ايلام : ( كملت البيدي و رجعت لرؤوف كالي ان رسول اخذ امال وطلعوا ) ماخبرني ؟ بلقليل جان اتصل
رؤوف : ماعرف كان مستعجل
ايلام : (بهلاثناء وصلتني صوره لرسول وامال مقيدين من رقم غريب )
رؤوف : شنو شبيك
ايلام : ( اتصلت ع الرقم الغريب مارد دزلي رساله طالب بيها طلبين مقابل روح كل واحد بيهم الاول ان اخذ الفلوس الخاصه بعصابتنا واخليها بمكان حددلي اياه وثاني ان اروح لمنطقه ريفيه هناك يريد يقابلني فهمت من مقابلته الي ان يريد يقتلني كاتب باخر الرساله اذا لعبت بذيلك اقتلهم اثنينهم ) رؤوف انتظرني بالمطار
رؤوف : شنو صاير
ايلام : راح نهرب .... انتظرني بالمطار اذا ما جيت امال امانه برقبتك
رؤوف : خلينا ننصبله فخ
ايلام : مستحيل اجازف بروح رسول وامال ولا حتى واحد بيهم
رؤوف : الي خطفهم يعرفك .... لزمك من ايدك التوجعك
ايلام : نبقى ع الاتصال ( اخذت الفلوس وخليتهم بالمكان المحدد اجى رجال ملث اخذهن ونطاني رساله خفت اتهجم عليه و ياذي رسول او امال اكيد الي خطفهم مو وحده .... فتحت الرساله مكتوب العنوان الي يريد يقابلني بيه .... مستحيل الي اخذ الفلوس هوه نفسه الي خطف امال لان شفته طلع بغير طريق العنوان المكتوب بالورقه واذا يريد يقابلني هناك فلازم يكون اسرع مني بالوصول للمكان .... زين سويت من ما قتلته نفس ما كال رؤوف الي خطفهم يعرفني كلش زين ومو وحده .... اتجهت للعنوان كان بيت قديم وسط ريف دخلت للبيت ماكو احد اخذت ادور .... نزلت للقبو شفت امال مقيده ع كرسي بس شافتني هزتلي براسها بالرفض كانها تريدني اطلع ) اعرف فخ
امال : ( اول ما فتح قيودي انتشرت ريحه الغاز بالمكان ) رسول .....
ايلام : ( مجانت تكدر تحجي من الغاز حملتها مطلعها من البيت بمجرد خطيت عتبه الباب انفجر اللبيت بالكامل ... ردت ارجع كل بالي يم رسول جان تلزمني امال من ذراعي ) رسول وين
امال : ه...هوه رسول
ايلام : ( بعدي ممستوعب الي صار اجتي رصاصه بنص ظهري )
امال : لااااااا
رسول : ( بس طلعوا جنت انتظرهم برا خاف ينجون من الغاز .... ردت امال تنجو وحدها بمجرد لمحت ايلام رميته بس فاجئني بالتفاته الي ولا كان اكو رصاصه بجسمه ضل يباوعلي بغضب ممتزج وي الصدمه .... رعبتني نظرته ... خوفي سيطر عليه مكدرت ارميه مره لخ ماعرف بسبب الخوف او الارتباك المهم انهزمت جان يركض وراي ولا كانه اكو رصاص بنص جسمه ... كان اسرع مني لزمني من رقبتي موكعني للارض جانت نهايتي لو لا اتصال تلفونه )
