#ماذنبي_ترملت_يووم_زفافي
«أّلَګأّتّبِهِ َّسمَرأَّّسأّمَهِ»
#الحلقة26
<<ماذنبي ترملت يوم زفافي>>
★...بقلمي سمر اسامة......
محمد....فتحت باب وجان اشوف ملاك نايمة علئ الجرباية مثل الجثة ركضت عليهة وكعدتهة فتحت عيونهة ورجعت غمضتهن بس شنو وجهة اصفر كلش تخبلت ضليت اصيح صعدت مرت عمي لبستهة عباية واني نزلت ركض بيهة عقل مضل براسي
ام محمد...يمة سودة بوجهي بنتي ماتت دهر صابني ضلت تلطم وتبجي
محمد...سقت السيارة الة شوي رادت نكلب بينة من السرعة وصلت للمستشفئ نزلتهة اجت الممرضة جابت سدية وخذوهة مني بس احس راسي رح ينفجر متخبل كلشي ولايصير بملاك شي هاي موبس اختي هاي بنتي اني ربيتهة شوي وجت الدكتور
الدكتورة...اخي انتة وية المريضة هاي
محمد...اي دكتور شبيهة شلون صارت
الدكتور...يمكن صالهة فترة مماكلة وصايرة مضاعفات قوية بجسمهة بس الحمدالله حالتهة موكلش خطرة جبتهة بسرعة للمستشفئ حطينالهة مغذي وشوي وتكعد اخذ هاذة الدوة وجيبة الهة
محمد...ارتاحيت من كالتلي زينة بس حاس بلذنب بسببي تمرضت وبقت جوعانة بس محد جان يكلي مجاي تاكل هية مرة امي كلتلي وعبالي جذب علمود اصالحهة امي ردت بس اعاقبهة علمود تسمع الكلمة ومتكسر كلمت الكبر منهة ضليت منتضر برة اجت الممرضة كلتلي كعدت طبيت للغرفة شفتهة نايمة بس وجهة شاحب كلش رحت عليهة بسرعة بست راسهة وكتلهة شلونج حبيبتي ليش هيج تعذبيني موتعرفين كلشي ولاانتي يصير بيج شي
ملاك...جنت كاعدة بلغرفة احسهة تفتر بية كلت هاي هية هاي نهايتي رح اموت وباباتي زعلان علي ردت اكوم احجي ويا قبل لاموت هاذة تفكيري بس اول ماكمت وكعت علئ الجرباية وبعد ماحسيت بشي فتحت عيوني ماعرف اني وين اشتميت ريحت ديتول قوي وادوية عرفت اني بلمستشفئ رجعت غمضت عيوني واني احس صداااع براسي كلش قوي باوعت منا ومنا ماكو احد معقولة محمد لهل درجة زعلان مني حتة من تمرضت ماجة وياي للمستشفئ يعني بعد ميحبني دموعي كامت تجري بقوة شوية ونفتح الباب غمضت عيوني توقعت هاي امي ماردت احجي وية واحد حسيت واحد باسني من راسي عرفتة هاذة محمد فتحت عيوني اول ماشفتة كامن دموعي يجرن كام يحجي وياي ويعاتبني لان مسوية بروحي هيج واني ابجي
محمد....اششش ماريدج تبجين يروحي موزين عليج امسحي دموعج وانسي كلشي صار هسة رح اجيبلج اكل غصبن ماعليج تاكلين
ملاك...بدموع يعني انتة صالحتني وبعد مازعلان
محمد...اكوو واحد يزعل من روحة بس ردت اعاقبج شوي وشوفي انتي شسويتي بروحج غبية لصيرين بعد
ملاك...بضحكة هههه انتة لتزعل مني وبعد ماسويهة اتقربت منة وحضنتة
محمد....باس راسهة يلة حبيبتي اروح اجيبلج اكل تاكلي شوف شصاير بيج طلعت من المستشفئ جبتلهة معلاك وكص وببسي ورجعت يمها لكيت اخوي احمد
