حياة مقدرتش تتكلم دخلت اوضتها وفضلت تعيط من غير صوت تعيط بصمت على القدر اللي جمعها ب أسد....
_____________________________
مازن : الو يا توفيق بيه...
توفيق : ايه الجديد...
مازن : اللي عرفته ان أسد ناوي يتقدم ل بنت اسمها حياة نور الدين...
توفيق بعصبية : ازاي... يحصل كدة انا مش مصدق... اسمع افضل راقب كل حاجة وبلغني.....
مازن : اوامرك....
_____________________________
في قصر أسد......
أسد : فرح انتِ ميعاد خطوبتك امتي؟
فرح : انا كلمت علي واتفقنا يكون بعد شهر...
ريم : ليه يا فرح...
فرح : علي مسافر بكرة وهيرجع بعد شهر وانا مكنتش عايزه اشغله دلوقتي...
أسد : كلامك صح يخلص شغله وبعد كده يخطبك....طيب انا هطلع انام عندي شغل بكرة تصبحوا علي خير.....
طلع أسد عشان ينام لكن كان بيفكر في حياة وبيحلم في اليوم اللي هيبقي معاها....
_____________________________
اليوم التاني.....صحيت حياة ولبست وهتنزل الشغل كانت بتحاول تنسي لكن أسد شاغل كل تفكيرها...
الخالة هالة : حياة رايحة فين....
حياة : نازلة الشغل...
الخالة هالة : انتِ متأكدة انك هتقدري؟
حياة : انا نسيت يا ماما نسيت متخافيش عليا.....
نزلت من بيتها واتجهت للمستشفي...كانت بتمثل انها نسيت بتحاول تبقي قوية لكن قلبها كان بيقطع من الوجع....
____________________________
في شركة توفيق......
توفيق واقف وبيزعق للموظفين...
توفيق : يعني ايه الشركة بتخسر ممكن افهم ازاي كل الفلوس دي خسرناها....
واحد من الموظفين : حضرتك احنا مش عارفين ازاي ده حصل...
توفيق : المشكلة دي تتحل والا انتوا عارفين اللي هيحصل......
_____________________________
في قصر أسد.......
ريم بتصحي من النوم علي صوت تليفونها.....
ريم بنعس : الو..
هادي : يا بنتي كفاية نوم انزلي عايز اشوفك...
ريم : هي الساعة كام؟
هادي : الساعة 9 قومي بقي عشان اخوكي نازل ورايحين الشركة....
نزلت ريم وطلعت علي باب القصر لقت هادي واقف وماسك هدية في ايده...
هادي : حبيت أصبح عليكي بس بطريقتي.....
وقرب منها وحضانها.....
أنت تقرأ
هزمني عشقه
Romanceسهل أن تجد الشخص الذي تحبه لكن الصعب ان تجعله يحبك والاصعب ان تحاقظ علي حبكما
