امال : العفو ممكن سؤال
الممرضه : تناولي العلاج
امال : بس اذا ممكن اعرف شنو مكتوب ع الدوا من اعراض جانبيه
الممرضه : مافي اعراض جانبيه
امال : ماكو دوا مابيه اعراض
الممرضه : في
امال : ممكن اشوف هويتج ؟ لو ممرضه مكلتي هذا الكلام
الممرضه : اتركي عنك هلحكي بدك تناولي علاجك
امال : ( ضربت ايدها تكمشت وياي تريد تغصبني ع العلاج من ايست مني جابت الابره المخدره تريد تظربني واضل مو ممرضه ... وين اكو ممرضه تضرب مريض وحدها وهوه بحاله هلع .... تكامشت وياها اخذت تصيح .... دفعت الابره عليها ... انغرست بايدها بسرعه رخى جسمها... وكعت متتحرك ... بسرعه ركضت للبتب غلقته سمعت الباب ينضرب بسرعه بدلت ملابسي وي ملابسها وخليتها بفراش وفتحت الباب كنت لابسه كمامه ع وجهي وكذلك الي اجوي كلهم لابسينها عود ممرضين انتبهتلهم ولا واحد لابس باج بديت اصدق كلام رسول سالوني شنو صار كتلهم اجتها نوبه هلع وخدرتها .... من كلامهم المتست انهم مو اطباء وان هذا المكان مو مستشفى ... من اطمنوا راحوا عني غلقت الغرفه واخذت ادور بالغرف عن هويتي او اي شي يخصني خفت تكعد البنيه وتفضحني فعفتهم وطلعت واني طالعه رصدوني بالكاميرات فجوي يستفسرون وين رايحه معرفت شنو اسوي كبل ركضت جان يركضون وراي كانو رجال اثنين ... كانوا اسرع مني بس لزموني اخذت اصيح فحاه ظهر من العدم رجال ملثم رمى ع الي رادوا يلزموني .... ضليت صافنه عليه ماعرف صديق عدو دار وجهه عني وراح .... بجسم راجف كملت طريق اختل بالشوارع مااعرف وين اني وين اروح الى ان خيم الليل ..... كعدت باحد المتنزهات محتاره وين اروح شنو اسوي شوي وشفت رسول كانه كان يدور عليه بس شفته ركضت حضنته اول مره افرح هيج بشوفته يمكن لان كنت وحيده وماعرف احد ..... مرر ايده لظهر محتضني كانه يطمني )
رسول : لا تخافين محد راح ياذيج
امال : وين اروح ماعندي مكان 😭
رسول : تعال بشقتي بس بلاول لازم تبلغين الشرطه
امال : تبقى وياي 🥺 ( اومئلي براسه كموافقه رحت لشرطه بلغتهم بكلشي صار وياي خذوا مني معلومات عن الي خطفوني وقبضوا عليهم وع مدير المستشفى وعدولي يرجعولي ابني اخذني رسول لشقته جنت حيل تعبانه بس وصلت نمت ع القنفه شوي وحسبت بيه يكعدني محضرلي الاكل )
رسول : كعدي تكلي ميصير تنامين بدون اكل
امال : شكرا ( كعدت اكل وهوه راح مدري وي شوي واجى بعد ان خلصت ) انت الي قتلت الرجال التبعوني مو
رسول : ها
امال : مراح اذكر اسمك لشرطه لتخاف ..... جنت تراقبتي ؟
