روايه دلال و خالد

البارتات

.:دلااااااال يلاااا قومي!

حلم حلم ..

.:يمااا يلا لا تطووفج المحاضره!!

استوعبت صوت امها و فزت ..

دلال بخرعه:الساااعه جم؟؟

ام دلال:عيز المنبهه يرن وانتي ولا على البال!!

دلال مدت اييدها لي تلفونها اللي على الطاوله..

وشهقت:عشررر ونص!!!

ام دلال:تأخرتي صح؟

نطت من الفراش لي الحمام تكرمون..

ام دلال تصوت:اذا ما يمدي مو لاازم بس لا تسرعيين بالسياره

دقايق و طلعت من الحمام:الساااعه ١١

ام دلال:خلااص مو لازم

دلال اللي تراكض بالدار:لااا هالدكتور عسر مالي خلق

ام دلال:مره ثانيه نامي مبجر.

دلال رفعت شعرها:ماله شغل يمااا

ام دلال:شوي شوييي

دلال خذت جنطتها و طارت لي تحت بصراخ:ان شاءالله

دلال ركبت سيارتها و طارت لي الجامعه ..

دلال .. حنطاويه و مو متحجبه .. ملامحها حاده.

قصييره .. "غزمه" ويحرها لي نادوها بهاللقب.

عيونها كبار و رموشها كثاف .. شعرها لي تحت چتفها بشوي .. بالمختصر .. احلى مافيها عيونها.

اخر سنه لها بالجامعه .. طموحها انها تصير ابله .. وكاهو قاعد يتحقق.

وصلت كيفان .. وطبعا ماله داعي اقول عن لويه المواقف ..

قطت سيارتها بالممنوع و طارت لي القاعه..

نقدر نقول انها مصريه .. تجابل عدل ولا تقدر تطوف محاضره وحده.

١١:٠١ بالضبط وصلت واهي تتنفس بسرعه ..

دخلت ولا لقت الدكتور ..

استغربت و قعدت مكانها المعتاد .. اول سطره طبعا.

وكل شوي تطالع ساعتها ..

وما بين سوالف البنات اللي ما تخلص..

.:بناات الدكتور معتذر ولا شنو؟

دلال لفت:لاا ما دز ايميل او شي!

.:اي بس مو من عوايده تمر ربع ساعه واهو مو موجود.

وبعد نص ساعه؟ البنات بلشوا يطلعون ..

دلال بقهر شالت قشها و طلعت واهي متنرفزه..

بعد كل هاللويه اوف!! ولا يقووول ..

و ما بين تحلطم عقلها اللي ما يسكت ..