احببته بعد زواج المصلحه❤️ بنووتة الشيخ :اروى الطاهر المسلاتي مكتمله

الحلقه 2

احببته بعد زواج المصلحه:-الحلقه الثانيه

سراج:-درنا خطبه و لبسنا الخواتم لاكن لازم نصارحها بي الحق و الخيار ليها تكمل ولا ترفض😔💔...
نمشي نقابلها خير من التالفون

انور:-تفضل ولدي انستنا خلي نمشي انادي اميره
سراج:-زايد فضلك عمي منور
اميره:-السلام عليكم
سراج:-وعليكم السلام كيف الحال
اميره:-تمام و انت
سراج:-مش بخير الحق
اميره:-ان شاءالله خسر شن في
سراج:انا نبي نصارحك بي حاجه وانتي وراحتك تكملي و لا ترفضي
اميره:-به تكلم
سراج:-انا غاصبيني عليك الحق ونبي بنت من تركيا لاكن اعلي ميبوهاش وبوي مش رح يخليني نرجع إلا وانا متزوج ليبيه
اميره:-به علاش مقتليش من الاول قصدي كيف نتكلم وعيوني معبيات دموع
سراج:انا منبيش نكدب عليك رح نخليك تكملي قرايتك في احسن جامعه في تركيا ورح نكتب حوش بي اسمك وكل شي تحتاجيه اول متكملي وتتخرجي حددي اليوم سلس تبينا نطلقو فيه وانا جاهز لاكن نبيك تفهمي ان انا نحب حبيبتي وبنتزوجها بدون علم اهلي اول منوصل غادي انا وياك و الخيار ليك انتي

اميره:-روح سراج وانا نفكر كسف بنديو نفسخ الخطبه ونحطم فرحت بوي و امي ونحطم احلامي؟؟ ولا نكمل ونتحمل عيشتي يلي ممكن انها تكون جحيم كل يوم ساعدني ياااارب😢😢

من كثر التغكير غرقت في النوم وعيت علي صوت ماما
ماما:-اموره نوضي ياقلبي اتصلت ام سراج بيجو يحددو العرس😊😊
مثلت اني فرحانه ونضت صليت وقعمزت نفكر وصورت ماما و بابا كيف فرحانين مش مفارقتني اخيرا خديت قراري اني نكمل زواج المصلحه هادا وكل واحد ياخد مصلحته
اسراء:-قصدك هكي خلاص وافقتي متأكده من قرارك؟
اميره:-ان شاءالله منندمش لاكن خلاص مستحيل نرجع

سراج:-سمااح يا سمااح وينك
سماح:-ها شن تبي ديما وانا حاصله فيك
سراج:-نبي رقم اميره قتلي عندك
سماح:قريب صدقت ان خوي سراج عاق معقوله لا توا معندكش رقم خططبتك ورحمت خروف العيله مانصدق😂😂
سراج:-هادا دمك ولا عصير قرعه😒😒هاتي الرقم عطك بوبريص ينتش خشمك
سماح:-به هاك😒😂

اميره:-هاذا سراج يتصل؟ 😨😨
الوو
سراج:-ايوا اميره سراج معاك😊
اميره:-اي عارفه خديت رقمك من سماح😒
سراج:-اها به كوبس جبيت نتصل باش نعرف رايك قبل متجيكم امي وتحدد العرس
اميره:-تمام موافقه

سراج:-تي شنو اللصقه هادي😡لاكن يالله المهم لقيت وحده ترضه نتجوز عليها وتسافر معاي
اميره:-الووو وين رحت
سراج:-اها معاك خلاص تمام ربي يقدم يلي فيه الخير انشاءالله
اميره:-انشاءالله يارب

زينب:-هيا وليدي سيرجو نوض ياسرك نوم ارفعني لي حوش نساباتك خلي نتفاهمو علي العرس
سراج:-قولي لي بوي يرفعك اصلا فرحان بيها تقول هوا العريس مادابيك زوجوها لي بوي وخلاص😂😂
زينب:-خزي عليك قليل آدب معش تتحشم انت  نوض خير منقول لي بوك
سيراج:-باهي نايض واااللك

في بيت اميره:-
امال:-اموره خيرك طول الوقت سرحانه شن فيه
اميره:-شي بس نفكر امتا رح يكون الموعد يلي حددوه
امال:-بنيتي خلاص بري تو نكمل اما انتي بري جهزي روحك قريب يوصلو

✨روايات بنووتة الشيخ✨

✨أروي الطاهر المسلاتي✨
في بيت سراج:-
سماح:-ياإلهي العريس منضره زي البنقلا امتع مدرستي تو باللهي هادا شكل واحد بيمشي لي نساباته يحدد عرسه
سراج:-صكري فمك عليا خير متاكلي كف يعدلك وجهك راهو مش وقتك
سماح:-اي يابابا كان ماشين لي حوش البنت التركيه راهو وجهك ابتسامه زي اعلانات معجون الاسنان😂😂
سراج:-سماااااااح اطلعي براااااااااااااااا😠😠😠
سماح:-به طالعه😂😂😂😝
سراج:-اخخخ ياربي وخلاص شن عا البلوه يلي طحت فيها امتا بنسافر وبنشوف ميمي استاحشتها كبيدتي😍...

يتبع

لايك + كومنت = حلقه اضافيه 💜
ومجهزه 3 حلقات زياده نبي تفاعل بس و انزلهم مع بعضهم