جسد انهكه الحب
البارت الاول
#زينب الروازق
عدت لكم احبتي بقصة جديدة حقيقية تحمل بطياتها الكثير من العبر والاحداث
اترككم الان مع
خَيِّأّنِةّ مَشٍروِوِعٌةّ 💔💔
ايا ليت الحب ماكان ولا صار 💔
اسمي علاء مواليد1993حاليا ابن احد النواب العراقين المعروفين لدى الحكومة العراقية
بدأت قصتي من كنت بالمتوسطة
طبعا كأي شاب مراهق بداية حياته يجرب الحب ويحب
حبيت اول حب بحياتي بسن المراهقة بعمري صغير كنت بالمتوسطة
حبيت بنت وياليتني ماحبيتها
كنت اموت عليها وكولش احبها
حبيتها حب موطبيعي
طبعا هية بنت جيرانه وقريبة علينه
كل يوم اشوفها والتقي بيها
بيوم كنت راجع من المدرسة اني وصديقي المقرب الي عباس وشفتها يم باب بيتهم
اوووف گلبي ذاب بيها كانت نضرات بيناتنه هية تباوعلي واني اباوعلها باعجاب ضلت عيني بعينها منا لحد ماطبيت البيت
عباس ها ابو الشباب وين عينك
علاء انجب انت ماعليك 😒
يلا باجر اشوفك باي
ام علاء هلو ماما شلونك
علاء هلو ماما انتي شلونج
ام علاء اسبح ماما وغير ملابسك بين ميحضرون الاكل
علاء ها ماما ما اشتهي
احجي بداخلي اگول شوفتها شبعتنني وردتلي روحي
ام علاء
ها امي وين صافن روح غير ملابسك وارتاح
علاء احم ييي رايح
صعدت اخذت شاور وغيرت ملابسي وارتاحيت ونزلت گعدت على طاولة الطعام
سالت على ماما على بابا.
گوتلها وين
ام علاء
ليش هو احنه ابوك نشوفه كاتل نفسة على هالشغل والوزارة اكثر وقته مسافر و وماموجود وقت انتخابات وملتهي
علاء لعد شيسوي غير شغلة
ام علاء الله يسهلها علية ويفرز بالانتخابات تعب كولش
علاء اميين
خلصتها صفنات على الاكل ما اكل وامي كل شوية وگلتلي ليش متاكل
خلصت وصعدت حضرت دروسي و كملت وخلص النهار بروتين ممل بس احلى شي تفكيري بالبنت الماخذة عقلي وگلبي ماعرفت شلون كملت دراستي وهية شاغلة كل افكاري
صار اليل وصار وقت النوم بس منين يجي النوم واني افكر بيها
ياربي شسوت بيه نظرة وخدة من عيونها دمرتني
من غير لا كلام ولاسلام مجرد نظرة من عيونها خلتني عاشق عيونها الحلوة
..............................................
نفس الوقت بغداد تحديدا عند بان
حي الجامعة
اسمي بان من مواليد 1999 طولي وجسمي حلو وشكلي كأي فتاة عادية من سكنة بغداد حي الجامعة
