و انكسر قلبي ( روايات ليبية )

حلقة 2 🔥

#وانكسر_قلبي
#بقلم:#منى_المجبري
#part2
__________________________
_لايك قبل ماتقرو و بعد القراءه رايكم في تعليق دعمكم ليا يهمني وديرو دعوه للاصدقاء💙
___________________________
(حقيقه💖)
____________________
_ رتاج .....فكيت الارضى وخشيت بيه للدار لقيت موده راقده ويسرا مصبيه زي الحارس😂 كتبت الرقم واتصلت وقلبي يدلف من الخوف حسيته قلب فيل مش قلبي واخيرا وصلني صوته ..

اسماعيل : الو
رتاج" بِ صوت هامس": الو اسماعيل
إسماعيل" بِ سعاده":ر رتاج كيف حالك
رتاج "بٍ ارتباك": الحمد الله وانت
اسماعيل : مدام انتِ بخير انا بخير
رتاج" بِ حشم":شكرا
اسماعيل : اسمعي يا بنت الناس انا ليا فتره طويله نشوف فيك وحبيتك وقررت نعترفلك انا نحبك موافقه نرتبطو ولالا
رتاج "بِ همس": موافقه
اسماعيل: وعد ه نكون راجل معاك وكم شهر ه نتقدملك يا ارق انسانه
رتاج: إن شاءالله امم عرفني عليك اكثر
اسماعيل" بِ راحه": اسمي تعرفيه مواليد 1990 عمري20 سنه نقرا اقتصاد سنه ثانيه جامعه ونشتغل في محل
رتاج" بِ هبال": اوصفلي شكلك مش شايفتك زين
اسماعيل" بِ ضحكه": ههههههه توا ندزلك صوره شوفيها براحتك ومع ذالك توا نشرحلك انا طويل وعندي شويه عضلات هههه ولحيه سوده واسمر وشعر اسود وعندي غمازه في خدي اليسار تمام هكي
رتاج" بِ هيام": تمام التمام
اسماعيل" بِ صوت هامس": انحبكك رتاج نحبك
رتاج" خدودها حمر": حتى انا
اسماعيل: ربي يكمل علينا

_ التفتت رتاج وسمعت باب البراني انفتح

رتاج "بِ استعجال": يارب ، قتلك مترنش عليا لين أنرن عليك انا لان الارضي في الصاله وهكي ننكشف وتوا باي في حد جاء
اسماعيل: حاضر رد بالك على روحك مع سلامه

_رتاج.. سكرت الخط ونا حاسه بِ راحه وحب كلامه اقنعني ونبيه راجلى وبات اعيالى نضت فكيت الارضي وخذيته و فتحت الباب وتوابعت مفش حد يسرا مقعمزه تلعب في تلفونها طلعت ونا نسحب حطيت الارضي مكانه وجيت ل يسور

رتاج: يسور يالدبه مخليتك تحرسي الباب وقاعده تلعبي
يسرا: ماهو نشوف في الى يجيه يا هبله شن صار فيك
رتاج: اعترفلى بِ حبه ومشئ الوضع تمام بس سكرت ونحنا في نص الهدريز لان سمعت صوت الباب نحسابه خالد
يسرا "بِ ضحكه": اسفه خربت عليكم اللحظه انا الى فتحت الباب حطيت جبنه للقطوسه
يسرا : مشاء الله نزلت عليك الحنيه يعني اخخ ديما انتِ وبنتك مخربات اللحظات السعيده

_ قطع حديثهم خشت وصال وفوزيه ومعتصم ووراهم خالد

وصال" وهيا تجري": ماما ماما هاكي شوكلاته جبتلك طرف
يسرا : ياخيا سلم بنيتي الى متنسش فيا يانجي ماجاب احزامي نزها وين نشوفك قدامي
خالد" بِ ضحكه": شنوو شنوو عطيه عطيه ههههههه
رتاج :، يانويرتي عليا انا مش خالتك ولا خالت الدب مافي والى معبرني
وصال: اصلا انتِ الى مفروض تجيبيلي الشوكلاته الى وعدتيني بيها
فوزيه : اهو هاكي واسكتي فكيني من دوتك
رتاج "بِ طفوله": ربي يخليلي ماما جابتلى وماشمتت فيا الناس
خالد : هههههههههه معش عرفت من الطفله رتاج ولا وصال
فوزيه:، اشر من بعضهن كلمتي راجلك يا يسرا
يسرا: اها قالى توا نجي
_____________________
"تسريع الاحداث"
_ تعشت يسرا وراجلها وروحو وخش خالد للمربوعه وخشو فوزيه ومعتصم رقدو خشت رتاج حكت شويا مع اسماعيل ورقدت.
"بعد مرور شهرين"