-بعد عشرين ربيعاً.

(٧)

بالمستشفى.
إيان بقلق : دكتور كيف هيا الان؟
الدكتور :صحتها جيد تستطيع الخروج، فقط كان لديها ضيق بالتنفس.
ايان :حسناً.
الدكتور :سأكتب لها الدواء تأخذه من الصيدليه.
إيان :شكراً لك.
راحت عندها وبعدها خروجه لإيناس اللي كانت بره في السياره.
إيناس :يلا بنات،نجاح كيفك؟
نجاح بتعب :زينه م علي.
ركبوا وحركة إيناس : قايز ماتبون نروح مطعم أو شي؟
أيان : لا، بكر عندي مراجعه واختبار بعد اعذريني.
إيناس : وانتي يا نجوح؟
نجاح : توني خرج من مستشفى، الجايات أكثر.
إيناس :اوكي.
-
رجعت اخر اليل مع سوزان، تحاول معها تنام عندها.
جواهر:  سوزي تكفيين ابوس راسك نامي عندي.
سوزان:  ولله م اقنعتيني للحين.
جواهر:  انزين بنسهر على الفلم اللي نفسك فيه، ولله مالي نفس اروح بيت عجوز النار وتتشمت علي.
سوزان بتفكير:  اممم،  زين.
جواهر تفتح باب السياره وتخرج:  يلا.
دخلوه البيت كانت انارات الحديقه مفتوحه بس البيت مظلم مع ان فيه خدامه وسواق.
سوزان:  يختي شفي بيتك، كذا يخرع؟
جواهر تفتح الباب:  شكل الخدامه نامت يلا دخلي ( وفتحت الانوار)  معليك فصحي عبايتك انا بروحي بالبيت حتى خلود طارت.
سوزان تشوف البيت:  يالله ولله بيتك يجنن ماشاءالله كل شي فيه مطور.
كان بيت مسفر عباره عن بيوت التصاميم الحديثه.
جواهر تجلس: هاذا كله ذوق اختي.
سوزان: ولله صراحه قصتك غريبه كيف تتزوجي من زوج اختك؟
جواهر: ازيدك من الشعر بيت،تحبه وهو بعد نفس الشي ولله كله من امي وصديقتها اللي مدري من وين يطلعون.
سوزان تقوم: انا بسوي جوله بالبيت.
جواهر: فري،ونا بقوم اسوي لنا شي ناكله.
سوزان: خليه خفيف،ما نبي نثقل كفايه اكل المطعم.
جواهر تدخل المطبخ: اوكي.
سوزان م قصرت لفلفت البيت بالي فيه دخلت غرفة جواهر بخت من عطوراتها وخذت تذكريات تقول عادي دامها صديقتي ،وبعدها نزلت مع فستانشافته بغرفة ملابسها.
سوزان: جوجو،باخذ ذا.
جواهر: الله احس بيزين عليك.
سوزان: اوكي بجربه.
راحت وجربته وخرجت: ها كيف.
جواهر: جد حلو حييل،وخذي عليك بالعافيه.
سوزان تبتسم لها: شكراًحبيبتي،الا وش تسوين.
جواهر: موكا و فشار.
سوزان: اوك انا بخرج اشغل لنا فلم.
خرجت الصاله وفتحت نت فليكس وعلى اقرب فلم شافته ( تعرفون الواحد لمن م يتعود يناظر اشياء ثمينه هاذي سوزان).
جواهر خرجت مع عربه فيها الحلا والموكا والفشار.
سوزان:الله م عرفتك سنعه.
جواهر تضحك: تجاملي اجل لاني م قد طبخت بحياتي.
سوزان: جد؟ولله
جواهر: يعني في طباخه ليه اتعب نفسي.
سوزان: امم يحليك،وتقول حياتك خايسه.
جواهر: ولله لابعد حد.
سوزان: يختي ما ابغى يعني احسدك وكذا بس ولله في ناس يتمنون اللي انتي عايشته الحين.
جواهر: بدون حب.
سوزان: ولله ولو ايش ما كان.
جواهر تصب القهو: لاترجين نفسك بساولفي خذي.
سوزان اخذته: ها كيف الفلم.
جواهر: لسه تونا انتي شفتي وخذيتي علطول.
سوزان: الشكو لله عاد انا كل م اجي اتفرج افلام خواتي يستغلون الوضع ونا بس اتفرج.
جواهر اخذت جهاز التحكم: امم،بوريك اجل كيف هو.
وعلى افلان وشويه سواليف خلصو ليلتهم.
-
ببيت ام مسفر.
وبغرفته تحديداً.
اخته ملك: خله عندي ولله م بيزعجني بالعكس.
مسفر: لا يا ملك ما ابي ازعجك وراك دوام.
ملك مالازلت ماسك يده: طيب نص ساعه وارجعه.
مسفر: واذا نام؟
ملك: عادي الا بعدها بجيبه مع الخدامه،بلييز لاتردني.
مسفر بتنهد: خذيه،بس لو اعزعجك لا تجيبه عندي.
ملك: اوم،بوديه عند امي( وتكلمه) يلا يحميدان على داري.
وخرجت.
مسفر بنفسه،ولدك بيكمل السبع سنين وهو مو قادر ينطق بكلمه عدل آخ وينك يزينه الله يرحمك بس.
وبعدها نام.
-
صباح يوم ثاني.
ايان قامت وجهها معفوس على دق باب الشقه: يالله صباح الخير.
ايناس خرجت من غرفتها بنص عيون مفتوحا: مين.
ايان: بروح اشوف مين.
فتحت الباب وكانت الصدمه.
ايان فاتحه عيونها من الصدمه،وبنفسها هاذا اش جابه: سعود!؟
سعود: ايه،بتخليني عند باب كذا؟
ايان فتحت الباب: لا ادخل حياك.
سعود: دخل مصدومه من جيتي.؟
ايان تقفل الباب: حيل دقيقه،انت ج.
سعود يجلس بصاله: لا تخافي محد يدري اني هنا.
ايناس: نعم؟
ايان بإرتباك: هاذا.
سعود: خطيبها.
ايناس: اووه اوكي اخليكم ( ودخلت غرفتها).
ايان: ايه،ليه جاي لين هنا؟
سعود:تطمني جيتي هنا مو عشانك.
ايان: عشان مين اجل.؟
سعود: م يخصك.
ايان بنرفزه: مايخصني جاي لين شقتنا وبعد م يخصني اعتقد حضرت تقدر تدبر نفسك هنا.
سعود ينلظر للشقه: ماشاءالله كم الايجار هنا.
ايان: مب شغلك.
سعود: اصلاً انتي مب كفو احد يسألك بسأل نجاح احسن منك.
ايان قامت بغضب: اي،وترا ان م خرجت من الشقه الحين بدق على الشرطه.
سعود: وتقولي لهم خطيبي دخل شقتي؟
ايان: انا مو بحالي بشقه ترا في بنات.
سعود: طيب،نادي لي نجاح.
ايان واصله حدها: بعد،اليوم انا حيوانه اذا ناديتها ( وراحت غرفتها).
سعود بضحك: تزعل بسرعه.
شويه خرجت ايناس وبنفس الوقت ايان ونجاح كل وحده بتروح دوامها.
سعود راقد على الكنبه يفكر شافهم الا قام.
نجاح بفرح: سعوده انت هنا؟
سعود: لا هناك اكيد هنا اخبارك علومك؟
نجاح: تمام ولله كيف جيت وش المناسبه حركات ولله كل ذا عشان ايان ولله حبايب حالتهم حاله.
ايان ناظرت سعود بحقد: نجاح انا بنتظرك بسياره.
نجاح حتى م تكلمت الا ايان تصفق باب الشقه بقوه.
ايناس: شفيه ذي حمدلله والشكر.
نجاح: شكلها زعلانه،ايه وش مسوي لها ان شاءلله.
سعود: ابد قلت لها الايجار عندكم كم صارت تنافخ علي وليه جاي وماني عارف ايش.
نجاح:مزاجها صار يتقلب عشان فاينل  يمكن،الزبده بتعيش هنا.
سعود: تقدري تقولي.
نجاح: طب ليه وعمي سعد ولله يزعل عليك.
سعود: هو اصلاً زعلان علي.
نجاح: لا تقولي من ذيك السالفه.
سعود: انتي تقرفيني نجاح من ونا صغير فرض السيطره انا م احبه.
نجاح: بس هاذا ابوك واللي بتقوله ذا انت يسمى عقوق ما يحتاج اقولك وش معناه عقوق،ليه طيب عشان ايان ولله انها مسكينه.
سعود: لا مو عشانها.
نجاح يرن جوالها: اووه شكلها ايان،اوكي بنكمل السالفه لمن ارجع.
سعود: ووين انام؟
نجاح: خلك بصاله انا قلت لك تعال هنا تقول واحد مطرود.
سعود: قلها لحاف بطانيه.
نجاح راحت وجابت له: اكل بثلاجه،ومو تخلصه.
سعود: ترا توني جيت اشفيك بديت تتأمرين.
نجاح: ههههه عبالك ما اعرفك هاذا اللي عندي وقلته،يلا ايناس.
ايناس بعد م خلصت السندويش حقها وحق البنات: يلا يلا.
وخرجو بعدها.
سعود بعدها راح يتفقد الاكل اللي بثلاجه جوعان من يومين ما اكل بس يفرفر بأمريكا.
-
يتبع.