السلام عليكم ورحمة الله وبركاته
انعدام قوة
🌷بقلم البطلة ⚘⚘⚘للكاتب علي جاكي ❤
............
اني جنت طفله حلوه وبسيطه لاكن معالم
الجمال بيه احنه عائله بسيطه
نسكن باحد مناطق بغداد الفقيره
اسمي قطر الندى
جان عمري 11 سنه
بسنه 2011 بصف الخامس ابتدائي
جنت اروح بطريقي وارجع بطريقي
ماعندي اخوان ولا اخوات
جان يوم 3/6 جنت راجعه اركض
مستلمه نتايج واريد اشوفها البابا حبيبي
وصلت فرعنه وشفت هواي ناس واكفه
ببابنه والباب مفتوح كله ستغربت لاكن ماهتميت بس شوي انصدمت حسيت بذهول من المنضر
وصلت طبيت للطرمه وشفت واحد نايم بصندوق
(تابوت) وبيبي وماما نايمات عليه ويبجن
ويملخن بروحهأ مهتميت رحت امشي
شفت جدو يبجي ويدك على راسه وصلت
يمه حطيت ايدي بطفوله على خده
وحاولت امسح دموعه بس هوا سرعان مافقد
وسحبني و حضني ويصيح راح العزيز راح
عضيدي راح كامل يابوووووووووويه....
اني عبالي يقصد على احد ثاني لان ابويه
اسمه كامل
انني طفله فخفت وحاولت اتسحب سحبت نفسي من حضنه
ورحت لماما احركها بيدي
ماردت وهيه منهاره احاول احركها بيدي بمعنى اني اجيت ماما شكو؟؟؟؟ ماردت !!!!
بعدين نامت ماما على الصندوق ولاحس ولانفس متحركت !!!
جنه هيج نلعب اني وماما تمثيل
فعبالي تمثل
ضحكت بطفوله وكتله
ماما والله زين تمثلين يله كشفتج حركتها بيدي
ماردت عليه
كتله يله ماما شوفي نتيجتي
هم ماردت خفت ليش ماما ماترد ابتعدت منها
اجوي خوالي ثنين احمد ومحمد بس معالم الخوف على وجههم
شالها احمد ومحمد يمشي وراه
رحت بطفوله كمشت ايد خالي محمد
وكتله
خالو انتضرني اراوي الباب النتيجه مالتي.
اني كتله هيج وهوا نفجر يبجي
مثل جدو
عفته ورحت امشي ....طبيت للمطبخ بي كرويته
صغيره دائمن بابا ينتضرني كاعد عليه
طبيت شفته ماهوا كلت اخاف يسبح
بالحمام ركضت للحمام
طبيت للممر مال الحمام والمغاسل
مالكيت احد
طلعت مبرطمه محد شاف النتيجه مالتي
رجعت للطرمه شفت بيبي موخره
الغطه عن وجه هاذا الرجال وحاضنته وتلطم النايم بالصندوق اتقربت ....
باوعتله طلع بابا
اني كل ضني انو نايم
رحت امشي سريع وصلت يمه نزلت قريبه علي
مسحت على وجه بملمس ايدي
الناعم ماحرك حركته اهز بي هم متحرك
كتله بيبي بابا شنو تعبان اشو مايكعد
بيبي انهارت بالبجي وطاحت مثل امي
هم لاحس ولانفس كمت مرتعبه
وخايفه
طلعت اركض شفت خوالي متانيني
صعدت يم ماما طلعوا يمشون بالسياره سريع الطريق كله. واني لهسة ممفتهمة شكو وشنو الصار
