حب وقسوة النقيب نشوان

بارت ثاني

غزل.نزلنه نتريك جوه
شهد...صباح الخير
ام نشوان..صباح النور يمه
بنين ...صباح الخير بصوت عالي
شيخه...وجع كون بكلبج ادبسسز شنو هالصوت من صبح
بنين...بيبي غير اصبح عليج يا نظر عيني يا ست الكل
شيخه..هههه ام لسان اجتي ام لسان ثانيه شون إثنين
غزل..😥هاي إني بيبي اصلن فقيره افقر مني ماكو🤗🤗
شيخه.اي فقيره كلش يله كومن تريكن راح يجن بنات عمتج شهد يله كومن تريكن وحتى تبلشن
غزل وشهد وبنين..حاضر بيبي
بنين.اوووو راح يجن أحلام وحوراء
شهد...عيب بنين خلي يجن ولحد تحجي وياهن خلي يعدي هذه اليوم على خير
غزل..والله اني بس يطبن يسمعن حجي عبالك ماكله ورثهن
بنين...اي والله
شهد...يله كومن خلي نتريك ونبلش بالبيت على ماتجي ام احمد
غزل..يي يله كمت سويت جاي وبنين سوت بيض وبصل وشهد سوت سفره وكعدنه نتريك كملنه غسلنه الماعين
شهد...يله كلمن عليه شي اني عليه مطبخ وبنين عليه طابق فوك وغزل عليج الجوه
غزل وبنين...تمام
غزل..بلشت اخذت وصله وسطل ومكناسه وماسحه بلشت بغرفة شيخه وشيخ نظفته وكملت ورجعت على غرفة خاله ام نشوان وعمو كملته وشلت الفراش وحطيت غيره ورجعت على صاله كملته ونكسر ظهري😥 كملت صاله رجعت على الهول كملته احب انظف غرفه غرفه اسهل واسرع الي كملت بقه عندي بس الحمام طبيت واجتي بنين تركص كملت واني بقه بس الحمام كملته ورحت شغلت قران وشغلت بخور كويتي اموت عليه صار بيت ريحه عطور وريحه بخور الله الله😍😍 كملت
ام نشوان...عاشت ايدج هنيال رجلج عليج والله ام بيت ونادره الف نياله
غزل..شكرا خاله بس حبابه فركي ظهري من شلت سطل مي طك احسه
أم نشوان...سوده عليه يمه تعالي
غزل...اخ خاله اوي يوجعني
شيخه...شبيه غزاله
ام نشوان...شالت سطل مي ثكيل وطك ظهره
شيخه..يمه يمه العياره ولج هو سطل مي
غزل....والله بيبي ثكيل دوره سطل مي وخرت الميز مال تلفزيون ثكيل صارن اثنين
شيخه...اي عادي بعدج جنج فرخ دجاجه
غزل..🙄🙄🙄 بيبي
ام نشوان...يله كومي كملت
غزل...تسلمين خاله
ام نشوان.....ولو بنيتي
شهد...بصوت عالي ولجن تعالن ادبسسزيات عفتني وحدي على مطبخ
غزل وبنين...ليش احنه جنه نلعب عيني😣
شهد....يله ويايه راح يجن أحلام وحوراء بطريق
غزل وبنين...اهوووووو
شهد ..  وجع أي والله يله😡😡
غزل...اموت من شي اسمه احلام وحوراء ولا عبالك هنه عمرهن وحده 25وثانيه 23عبالك عمرهن عشر سنوات على سوالفهن كبر احلام تتخبل مني مدري ليش وجنه عريف شلتاغ😂😂 صارت ساعه 11ونص اجني عود يساعدنه بعد عيني طبن مكياج ولابس ضيك ايعععع والله وحدتهن حاطه كيلو مكياج وعدسات واظافر عابت
حوراء واحلام...سلام عليكم عيني
غزل وبنين وشهد....وعليكم السلام
حوراء ...شو بس انتن تشتغلن هنا لعد عمه وام احمد وين
شهد..والله ام احمد يم شيخه وامي جوه كملنه شغل عيني
بنين...عبالنه تجن من صبح كالت بيبي يجن يشتغلن وياجن اشو ساعه 11ونص يله اجيتن
حوراء...من كال عيني اجينه نشتغل هنا شنو مو اكو خدم هنا وتباوع على غزل
غزل....احترامي نفسج ليج منو خدم ها
حوراء....لعد جايه مناك لهنا على شنو حبي غير تشتغلين يعني شنو تخدمين
غزل....وج ادبسسز احترامي روحج ها منو خدم على صوتي العالي اجتي خالتي وشيخه
شيخه...شنو هذه صوت ها مو عيب زلم بره
حوراء ...هلا بيج بيبي والله ما اعرف هاي غزل بس اصيح
غزل...وج عليمن اصيح غير كلتي عليه خدامه هنا
أم نشوان...مو عيب حوراء شنو هذه الحجي ها
حوراء...لعد جذب خاله جايه مناك لهنا على مود تشتغل
غزل....ردت ارد عليه مااسمع غير صوت واحد خشن صاح شكو هاي
درت وجهي واشوف نشوان واكف بزي عسكري وجنطه بيده
بنين...هاي حوراء تكول على غزل خدامه
نشوان...باوع على حوراء صح كلام لو لع
حوراء...سكتتت
نشوان..بصوت عالي صح لو خطا
حوراء...اني محجيت شي جذب كلت جايه مناك لهنا على مود شغل صح كلامي
غزل..رد يحجي نشوان بس قاطعته مااحب احد ياخذ حقي بيدي اخذه صحت عليه كتله والله إني من اجي مناك لهنا على ناس اعزهم واشرت على بنين وشهد وخاله وبيبي وكتله وهذه البيت بيتي ثاني فهمتي اشتغل بي اكسره مالج دخل لو بيج خير جا اجيتي مكاني من صبح واشتغلتي مو لو بس بيج توكفين على مرايه تحطين نص كيلو مكياج ولبس ضيك بيج حيل مو
حوراء ...ههههه لعد حبي مثلج شوفي روحج بالمرايه وضحكت
غزل..ردت احجي صاح نشوان بصوت عالي كال كلمن على شغله بسرعه عافنه وطلع شكد غثيث ومغرور واناني استغفر الله
ام نشوان...يمه غزاله مسحيه بوجهي خاله
غزل...صدك جذب خاله خلي يولن
أم نشوان...عفيه عليج يمه يله بنياتي اشتغلن لان ساعه 12كالو يمكم احنه
شهد...هههه عفيه عليج والله شون سكتتت نقيب نشوان
بنين..والله لو شوفين وجه شون صار
غزل ..اصلن اني من احجي دايره ظهري عنه بس اول ماطب شفته ورجعت درت وجهي
يله بنات خلي نكمل راح اسوي زلاطه كعدت اسوي زلاطه واجه بالي نشوان اجه وماشفته وره شويه اسمعه يضحك ويه أحلام وهيه شون تتماوع ابن عمي وابن عمي مالت عليج اي والله اجه فات دنكت ماردت يشوفني مغرور كملت زلاطه ورحت غسلت وجهي وحطيت مرطب وشويه كحله طلعت اخبش فدوه اروح الي😂😂😂 طلعت سلمت وهاي اجني بنات اثنين ومره متوسطه بالعمر
رحنه للمطبخ ودينه مي وره شويه كالن خلي نصلي واحنه اروح منا ونرجع منا وحدتنه صارت خيط من ركض صبينه الاكل وهاي وكملنه غسلنه الماعين وخلصنه وراح الخطار ورحنه نمنه ماكعدت غير ساعه 5اسمع خاله تكله نشوان تكله خطيه نايمه خلي يباتون كله ابوه يكول اريد ارجع اجتي كالت يله يمه ابوج يكول عفت بنات نايمات وطلعت غسلت وهاي وبوست خاله وشيخه وحوراء واحلام من بعيد كتله باي😂😂😂 طلعت لفيت روحي زين لان زلم بره صعدت بسياره ولافه روحي اجه بابه شافني كال تعبتي مو كتله اي والله محد مدت ايده عود اجني بنات قاسم حطن رجل على رجل وهنه ومكياج واني وشهد وبنين وام احمد وخاله نفتر متنه كال يله تكبرين وتنسين ضحكت😂😂 نمت بطريق كعدني بابا
بابا...غزل يله بويه كومي وصلنه
غزل...يي نزلت طبيت جوه شفت الكل كاعد سلمت وصعدت فوك بدلت ونمت كعدت ثاني يوم ساعه 5صبح شبعانه نوم نزلت غسلت وسبحت وصليت حطيت جاي على نار هادئة والبيض على نار ورحت غسلت طارمه ونظفت البيت كعد بابا
بابا...صباح الخير بويه
غزل...صباح النور يله حماتك تحبك شون ريوك غسل وصلي على ما احط سفره بره طب بابا يغسل ويصلي رحت حطيت سفره بره بالحديقه على ميز ووساعه 6جو يخبل طلعت جاي والبيض وجبن والدبس وزيتون والخيار وصمون حميته اجه بابا تريكنه سوه واجه اخويه صبيت جاي إله وكعد يتريك ويانه جو يخبل تمنيت امي عايشه😢😢ويانه كملنه كلمن راح شغله شلت سفره غسلت الماعين وهاي واني اسمع دعاء صباح كملت شغلت بخور ملكه يخبل كعدت مرة ابويه تريكت وغسلت ملابس وطبت جوه نزلت مرة اخويه وجهال
فاكه حلكه كتله ديربالج لا طب ذبانه😂😂
اسراء...شكو اليوم غزل تكعد من صبح الله شنو هاي عطور
غزل....غير إني مااحجي يله عيني تريكي وسوي غده لان تريكت من صبح يعني ساعه 12يدك انذار عندي
اسراء...خبال يي شنو انسوي غده
غزل...والله ما اعرف هاي سوت اله وابويه باميه وتمن سوي انتي هم
اسراء...اها ماشي
غزل....ييي
......

😍😍😍😍 اتمنه يعجبكم البارت