#ماذنبي_ترملت_يووم_زفافي
«أّلَګأّتّبِهِ َّسمَرأَّّسأّمَهِ»
#بارت7
الخيبة .. ٲن تڪﯛن في شبابك بينما قلبك يحتاج عڪاز يتڪئ عليك
...........///////////
#
نور...جنت كاعدة اصلي واقرة قران اندك الباب وطبت الشرطية وكلتلي...
#
الشرطية....اتعالي انزلي الضابط يريدج.....
#
نور....انخمش كلبي من كلتلي يردونج نزلت واني جسمي كلة يرجف من الخووف لكيتهم كاعدين بلصالة رحت لضابط كتلة تفضل رايدني....
#
الضابط عمر...نور احنة عوفنة منو كتل الحجي رحيم
وحنة رح نعاقبة علئ هاي جريمتة
#
نور..بخووف اي منو الكتلة طبعن احجي هيج وخايفة خاف نوب ينتهموني ادري حض ماعندي...
#
الضابط عمر...نور احنة اسفين لئن انتهمناج بشي مالج علاقة بي اتمنا اتسامحينة
#
نور...كلشش فرحت من صدكوني بس بنفس الوكت استغربت منو هيج يسوي ويكتل الحجي معقولة هوةة مئذي ناس وانتقموو منو سئلتهم بس منو المجرم الكتل الحجي
#
الضابط عمر...مرتة غصون واخوهة الضابط الويانة شريك وياهة بل جريمة هاي واحنة رح انعاقبهم اشد العقووبة لئن هاي جريمت قتل
#
نور...انصدمت من كال مرتة غصون معقولة تكتل رجلهة بس ليش ياربي راحوو اشرطة اخذوو غصون وهية تغلط علي وتتوعدلي انو تنتقم مني ماهتميتلهة....
#
الضابط فراس....واني جنت اغير بل كامرات جان الضابط عمر يراقبني وصورني من طلعت لزموني شبعوني كتل وطلعتلهم السجلات الحقيقية شلون اختي غصون سممت الحجي اهنا اجوو الشرطة وسحلوني واخذوني لسيارة ورة شوي اجوو لازمين اختي غصون وهية تعيط وتبجي ركبوهة نفس السيارة الاني بيهة وكتلهة الله ينتقم منج بسببج اتدمرت حياتي وخسرت شغلي بسببج رح اخلص عمري بلسجن بس صدكيني مرح اتركج بحالج....
#
غصوون...لك انتة واحد غبي متعرف تنتبه زين من تسوي شغلك بس موصوجك صوج اليعتمد عليك فووكاهة جاي تهدد بية لك اني بس اطلع من السجن رح ادمرك...
#
نور...جنت اباوع عليهم شلون يتعاركون واحد يهدد بل ثاني طبيت للبيت فارغ اي بشر مابي بس اني بيت شكبرة اذا وكعت ابرة ينسمع صوتهة رحت الغرفتي مثل كل عادة اشبع بجي لحد مانام كعدت ثاني يوم الصبح الساعدة بل 10 كمت غسلت ونزلت جووة البيت يخووف جبير ومابي واحد سويت ريوك وتريكت اوول مرة اكل براحتي اندك الباب رحت فتحتة اجة محامي الحجي رحيم كلي...
#
المحامي...بقية بحياتج ست اني اجيت وياج بشغل انتي مثل متعرفين المرحووم ماعندة لاخوان ولااطفال فلملاك ملاتة كلهن صارن بسمج بعد انتي شتريدين تسوين بيهن سوي اني اريد منج بس توقعين علئ كم ورقة وشتحتاجين اني بل خدمة
#
نور...يعني المرحوم ماعندة اهل اقارب وقعت علئ الوراق وكتلهة حضرت المحامي تكدر تجيبلي بنية بعمري وياي بلبيت اني ماكدر اعيش وحدي بهاذة البيت الجبير
#
المحامي...اي من عيوني مدام ادورلج علئ بنية بس نصيحة مني لازم تخلين حرس برة يحرسونج ترة اكوو ناس متخاف من الله حاطة عينهة علئ بيتكم خاف يدرون بيج بس بنية ويجون عليج
#
نور...خوفني من هاذ حجية وكتلة بس وين اكوو حراس ثقة ومنين اجيبهم...
#
المحامي...ولايهمج هاذة الموضوع خليهة علي رح اجيبلج حراس موثوق بيهم والبنية ادورلج عليهة انشالله الكالج وحدة تعيش وياج بنفس البيت
#
نور...ماعرف شلون اتشكرك شلت مني حمل جبير رحا المحامي وبيقيت افتر بلبيت وباوع علي طبعن قررت من تجي البنية الزم الحداد مراليوم واني كضيتهة بس بجي احس البيت جاي يخنك بية نمت كعدت ثاني يووم الصبح علئ دكت الباب رحت فتحتة جان المحامي ويا3 ولد بس ولد كلش اضخام ويخوفون كال
#
المحامي...هذولي الحرس الرح يحرسونج بلبيت والبنية شوية وتجيج واذا ماعجبتج كليلي
#
نور...اتشكرت منة وراح والحرس وكفو بلباب شوية وندك الباب رحت افتحة شفت بنية بعمري وحليوة كتلهة اتفضلي حبيبتي طبي دخلت بس مبين خجلانة كتلهة اني شسمج
#
مها...اني اسمي مها وعمري 18
#
نور...عاشت السامي مهاوي بس شبيج خجلانة لتستحين اعتبريني مثل اختج واعتبري هاذة البيت بيتج يلة تعالي خلي نسوي غدة اني وياج رحنة للمطبخ وهية تشتغل مبينة شاطرة بل شغل بس خطية مستحية كملنة الغدة وكعدنة نتغدة ونسولف كملنا وشلناء اندك الباب راحت مها تفتح الباب شوية واجتني...
#
مها...نور اكو ناس برة يكولون احنة اهل نور انريدهة
#
نور...عرفتهم اهلي قويت نفسي ورحتلهم امي اول مشافتني اجت حضنتي وتسوي روحهة تبجي اني دفعتهة وكتلهم شكو جاين بيتي انتم موبعتوني المن جتين لهناء
#
ام نور...يمة نور شبيج اني امج بسرعة نسيتيني ليش هيج يمة شمسويتلج اني
#
نور...ههه لاعيوني انتي غلطانة اني ماعندي امي امي ميتة
#
عادل...نور شبيج حبيبتي لو مواحنة مجان وصلتي لهيج مكان واحنة ردنة مصلحتج ونحبج وزوجناح الواحد عندة فلوس
#
ام نور...يمة نور اني رح اجيب اخوانج ونسكن وياج بنفس البيت انتي متكدرين تعيشين وحدج بهاذة البيت الجبير
#
نور...بضحكة عالية واكوول ليش اجيتو اثاري تردون تاخذون فلووس يلة يلة اطلعو من بيتي ماريد اشوفكم تعتبون باب بيتي ماحسيت الة واحد خنكني من ورة
#
عادل...لج كبرتي وصارت عينيج كوية خليني امووتج واخلص منج حتة الملاك تجي النة
#
نور...حسيت روحي طلعت بيدة اريد اتنفس ماكوو خانكني كل قوتة
#
مها...جنت رايحة اودي العصير الهم شفت رجال خانك نور من ورة اني تخبلت لزمت العودة وضربتة علئ ضهرة حيل وكمت اعيط اجوو الحراس يركضون كتلهم لزموو شبعوو كتل البيت انكلب كلب بل عياط اني رحت علئ نور كاعدة بلكاع وبل كوة تجر النفس انطيتهة مي وغسلت وجهة....
#
نور...النفس ضاك بية ضليت انتفس بصعووبة اجن مها شربتني مي وغسلت وجهي حسيت شوي ارتاحيت كومتني
#
مها...كومي حبيبتي شلونج هسة صرتي زينة مووو
#
نور...بدمووع زينة مابية شي شكرا حبيبتي لومانتي جان اني هسة ميتة
#
مها...اشش حبيبتي انتي موكلتي اني مثل اختج ماكو شكر بين الخوات....
#
نور...رحت الغرفتي كضيتهة بجي كل توقعي امي اجت تخفف من المي شوي بس اجت علمود الفلووس وبس اني من اليوم لزمت الحداد وخطية مها هية تساعدني وتفتح الباب...
#
مها...صالي اسبوعين يم نور كمت احسهة اختي الحرموني منهة الله لايوفقهم كلش حبيتة فديووم بليل جنة كاعدين بلصالة نباوع عل تلفزيون طفت الكهرباء رحنة جبنة شمووع طولت الكهرباء وهية ماجت رحت علئ الحرس وكتلهم الكهرباء طفت كالو هسة نشوفهة رجعت للبيت كعدت يم نور ضلينة نسولف كتلهة نور خلينة نلعب لعبت الشعار...
#
نور...ههه لج خبلة هاي ياشعار يلة بل اول انتي وراج اني
#
مها....ماشي رح ابدي وانتي وراي....خجلان منك ياگلب بس هاي اخر مرة
كل يوم اچويك بمحب ماعندي بالحب خبرة
البشر سولتها الغدر وتخون اليسامحها
مومال حب اني اعتذر وبوجهي هاي امسحها
اعذرني والماقدرك لو روحي منها اتبرى...
#
نور....الله كلش حلووو...ياناس افهموني الوجع اكبر من جروحي ياناس خلصت العمر.مامفتهم روحي.عيني ع الساعة انتضر مدري شتاني.مشكلتي طيب.وبكلبي علئ الساني.وياناس افهموني الوجع اكبر من جروحي ياناس خلصت العمر مامفتهم روحي عيني علئ الساعة انتضر .مدري شتاني مشكلتي طيب وبكلبي علئ الساني 😔جنت اقرة شعر ودموعي تصب
#
مها...وهية تمسح بدموعهة ولج صوتج يخبل احلا من صوت اليسا والله يخبل
#
نور...كمت اضحك وامسح بدمووعي ههه ولج انتي شهل حجي اني المثلي مالهة حق كلشي
#
مها...وهية تروح تحضن نور تدرين مرات احس اني وياج واحد اني هم تعذبت مثلج بلخير الله عوضني بيج
#
نور...والله اني هم الله عووضني بيج حسيتج انتي كل عائلتي واتمنالج السعادة...
#
مها...يروحي انتي هاا هل اجت الكهرباء يلة تعالي انكمل الفلم كعدنة نباوع عل فلم بعدين نعسنة ورحنة نام نمنة كعدة ثاني يوم هم شغل وسوالف
#
نور..مرت اليام وخلص الحداد مالتي جان بوكتهة يووم عيد اجو الحراس ونطيتهم اجازة هم خطية الهم حق يعيدون يم اهلهم واولادم انطيتهم راتبهم وجازة ورحت المها للغرفة لكيتهة كاعدة وصافنة كتلهة مها يلة كومي نروح لسوك نسوك هدووم للعيد احنة ليش حابسين روحنة بهل بيت اني وخلص الحداد مالتي يلة حبيبتي كومي خلينة نتونس شوي
#
مها...وهية فرحانة اي والله اني كلش ضايجة يلة خلينة نبدل بدلت لبست فستان مال محجبات كلش حلوو تفاحي
#
نور...رحت عل غرفة لبست بنطرون وبدي ابيض طويل وفوكا جاكيتة مارونية وشال ماروني وخليت مكياج خفيف ولبست حذاء باوعت علئ روحي طلعت اخبل نزلت جوة ومها نزلت وراي رحنة للسوك وكمنا ناخذ هدووم وغراض اشترينة هوواي غراض جاي نرجع للبيت
واحنة جاي نمشي ماحس الة ضربة اجت علئ راسي بعد ماحسيت بل دنية.......
..........................
