اطلقني رامي اطلقني تعيش خليني نروح دوك تجي يسرى خليني علاه رامي نتا في مقام خويا تعيش
انا شاهيناز عمري 20سنة قصيرة وبلوندا طاي 40وشعري طويل عندي ختي وخويا اكبر مني وماما وبابا عايشين معانا وختي متزوجة وتسكن بعيدة علينا في ولاية في الساحل يعني فيها لبحر انا كنت نبغي نروح عندها بيسك نبغي لبحر في الصيف والتحواس ومين نروح عندها منلقاش بابا وخويا لي دايما مور لبستي والخرجة دايما متخرجيش متروحيش🤷 كنت نصيب راحتي 💆مين نروح ليها في الصيف رحت ليها وكنت مخملة معايا فاليزات ماشي فاليزة كنت معولة هاد المرة نصيد كاش راجل 😜قلت نحوس نتزوج على روحي انا نمشي في الطوموبيل مع خويا ومدايرة الكيت ايا عيط رامي لي هو راجل ختي طويل وشباب ويلعب سبور من لاصال للخدمة للدار هادي حياتو المهم نرجع بيكم مين عيطلو يسقسي اسكو قريب نوصلو ولا والو 😒 رد عليه خويا قلو قريب المهم وصلنا جوايه المغرب هاكا رحبت بيا 😍 ختي وقاتلي توحشتك قتلها مام انا حبيبتي 😘 في الليل نخرجو للبحر تعيشي ختي قاتلي اوووو رامي ميبغيش في الليل حتى الصباح ونروحو ونديرو قعدة شابة زعفت انا 😢وقتلها لالا نروح لالا نطق رامي واش بيها الصغيرة نتاعنا باغية لبحر اوك نروحو وكملو القعدة تما انا وختي حرنا وخويا قلنا علاه خلي للصباح بقى مصر على رايو رامي وقال والو نروحو دوك رحنا وخيرنا بلاصة نريحو فيها انا نمشي ونشم في ريحة لبحر توحشتو ونسمع صوتو نموت عليه وختي مع راجلها رامي ورايا ويضحكو عليا وانا فاتحة يديا ونهدر مع لبحر ونعيط ونقلو توحشتك 😂😍😍وخويا بقى في الدار رقد تعب من السفر بعد ما دخلت للبحر وانا لابسة قندورة صيف طويلة وغوز تشمخت كامل وشعري مشمخ رحت ليهم وقعدت وبديت نتعشى وهوما يضحكو عليا 😃طلعت راسي باه نقلهم اسكتو عليا ايا 😒ومع ديك الحركة خزرت في رامي وتفاجأت بالجاست لي دارها 😲😲😳😳😳😳
