الحلقة 2
نبض : صار زي ماتوقعت نفس كل مرة
مهند : نهاية كل قصة موتهم لكن نبي نفهم عارف ان وتين الي دير فيه كله انتقام لان في يوم ضروها بس علاش وتين شاده في الموضوع هادا علاش متشوفش حياتها
نبض: الاسئلة هادي خليها في بالك انت تعرف لو سمعت وتين سؤال واحد متتوقعش شن ادير
مهند: عارف اي و طلع دخان يدخن و نبض سارحهه
وتين: طلعت صورة من فسط دولاب
تشوفلها بكل حب و تبكي اليوم قتلت الي كان سبب في موتكم و هما الي خدوكم مني اليوم كملت انتقامي كملت الناس الي ضلمونا و كسرونا في وقت حاجتنا زي ماوعدتكم كنت قوية ديما و توا حنبدأ حياتي الجديده زي ماوعدتكم حنكمل خدمتي الي نحبها و ننجح فيها و نأسس حياة بعيدة على الناس الي ضروني
الحمد الله حنرقد و اني مرتاحه قداش ليا مرقدتش نسيت حتى نوم شن هو بس حنتعلمه من جديد
نبض مروحة للحوش : فتحت الباب
وتين: تأخير اليوم
نبض: تعشيت و روحت
وتين: اوكي تعالى نبيك في الدار
في مكان تاني
قصي يشرب في شاهي شرين تلفونه شافله و بعدم اهتمام مردش بعدين جاته رساله : ..............
قصي خدي جاكيته و طلع
في سيارة : الو
شركة الطيران: تفضل كيف نقدر نساعدك
قصي : نبي اول رحلة لي ليبيا امتى؟
شركة طيران: غدوا في لليل
قصي : لا نبي اليوم اني
شركة طيران : مفيش رحلات اليوم لي ليبيا
قصي : نبي نحجز طيارة خاصة امتى تجهز ؟
شركة طيران : نص ساعة و تجهز بس لازم الفلوس كاش
قصي : اي اي اني جاي
شركة طيران : اسمك...
.............
وتين: اني بنوقف كل شي وصلنا لي اخر المشوار
نبض : شافت بنظرة استغراب : كييف قصدك خلاص
وتين: اي خلاص بنوقف كل شي و الشباب نعطوهم فلوسهم و كل حد يدور شغل لي نفسه
نبض : بسس واني
وتين: خيرك انتِ
نبض : انتِ عارفه مش حنحصل خدمة تانية لان معنديش شهادة و
وتين قاطعتها: من قالك انتِ بتمشي
نبض : انتِ قلتي انك بتوقفي
وتين: اي صح بس اني جهزتلك ملف تقدري تخدمي في اي شركة انتِ تحبيها و عارفاتك تحبي الازياء و قدمي فيها و اني بنأسس شركتي الخاصة الي هي تصميم احذية الي طول عمري نحلم بيها و بتقعدي معاي في الحوش و حنقولوا ان احنى خوات و اهلنا متوفين و بسس
نبض: شكررررا هلبااا و تين انتِ الي مخليتنيش نقعد في شارع و انتِ الي ربيتيني بس بنقولك شي
وتين: ها
نبض : علاش منخدمش معاك و هكي منفارقكش زي العادة
وتين : انتي تبي ازياء اني تصميم احذية
نبض : اني مش لازم ازياء حتى احذية المهم تصميم عادي
وتين: اوكي زي ماتبي
نبض : ويتن بنسألك
وتين : منحبش الاسئلة اني
نبض : اي عارف خلاص و طلعت
الكاتبة نور عادل
قصي و صل لليبيا و نزل من سيارة واقف قدام حوش :طق طق
...: مني
اني قصي
روان : فتحت الباب و دمعوا عيونها قصي😭😭
قصي: مرت خويي شن صاير
و حضنوا بعض ( يعتبر فيها زي اخته لان مرت خوه هيا🥺)
روان: مشووا و خلونا الزوز ي قصي
قصي: مني الي مشي منييي
روان: رامي و وسام قتلوهم
قصي : كيييييييف من قتلهم كيف نقتلوا
روان: خش و تو نفهمك
وخشوا
قصي شاف لي فاطمة و عيونه تعبوا دموع كييف يما كيف مشوا و خلونا
فاطمة : مشوووا ي ولدي و خلونا خلاص مشوا عند للي خلقهم و حضنوا بعضهم و يبكوا
بعد يوم طويل مر على قصي في يوم اكتشف ان خوته زوز ماتوا و في نفس اليوم و مش عارف محمد حكي دوة على الي شدوهم بس قصي مفهمش شي
الكاتبة نور عادل
وتين: صباح الخير
نبض : اووو شن الجمال هادا
وتين: هي نوضي منبيش نعطل في اول يوم ليا
نبض : هي
وهما طالعين
واقفين زوز شباب
وتين : من هادوا تعرفيهم
نبض : لا
قصي : من فيكم نبض
نبض : اني
قصي : اني خو رامي لقينا اني وخوي محمد اخر مكالمة كانت منك
وتين فنصت في نبض: اي صح رامي كنا اني وياه اصدقاء علاش شن صاير
محمد: اي بس نقدر نعرف لما كلمتيه شن قالك متعرفيش وين كان
نبض: لا منعرفش قالي ان في سيارة و قتها و صكر شن صاير رامي وين
قصي: رامي عطاك عمره
نبض متلة : كيييف و فقدت الوعي
وتين عرفت ان نبض دارت هكي بش تقيم العين من علينا : نبض نبض اختى ردي عليا و قامها محمد
وتين: دخلها الداخل
محمد : خش و لحقها قصي
وتين: شويا نجيبلها دواها لان عندها سكر هي
قصي : منحسابش ان مريضه
نبض: رامي رامي و ناضت تبكي
وتين: اهدي حبيبتي مشي عند ربه و تو تشوفيه في جنة و هي من الداخل ( في نار بإذن الله )
محمد و قصي : هي نستأذنوا و اسفين
وتين: هزت راسها
وطلعوا
نبض: شن القصة الجديده الي طلعتلنا هادي
وتين: متخافيش مش حيلقوا شي هي نوضي
وطلعوا
محمد: سخفتني البنت
القصي : اي بس هي من وين تعرف رامي خوي
محمد : اكيد تلقاها حبيبته وله واعدها بزواج او هكي
رامي: ممكن
وصلوو لشركة
وتين خشت تشوف في البنات كيف لابسين و هي شن لابسة ( كانت لابسة سروال اسود و تيشرت اسود و بوتيل اسود فكانت متبانش عليها لكن كانوا عيونها زرق ويبانوا القوى عليها)
البنات كلهم يشوفوا لي وتين كيف لابسة بس نبض كانت لابسة بدلة خضراء قنينه
وخشوا للمكتب
سند : اهلا ب وتين
وتين: اهلين سند
سند سلم عليها و شاف لي نبض بنظره كلها اعجاب : كيف حالك
نبض : اسمي نبض الحمد الله
سند: حكتلي وتين على كل شي
نبض شافت لي وتين بإستغراب و حيرة : كل شي
سند : نقصد انكم تبوا ديروا شركتكم الخاصة و تبوا داعم
نبض : اه ايي
.................................
محمد : الوو
قصي: ها نعم
محمد : انت وين امك تسأل عليك
قصي : لا شي غر ندير في دورة
محمد : به هي تعالى
اوكي
قصي: زي ماسمعتني نبي معلومات كاملة
حسن : اي فهمتك متخافش يابرو الاحد يكونوا عندك اهم شي الفلوس يا معلم
قصي : جيبلي المعلومات و يوصلوك كاملات
تم
الكاتبة نور عادل
الي اللقاء في الحلقة القادمة
نحب نعلمكم ان الرواية الي نبي نوصلهالكم بتبدأ من حلقة الجاية 🖤✊🏻
أنت تقرأ
قُوَتِي إلْهَامِي الْوَحِيدْ
General Fictionرواية تجمعها القوة و الاكشن و الرعب و الرومانسية نعرف حتستغربوا شويا الموضوع كيف تلاته مع بعض بس ايه اني جمعتهم مع بعض في رواية🖤👑
