البارت الثاني
نور : وصلنا لدار قصدي لسجنو لي راح يرميني فيه هذا البلاص لي راح نعيش فيه اسوء ايامي هذا البلاص لي جربت نهرب منو لي ياما بعدت و رجعت ليه حياتي هنا خلاصت 😢_Amel_
ظلام : وش راكي تستناي باش تهبطي
نور: علابالك فحياتي مكرهت انسان كيما كرهتك انت
ظلام :قد مكرهتيني مراحش يكون قد كرهي ليك قد مارفضتيني مراحش يكون قد رفضي ليك بصح فنفس الوقت مراحش يكون قد رغبتي بيك مرحبا بيك
تفتح باب القصر ودخلت منعرف علاه كاين احساس لداخلي يقلي بلي جيت هنا مقبل بصح مانيش عارفة كيفاه سمعت الحس خزرت مورايا لقيت ظلام دخل وانا مازلت قاعدة فبلاصتي عند الباب دار منعرفهاش انسان نكرهو حسيت روحي بديت حياتي مصفر اي طفلة كي تزوج تخاف متكونش عارفة والو تحتاج شخص يرشدها ويوريلها بدل حوايجو و خرج متنازلش يخزر فيا من اصلو شوي جات مرا قالتلي انتي هي نور انا رقية
رقية : انا عمة ظلام والوحيدة لي ساكنة معاه هنا علابالي راكي خايفة زمفاهمة والو اطلعي لفوق لشمبرتك تلقايها لولة على اليمين
نور : مجاوبتهاش طلعت ديراكت نقدر نقول فاللحظة هذي لحاجة الوحيدة لي حابتها ماء بارد بلاك نفطن
دخلت غلقت الباب كانت كيما اي طفلة تتمناها بصح ماشي طفلة جابرينها عزواج .طحت فلرض وقعدت نبكي مقدرتش نشد اكثر
__هي نور وهو ظلام من سيتغلب على الاخر هل ستنور حياته ام سيظلمها
البارت الثالث :
ماكيش معولة تنوضي ؟
نور : قعدت مدة باش ستوعبت وش صراا رفدت راسي تلاقات عيني مع عينو شدي من ذراعي و نوضني
ظلام : المرة الجاية كي نحكي معاك تجاوبيني راكي تسمعيي زير كثر على يدي
نور: اييه فهمت خليني برك يخي خلاص ديت وش حبيت وليت مرتك
ظلام : هه مرتي ؟ نهار لي نعتبرك انا مرتي ثم قوليها
نور : وش قصدك !!
ظلام : اول حاجة الوحيد لي يسأل هنا هو انا الوحيد لي يقرر وين و كيفاه وش ديري هو انا راكي تسمعي ياا نور
نور : علاه جبتني هنا همال اا مدام متعتبرنيش مرتك ولا حتى خدامتك ولا اي شي بالنسبة ليك علاه تزوجتي علاه
شدني من فكي و حسيتو نصل
ظلام : انا منتفكرش قلت مراحش تكوني خدامتي ماعلينا ذك يجو عايلتي رح نعرفهم عليك جهزي روحك
نور : عايلتك عندك عايلة ؟
ظلام : لمرة ثالثة و الاخيرة لي تسقسيني حاجة راكي تسمعي
نور : ان شاء الله
خرج و خلى فبالي الف سؤال عايلتو علاه مجاوش مقبل علاه مظهروش مقبل
احممم اخي العزيز راني هنا كي شفت مرتك نسيتني
ضحك و عنق اختو و راح سلم على يماه كي شافتو يضحك ضحكت معاه حتى هي متعرفش علاه فاقت مع روحها كي سقساتها جمانة (اختو ) علاه راكي تضحكي
نور :احم تفكرت حاجة برك
جمانة : نور علابالك مصدقناش كامل بلي ظلام يزوج اييي هذا وين فقت اسمائكم ضد بعض ههههه يعني انتي نور و هو ظلام
نور في قلبها (كل حاجة فينا ضد بعضاها ماشي غير الاسماء )
نطقت يمات ظلام لي ملي جات و هي ساكتة تخزر في نور
ماماه:حنا مقدرناش نجو للعرس
نور: معليه..مخلاتنيش نكمل كلامي
الام: على خاطر احنا مراناش قابلين بهذا الزواج
جمانة :يماا..!
الام:بصح كان لازم علينا نجو نشوفوك نشوفو لي قبلت تتزوج بواحد بلا ماتعرف اهلو
نور: هه الكلام لي راكي تقوليلي فيه كنت رح نجاوبك عليه لوكان جيت نعرف من الاساس انك عايشة
الام:وش تقصدي
نور: نقصد انو ابنك لوكان جات عندكم اهمية فحياتو كان قاللنا عليكم اذا كان هو ماشي عاطيك الاهمية باش تحضري عرسو حبيتيني انا نديرلك اهمية بانو محضرتيش ؟
(هذي الهدرة كامل و ظلام كان قاعد يخدم بتيلفون )
الام: وانا نقول وليدي علاه خيرك هذا وين عرفت لبنات لي كيفك ماشي بساهل يتلقاو
جمانة : احمم نور وش رايك نطلعو لفوق اه وثاني نشوف عمتي وين راها مزال مشفتهاش
نور: اييه و نخلو يما لعزيزة مع زوجي العزيز باين متوحشين بعضاهم ملي دخلتوو وهو عينو عليها ههه
____
جمانة:نور بلاكي تزيدي تحكي مع يما بذيك الطريقة ظلام ليوم سكت بصح ماشي ديما يسكت
نور: ماقللتش من احترامها انا كل لي قلتو حقيقة
جمانة : فرأيي اذا حبيتي تلومي كاش واحد و تنتقمي منو على وش راه يصير معاك فيما رح تكون اخر واحد لازم يعاني
نور : راكي عارفة ؟
جمانة :انا راني عارفة كلش انتي لي راكي عمية في وسط وش راه يصير ننصحك شدي فظلام قد ماتقدري هو الوحيد لي يقدر يسلكك من الورطة لي راكي فيها
نور : كيفاه يقدر يسلكني و هو لي حطني فيها
جمانة :صدقيني ظلام قد مراهو ظالم هو مظلوم
نور :فهميني !
جمانة : منقدرش نحكيلك اكثر لازم نروحو ذرك جدي يتقلق
نور :جدك كاين جدك ثاني ؟/
جمانة :قتلك مراكي عارفة والو
خرجت معاهم وراحو و خلاوني في دوامة كبيرة من الاسئلة انا وين فهذي الحكاية وين طحت ياربي شكون ظلام وشكون هذي العائلة ؟؟؟
أنت تقرأ
جحيم عشقك
Romance_رح تكوني ليا ليا وبرك قولي وش تحبي ميهمنيش جتى رأيك ميهمنيش سواء قبلتي او لا رح تكوني ملكي مرحبا بك فجحيم عشقي هههه في ظل الحياة البسيطة الهادئة اجتاحني اعصارك و قلب موازين حياتي انت شئ مخيف يجبرني على الهرب وانا بالنسبة لك وصلة لمسح بقايا الانتق...
