وصلنا للجادران حبس طوموبيل وانا قتلو خلاص رامي علاه راك زاعف هاكا منعرف علاه راك تكبر في الحكاية ديجا قولي علاه دابزت معاه خزر فيا بخزرة تخوف ومقلق 🤯😡تحبي تعرفي علاه دابزت معاه يالالة هاداك عشيق ختك 🤬الخامج وين نتلاقا معاه يسمعني مانكره وانا متحمل هاداك يالالة حبيب ختك لي راني مغبون معاها علاجالو 🤯فهمتي عامين وانا نحاول مع ختك باه تحبني ولا اوموا تعطيني حقوقي كراجل 🤯😡😡وهي والو لاخبر نهار كامل سارحة في حبيب قلبها كيما راكي تشوفي البارح بايت في الصالون مامبا حست فيا ولا كاش نهار سمعتيها قاتلي كلمة حبيبي 😠ولا نهار حكاتلك عليا بلي توحشتني ولا تبغيني والدليل الصباح حكاتلك على حبيبها 🤬الكلب وليت نشوف روحي مانيش راجل معاها كرهت حياتي معاها وين نقرب ليها تروح وتخليني بففففففف يهدر وصبعو يضرب فيه على قلبي انا معرفت واش نقول هو من جيهة عندو حق ومن جيهة هي ختي ومنقدرش نكون ضدها هديتو وقتلو عندك الف حق 👌 ونتا راك راجل وسيدهم ضحك ضحكة صفرا وقلي سيدهم 😏ختك ردتني طرطور وراسي تحت الرجل وواحد كيما هاداك الخامج نهار كامل من مرا لمرا يسمعني انا الهدرة هاي ختك واش عطاتني في حياتي 🌸😒اوك قتلو تفاهمو تناقشو قلها بلي نتا تبغيها ونتا عندك حقوق ليها كراجل 😕قلي وتحسبي مجربتش ناقشها ولا نحكي معاها جربت كل الحلول سييت نخليها تحبني من نهار تزوجنا تعاشرت معاها ثلاثة مرات عبالك في عامين غير ثلاث مرات وتجي تقوليلي ناقشها 😞قتلو جاوبني نتا تبغيها ولا والو 😒 قلي انا نحبها على أساس مرا عندي في الدار برك أما الحب لكبير نو قتلو مدام هي متبغيكش ونتا متبغيهاش حاولو تشوفو حل يرضيك ويرضيها وصايي قلي اوك دوك نوصلك ايا نروحو انا عييت وحاب غير ندوش ونرقد منفطنش 🙁قتلو ياله نروحو وحاول تفتح المشكلة بوعي
