انعدام قوة
بقلم البطلة
للكاتب علي جاكي⚘⚘⚘
صعدت بالكيه بس ارجف من الخوف
واحس كول الي بالكيه يباوعولي مثل
كرار الحقير ......
اني جنت كولش حلوه وبيضه كوولش
معه العلم ماما مليكه حنطاويه وبابا
اسمر اني مو كلش اشبهم
اني عيوني وسااع ولونهن عجيب
الصبح عسليات وبليل خضر...؟!
وصلنا هيج مثل المنارات عرفت هاذا
الكاظم نزلوا جماعه نزلت وياهم
مشيت طبيت سوك السايق رجعلي خمسميه
واحس اذاناتي ثلجن من البرد
شفت كلاووو حلو رحت لرجال
كتله عمو انطيني واحد باوعلي وبتسم
كال هاج ....
ونطاني واحد
بعدين ردت اروح صاح وراي
كتله ها عمو
كلي بابا وين اهلج
كال هيج اني دنكت وصارت دمعتي بطرف
عيني واشرت فاك على السماء
باوعلي بستفهام كال يعني ميتين...!?
هزيت راسي
كال بابا لعد ويامن جايه..
كتله اني انهزمت من بيت جدو اهل ماما ميحبوني
من كتله هيج جر ايدي وكعدني داخل
المحل اني ماخفت لان شعرا ابيض مثل
بابا مااخاف منهم بس الي مثل كرار اخاف
منهم
كعدت وكعد كدامي كال بابا ليش انهزمتي
اني حجيتله كلشي وهوا بس يصيح
لا الله الا الله
من كملت كلامي كال هسه وينن ترحين بابا
سويتله بحلكي ماادري كال بابا فهميني تندلين بيت جدج اهل
ابوج هزيت راسي ، بـــ لا
كال لاإله إلا الله
والحللل
سويتله بحلكي ماادري ......
ومشيت اطلع صاح وراي ويين
كتله اروح ازور واجي
كال تندلين
هزيت راسي
كال ارجعي اهناا لاترحين زين بابا
كتله انته مو ابويه...؟
كال .....هههه مثل ابوج
كتله لا عيني بابا ميشبهك بس شعرك نفس
شعره
كال يله عمو روحي
ابتسمت وطلعت
امشي رحت طبيت تفتيش
والمريه كالت ماما منو وياج
اني ارتبكت اخاف متخليني اطب
كتله مااما جوا
كالت اهاا يله فوتي وراج سرا
فتت وشفت الحضره اتذكر ماما
من نجيي تبجي وتمسح على راسي
وتدعي اني محتاجه ابجي
بس مااعرف ادعي شفت طفله
كاعده وحده وامه تصلي كعدت يمها
وكمت ابجي وافرغ قهري
وامسح على راسها امه جانت تصلي
بس خلصت ركضت عليه ووخرت ايدي
وشبكت بته وضربتني على راسي
قووي اني وضعفي مااكدر ادافع عن نفسي
بس كمت ابجي بقووا واكثر لان
اتخاف على بته واني ماما عافتني وراحت
كمت صليت وطلعت امشي نسيت
الرجال ابو شعر ابيض
امشي وامشي لمحت جدو ابو بابا ادري
بي ميحبنا بس اريد اروح وياه ارجع
البيتنه
رحت ركض ركض وصلت كمشت ايده
باوعلي متفاجئ
واني بتسمت بطفوله وكتله هلو جدو
اخذني وياك للبيت
نتر ايدي وكال ....بس علامات الارتباك
على وجه .....هييي منوو انتي انيي
مااعرفج وللي
باوعتله متفاجئه شبيك جدو اني قطر الندائ
ماعرفتني
كال امشيي وليي ماعندنه بنيه اسمه قطر
مااعرف شنيي امشيي لج
وهوا يحجي حسيت ايد جرتني
درت شفته الرجال ابو شعر ابيض
كتله شووف عمو هاذا جدو
كال راح احاجي
كتله تعال اشاورك
نزل بمستواي كتله عمو جدو ميرضه
ياخذني يكول مااعرفج وللي
باوعلي متفاجئ
سويتله بمتني مااادري
وباوعنه جدو ماهوا فلتت عمو صفك
ايد بأيد وكال كلمته المعتاده
لا اله إلا الله ♥
كمش ايدي ومشينه فجئاااااا وكف ونزل الى
مستواي وكال
بابا شنو عشيرتج
اني صفنت ثلاث دقايق
وكتله
ا.. ا... لحضه
امممم هااا تذكرت
ال............
كال كولي والله
كتله والله
