بختي و عارفه ٣
حسيت روحي نعرفهاا حسيت اني مكبد فيها من اسنين فرحت و خفت بس قلت يالله رديت و قلت ألوو و تقولي اهلين عرفتني قلتها اكيد و قعدنا نحكوو و سألتها ليش الوقت هذا كله طلع عندهم حالة وفاه و حكينا طلع اسمهاا رانيا حبيتها و حبتني و تعرفنا و حكينا و مرت شهور هي تقرأ جامعه سنه اولى اقتصاد نمشيلها في جامعه و نتلاقو و كل يوم نكبدو في بعضنا اكثر بعدها انا قلت اشقي بروحك انت كبير مش صغير قعدت نشتغل و نبي نطلبها و فعلا لما صكرنا سنه و هي نجحت قعدت ثانيه قلتلها نبي نجي نطلب فرحت و قالت تم و اتفقنا و مشت امي و الأمور تمام بعدها ردو علينا رفضو عليش البنت يبيها ولد عمها انا حسيت روحي ح نخسرها من يومها عرفت للي فيها رنيت عليها كيف صار قعدت تقولي الله غالب معنديش كلام بعد كلام باتي قلتلها محدش قالك عارضي هلك بس اصبري ارفضي ولد عمك و ارفضيني بس ماتنخطبيش ال حد اخره بعد الي بينا ما ترخينيش البنت صكرت راسهاا نا غمتللي بكلل طلعت شور البحر اسبوع و صكرت تليفوني و خذيت معاي وليد صاحب ديما في بحر قلتله ما تسألني ع شي و فعلا قعدنا ناكلو و نشربو و مرافقناا آمعيلف و أغانيه للمره الثانيه و نا نفكر بعدهاا جا شايب و هزبني و رد بي للحوش و قالي حركات صبايا الي دير فيهن بنت و رفضاتك انا كلمته نزلت علاي كيف السيف بس زمطتها خشيت داري و درت دووش سريع و فتحت تليفوني ما جاتني و لا مكالمه و لا رساله قلت تربح و رقدت وعيت ع ٣ هكي و مرايف 💔 رنيت عليها لقيتها انتظار قلت اكيد صاحبتها استنيت شوي رنت علاي رديت الو مرايف عليك هكي طول ثلاث كلمات ورا بعضهن قالتلي و هي متريحه و صوتهه عادي جدا كل شي نصيب و نا وافقت ع ولدعمي و ربي يوفقك 💔+2 قلتلها كيف يعني مش ع اساس تحبيني قالت والله انحبك بس خلاص انت ضرورى تقتنع انا مجربتها زمان واعره بس مع الوقت تمشي 🙄🤐 نصدمت فيها قلتلها كيف مجربتها تلبكت و قعدت تبكي اناا نحب واحد من نا صغيره و ارتبطنا بعدها سيبني عشان يبي يقرا برا و قالي مازلتي صغيره تعذبت بعدها رضيت بالنصيب و فعلا ربي عوضني تعرفت عليك َ حبيتك و عشت معاك أجمل أيام حياتي و توا رد و طلبني و يبي يقعد حلالي لان نصيبي انا هنا دنيا وقفت بي حسيت روحي غبي قلتلها كيف صار قصدك هو ولد عمك لكبيده صكرت و دزتلي معش تضايقني كل شي نصيب سلام المره هذي وجعتني روحي لاني غبي و ديما يتسغفلو في عارف اكيد تقولو هذا مضحكهه بالعاميه الله غالب الدنيا بخوت و بختي و عارفه و نا نذكر في هذا كله و قاعد قدام حوشناا و ظهر و ساعه ١٢ يقاطع أفكاري صوت ولد جيرانا يقول ......
يتبع
