وعاشت ايدها .. تحولتي من جاسم ل حمديه
- يعني شنو حلوه طلعت ..؟
- اي والله ولا عرفتج تخبلين ..يله روحي بسرعه
- حاضر من عيوني
________________
وصار - يـومۘ الخطوبه و الي البعض عدهم يوم " الصدمه"

يمه شغلي المبرده لايسيح المكياج ..
-هسه اتاي متوازيه حاطه بوية عمال الديره كلها صكد جذب
اخخ يلوكت والله جنت ب ايام عرسي ...
- اهو راح تفتح جريده استلمي ياسمين انه اروح اكعد يم المبردة احسنلي ..
- جنت احطن ديرم وكحيله والبس ثوب امي عبايه واشدها من النص بخيط  هايهيه وذيجيه هسه انتن بويه  دم عله الحلگ ومدري شنهي فوگ العيون عبالك عرس مو عيون ..
- عمتو الباب يندك اجو يمكن
- كلللللللوووششش وهاي الرادها واهاي التمناها
حمديه : ارتفعت اصوات الفرح و الهلاهل وانه گلبي احسه يرگص يريد يطلع من الفرح ..
اليوم ياسمين ماقصرت لبستني وحطتلي مكياج مدري شنهي
تجيب وتخلي بس طلعت موش انه حته انه ستغربت هاي منهي ؟
ههه بالله خل اشوف حامد شيگول عليه ..

- يمه الشيخ راح يدخل ماريد اي احد موجود بس حمديه وغطيها زين
- صار يمه

-
مرت الأيام وكلشي عده على خير علاقة ياسمين ويه عمتها
صارت احسن .. داوود وحمديه رجعو مثل قبل .. خليل رجع لديرته واهله و اصحابه واوضاعه عال العال .. داوود من بعد الملحه مال امه قنع بغزاله ... اما خالديه وما ادراك ماخالديه
ف هاي المره سالفتها سالفه .. ماخلت شي ماسوته
لخطبة ابنها ...
- ولج ياسمين ساعه تغسلين العبايه يله ستعجلي لا تروح الشمس هم يله تنشف
- اي عمه بس اذب عليها مي
- اكلج يمه
ناخذ الجكليت و الحلقوم وبعد ؟
- ولج يلفاهيه يلعوبه شون بيه اخخ
حطي المصغول ويلهن و چكليت كويتي مو ابو البقرة
يمه هله بهل طول
- الله يساعدج يلغاليه
- يمه طالع گمر صلاوات على محمد
حمدييييه ولج حمديييه
- ها يمه
- شعلي حرمل
______________
اكلك حـمـودي ماتنطيني البهبهان مالتك شويه اريد افرح بخوي

- كدام عينك خويه

- لكك خليييييييييييييل شعملت ...)

ولهنا اصدقائي نختم البارت لاتنسون التصويت 💜💜

˼‏مَـݪائڪيۿہ ༒˹
( شوگ ادم )