-بعد عشرين ربيعاً.

(5)

ليالي تدق على سعيد ورد :اهلين شفت اتصلت كم مره كنت مشغوله.
سعيد فكر م يقولها احسن  : لا خلاص بالغلط.
ليالي :الا م جبت نجاح.
سعيد : ايه الحين بجيبها.
ليالي تشوف الساعه اللي بيدها : الحين، واجد تاخرت عليها.
سعيد : اوكي م بكذب عليك وبقولك بس لا تنفعلين.
ليالي بخوف : سعيد قول شسالفة.
سعيد :اسمعي انا جايك الحين وبس هاذا اللي عندي (وقفل).
ليالي ايقنت ان صارت سالفه ولمت قشها تبي تنزل تنتظر يجي.
-
عند نجاح وايان.
نجاح: للحين م وصلنا بيتكم؟
ايان : هو بعد ذا الشارع.
نجاح : طيب كيف نشقح.؟
ايان : نشوف مين لو الاشاره حمرا.
قدمو عند الشارع العام كانت حارة ايان بعد ذا الشارع واللي عقبه حارة نجاح.
نجاح: السيارات تمشي بسرعه.
ايان : طيب وش نسوي.
الا تعدي سياره عندهم ويقول اللي فيها : بناتي ايش مطلعكم ذي الحزه؟
ايان : نبغى نشقح راجعين من المدرسه.
الرجال :وين ابوكم؟
ايان : م نعرف.
الرجال :كيف م تعرفو، المهم خلوني اوصلكم.
نجاح بخوف :لا ما نبي.
الرجال : عشان لا احد ياخذكم الحين ترا الدنيا مهيب بالقديمه.
نجاح :بس عمي بابا قال لا اركب مع ناس م اعرفهم.
الرجال : ابوك بيشكرني لو وصلتكم، يلا.
نجاح تناظر ايان وايان نفس الشي: طيب وركبو.
-
عند ليالي اخذها سعيد من مكان شغلها كان قريب من المدرسه.
ليالي : سعيد وش صار وينها نجاح.؟
سعيد :خرجت من المدرسه.
ليالي بصدمه :وشو؟
سعيد :حتى انا ما ادري يقول البواب الخاله مسيبه باب الخارجي مفتوح وطلعو هما منه.
ليالي :والمدرسه وينهم المعلمات عنها ، ولله السالفه م بتعدي على خير.
سعيد :وصلنا، خلك هنا بكلم مبارك.
-
على لسان نجاح :وبعدها اعتقد ان امي طقتني مب طق يعني بس منعتني من الدوام ليوم وتخاصمت حتى من عمي مبارك وايان مسكين امها طقتها قدامنا والله العالم وش كان عقابها.
-
نرجع لما بعد عشرين ربيع~
بعد الحرب اللي صارت بالشقه وقت العصر جا، نجاح بتذاكر بالغرفتها، إيناس بعد بتذاكر وترجع تمسك الجوال، وايان معها بالصاله بس بتتكلم من الجول وكتابها جنبها.
ايان : ايه خالتي لازم، ابغى اعرف وش محضرين لنا.
ليالي : سر انتو تعالو بنتائج وبعدها يصير الف خير.
ايان : ولا يهمك بنرفع راسكم، حتى نجوح بالغرفه صار لها ساعه بتذاكر.
ليالي :ايه دقيت عليها تقول لي انها مشغوله، ابد م عرفتها.
ايان : ايه يمه الغرب(انتبهت انها قالت يمه وسكتت).
ليالي بإبتسامة :ايه يمه كملي.
ايان  تكمل : الغربه تغير من الانسان.
ليالي : بس انتي  ما غيرتك.
ايان اكتفت بإبتسامة.
ليالي : يلا اخليك تذاكري باي.
ايان : باي.
ليالي قفلت منها كل مره تقول يمه، بتحزن عليها اكثر ليه الاباء صارو كذا انقرهت منهم حيل، قامت تشوف طباخها.
نرجع لي ايان، حست بغصه بالمكان فقامت خرجت من الشقه طلعت للسطح تبي اكسجين تحس بتموت تتأمل البيوت الدافئ بذا الجو، وتذكرت انها م صعدت م جاكيتها.
ايان  : ياليل بس بعقد برضو.
لقت لها مكان وجلست، هز جولها معلن دخول رساله.
رفعته كان اخوها بيسأل عن اخبارها فتصلت عليه.
ايان : هلا هلا.
ثنيان :هلا بأخت وش مسويه وكيف المذاكره.
ايان : تمام يخوي، ولله واحشني كيفك انت مع الجامعه.
ثنيان : ها و هاه.
ايان بضحك : لا تقولي بتعلب.
ثنيان : ههههههه اكيد ترا الدراسه مرهه غاثتني خلاص برجع للثانوية، ازين لي مين ذا الكرف.
ايان :لانك مب بالغربه عشان كذا ياخي حس بالنعمه اللي انت فيها.
ثنيان بمزح : صدقيني حاولت.
ايان :هههههه كذااااب.
ثنيان : ولله انتي ثاني اوفر ادرسو بديرتكم بلاه فلسفه الزياده، الحين اسأل بالله وش فرقنا عنهم.
ايان  ببلاها : انهم امريكان.
ثنيان : ها ها بايخه مره لا تعوديها.
ايان : عيب تقول عن سماجتي بايخه.
ثنيان : شها الاستعباد ياخي م حبيت سماجتك مب غصب.
ايان : انا كبر منك.
ثنيان : ردينا نذل مره ثانيه.
ايان بضحك :ههههههه ثالثه ورابعه وخامسه.
ثنيان : الله يادنيا، الزبده خذي كلمتي زوجك.؟
ايان بإبتبارك :لا بكلمه بعدين.
ثنيان :هوا صدق مالي دخل بينكم بس انا م احب اشوفكم كذا لوتبين
ايان بمقاطعه:لا لاتكلمه
ثنيان بعد صمت:براحتك، وعليمني بجديد ها يلا موفقه.
ايان :ونت بعد يلا باي سلم على الكل.
ثنيان :يوصل ان شاء الله انتبهي لنفسك.
ايان :ونت كمان.
وبعدها قفلت منه، ونزلت تحت تحس اكتفت من الهوا اللي بره وتبي تدخل كلام اخوها يطمنها شوي باين ان مالهم نصيب مع سعود اصلا هي بعد طفشت قررت اول م ترجع السعودية تكلم عمها ترفض بنفسها احسن من يرفضوها، نزلت كانت نجاح بره مع إيناس يتكلمون.
إيناس  تناظر ايان :اقلطي معنا.
ايان تجلس :ما شاء الله تصالحتو.
نجاح :لا بس هي احتاجت بلاستيشن ونا طلعته لها.
ايان تضرب كتف نجاح :كفو يالكريمه.
ايناس : خلاص بنات نتفق على حاجه وحده، انتو مالكم بسالفتي ونا م اتدخل بشؤونكم.
ايان : حلو، بس انتي كمان لازم تعتبري ان الشقه ذي تشاركينها مع اوادم.
نجاح :مو تدخين اخوياك وبعدها تجيبن دخان مرقص هو؟
إيناس : وش مرقصه، اللي سمعك يقول مجمعه *** ترا كلهم اصدقاء دراسه.
نجاح : بس غثيثين.
ايان :حيل.
نجاح : فا انا اقول انك تروحي معهم كوفي اي شي لين يخلص الأسبوعين ونرجع لديرتنا.
إيناس : ابغى اعرف حماسكم ذا ليه؟بنرجع بنرجع.
ايان : لانك م تحسين زينا، وعاجبتك حياة الحريه والفله بس انتي مشكلتك دايم تنسين اننا جاين ندرس مو نفلها.
نجاح :واهي الصادقه.
إيناس بهدوء : انا لو عندي احد عدل بالديره كان انبسطت مثلكم بس كلو راح بعد تغريد.
ايان راحت لمها :ترا يا إيناس كلنا نمر بضروف تجبرنا نسوي اشياء مبهما على اللي حولنا، بس ابد ذا مب مبرر لك عشان تجلسين هنا بالغربه ترا الانسان بدون وطن مثل الام بدون ابناء.
نجاح :جد ترا صح صارلنا ثلاث سنوات بالشقه بس للحين انا مفهمتك يا إيناس.
إيناس :حتى تغريد تقول نفس الشي.
وسكتو وكل وحده رجعت بها الذكرى لليوم اللي تلاقوه فيه.
قبل ثلاث سنوات ~
بالطياره اقترب موعد النزول مجهزين كل حاجه.
ايان توها صحت عيونها مفقعه، ونجاح تتكلم مع امها.
ليالي : ها نزلت الطياره.
نجاح : الحين يقولو نقفل الموبيل يلا مامي اكلمك بعدين وسلميلي على ابوي باي.
ايان بإشمئزاز : شهالقرف.
كانت حرمه عجوز تطرش، كانت جنب ايان.
نجاح بالانجليزي :ما هاذا.
الرجال اللي معاها :اسفه جدا انها هكذا دائما اذا اقتربنا من نزول.
ايان : لابأس.
الرجال اتعتذر مره ثانيه وقام مع العجوز وراحو للدورة المياه.
نجاح :يلا زين قرفونا الله يقرفهم.
ايان : ايه ،بس اشوا م جا علي كان صارت علوم، الا خالتي وش كانت تقول؟
نجاح :ماكو بس تقول لنا نتبه لنفسنا ونقرا اذكارنا.
نزلت الطيارة ونزول هما بعد منها للمطار كانو حاجزين اوبر يوصلهم للشقه، وجت خذتهم الين وصلو.
ايان : اشبو الجو ماكنه تغير.
نجاح: لسه حنا بالصيف.
ايان :كنت احسب صيفهم مب زي حقنا طلع نفسه.
نجاح تنزل الشنط : يب، خذي شنطتك.
دخلو للمبنى ومع ان جامعتهم موفره مباني للطلاب بس خذو شقه لان يقدرو يوفرو لنفسهم اشياء اللي مو موجوه بالمباني، ولان ام نجاح تسمع قصص شقق الجامعه فخافت عليهم واقترحت لهم شقه بروحهم.
-
يتبع...