#مصراتة_لا_تُشترى_بالوزارات
حشاها مصراته من التمجيد ولا عمره انكتب علينا نمجدو شخص التمجيد نهيناه من 2011
ولا عمره يتقارنو المصاريت بالشرق ولا عمره يتقارن حفتر ب باشاغا
حفتر جاكم من 1200كيلو بالدمار والخراب والقتل وماشفناش واحد فيكم تكلم عليه ولا ذمه
لسانكم هدا مايطلعش الا لما الموضوع يمس مصراته لهدرجة حارقينكم؟ 😍
لما جينا دافعنا علي باشاغا وتكلمنا عليه لانه طلع وتكلم ضد الفساد ووقف مع الشعب ماوقفناش معاه لانه ولدنا
ومعيتيق وساسي حتى هما مصاريت ومع هدا طلعنا ضدهم ومسحنا بيهم الارض .. احني مع الحق مايهمناش لا مصراتي لا غيره
فلهذا الهو ف التفاهة وسيبو السياسة لاهلها 😘
أنت تقرأ
اسبرطه❤
De Todoمصراته 🇱🇾❤🇱🇾 بآسمها تنطق ..... الميم : مجدها الصاد : صمودها الراء : رجالها الالف : أرضها التاء : تاريخها الهاء : همة الرجال مصراته بحجم دوله كامله ❤🇱🇾❤ مصراته عشتي ودمتي عاصمة الشهداء ❤🇱🇾❤ مصراته لو كان للصمود دوله لكانت مصراته عاصمتها...
