#الزوجه الثانيه6
جيهان دارت فشار وولعو التلفزيون طلع فيديو
فجأه محمد ناض فك لفلاش ودسه في جيبه بحركه سريعه
جيهان: 🤨
محمد: اءء حطي على امبسي تو
جيهان: هات الي فجيبك
محمد: وعليش
جيهان: كلمه هيااا مش عشره
محمد: مدخلكش بيه الفلاش
جيهان: حنقتله
محمد: من
جيهان: البيبي
محمد: بعدها نرفع عليك قضيه
مازن: تخيل اطيح علييك😂
بنت الكيلاني: مش وقت حناطتك بليز🙂😂
مازن: به
نرجعو لروايتنا
جيهان: نقول هوا اللي قتله
محمد: والسبب ياحلوه
جيهان: لان متبيش صغار
محمد؛: رفع تلفونه وولع التسجيللل
جيهاان: 😨😨 حييي
محمد: 🙈😌
ـــــــــــــــــــــــــــــــــــــــــــــــــــــــ
✨💙بنت آلگيـﮯلآنيـﮯ💙✨
ــــــــــــــــ
عند الشباب
ناض يزن لقا مازن وسالم راقدين
يزن: نوضو يا حمير
مازن: مزال مجا راجلك خليك شويه
يزن مات ضحك: نوض ياصاايع نوض
سالم: يرا طفييي الضي خلي ندمدرووووو
يزن باه طفا عليهم الضي
وجاب صطل اميه وكبه عليهم
مازن: صبا استعداد ووووووه راجلهااا جا
سالم: تفووووو ياعيل توا من بيدير الخرا الفرشه عطيك بلي يلهفك
يزن: خذا مفتااحه نا بنطلع وانتو الحقوني عند ايمنن
سالم: خزي تااافه حيواان واطي تعال امسح الفرشه عمتي تقتلني
مازن: من الفجعه نين وجها اصفر وتما يدير فصوت بيبي يريتني بتت في حوشنا راه رقدت للعصر تفو حتى الضيوف ما تكرمو فيهم
يزن: الضيوف يكرمو فيهم مش الحميررر
مازن:يعني لما تجيني في الحوش نوعيك بشكل الحقير هدا
يزن:اصلا نا انوض قبلك الموهم هيا وجهك توا عندي خدمه
مازن:ننننننن
ــــــــــــــــــــــــــــــــــــــــــــــ
تسريع احدااث بعد خمس شهور
عند جيهان قاعده في شهرهاا خلاص ومحمد لو تطلب النجوم يجيبهن لهاا
ـــــــــــــــــــــــــ
اما احمد نسا ميرو وانتقامه وعاش حياته عاديه
ـــــــــــــــــــــــــــــــــ
عند ميرو تعودت عالشغل وتمت تحصل في فلوس واجد ومخلتش في خاطرها هيا وامها وولدهاا شي يعني حياتها استقرت
ـــــــــــــــــــــــــــــــ
عند سمر طبعا تأقلمت مع ميرو وحبتها وتمت زي اختهاا نسيت نحكيلكم حاجه طبعا سمرر وهيا عمرها سنتين دارو حادث هي وهلها وفقدت الذاكره وقالولها هلها ماتوو وقعدت في الميتم نين تبنتها صبااح طبعا وهيا خاطرها تذكر شكل هلها هضا اللي مسببلها عقده في حياتها بس صباح مصبرتها
ــــــــــــــــــــــــــــــــــــــــ
عند سالم طبعا شاف صندوق تحت سرير عمته لقا فيه صور بنت وبيعرف من ومن يومها وهوا سرحان خطرها راه سالم وهوا صغير رضعاته عمته لان امه عندهااش حليب فقعدت امه وفنفس الوقت عمته طبعا تعامل فيه بقلت ادب واسلوب شين وهوا متحمل مسكين
ـــــــــــــــــــــــــــــــــــــــ
اما عند مازن فمزال تافه بس ارتبط بي بنت اسمها اسراء وسيب جميع البنات اللي كان يحكي معاهن وغبر ايميلاته وشفرته
ـــــــــــــــــــــــــــــــــ
اما يزن ف تما يحب ميرو بس من طرف واحد وكل يوم يمشي يطمن عليها بدون ماتفطنلا وهكي يعنيي بس مش قادر يعترفلها وهذا اصتب شعوور
ــــــــــــــــــــــــــــــــــــــــــ
✨💙بنت آلگيـﮯلآنيـﮯ💙✨
ـــــــــــــــــــــــ
يوم خميس
عند جيهاان في المستشفى
محمد خش لدار: واخيرا حبيبتي
جيهان:ايي
الدكتورحنجيبلكم البيبي
محمد:تم
جاب البيبي وهنااا الصدمه
طلع توأم لاصقين في بعض محمد انفجع وجيهان انصدمتت
الدكتور:الصغار ثلاث ايام ويموتو
محمد:مفيش املل بكل
الدكتور ولا واحد في الميه
يزن كاين في المستشفى:مبروك ما جد عليك
محمد:سلمك
يزن:تذكر كلمتي قتلك الدنيا دواره ولا
محمد وعلى وجها علمات الندم:خلاص متزيدنيش اللي فيا مكفيني
يزن:تقرب من ربك وتوب وطلع من المستشفى
محمد خش للدار وخش وراه الدكتور
الدكتور: تقدرو تاخذوهم لصغار بس بعد العمليه حيكونو معاقين
جيهان:لالا منبيهمش خليهم ايموتو نبيها صحتيي
الدكتور:وحدي الله الصغار من لحمك ودمك
جيهان:مالكش علااقه
الدكتور:براحتك يامدام
محمد دارت بيه الدنيا واذكر طيبه ميرو على ولدها وطلع قدام المستشفى وتما يبكيييي
ــــــــــــــــــــــــــــــــــــــــــ
عند ميرو
في السوق هيا وولدها
فادي:ااااه ياياه ماما يااه
ميرو:اشش حبيبي
فادي:مشا يجري للكاصه وخذا منها شبس وفتح وتما ياكل بغجر
وينط عليه صاحب الكاصه يعطيه طريحه
ميرو:انت هبللل
صاحب الكاصه: ولدك المغولي ربيه
ميرو:😭😭😭😭
فادي:اهئ اهئ
ميرو:تبكي تعال حبيبي وعطت صاحب المحل لفلوس وجت تبي تطلع
يزن:تعال حبيبي
فادي:عموو ونط على رقبته
يزن:كنه الولد يبكي
فادي:تما يحكيله
يزن شعلت في عيونه النار ومشا عطا صاحب الكاصه طريحه نباش لقبووووور
وطلع وعطا فادي شوكلاته
فادي:اكرا( 'شكرا')
يزن ولوو
ميرو:شكرا يزن مقصرتش
يزن ابتسم ابتسامه كلها حب وطلع
الموهم روحت ميرو للحوش ورقدت ولدها وقعمزت تهدرز على امها
ـــــــــــــــــــــــــــــــــــــــــــــــ
عند سالم
يشوف للصور وهوا يمشي في الشارع ومش مركز وخبطت فيه سمر
سمر:شوووف يا حماا ونصدمت بجماله
سالم:سوري ومشا
سمر احححححح 🙈🤤🤤
ــــــــــــــــــــــــــــــــــ
عند مازن وصلوه رسائل علواتس تعال شوف حبيبتك مع من قاعده في الكافي........ مازن تعصب ومشا للكافي والصدمه يلقا اسراء ماسكه يد شاب وقالت: قداش نحبكك🙈🤤
مازن: يصفق برااااافو براااافوو
الشاب: ضحك عجنب
اما اسراء جتها صدمه ثلاثيه الابعاد بس خلت روحها عاديه: خير شن تبي
مازن انصدم: شن
اسراء وقفت: اولا هدا ختشيبي وانت عباره عند المصروف متاعي والرصيد فهمت ومنحبكش
مازن: 💔💔 مشا للاستراحه لقا فيها اصحابه
يزن وساللم ناضو مفجوعين من منضر مازن لان كان عيونه حمرررررر وعروقه بارزات وحالته ماهي حاااله
مازن تما يبكي بصوت عالي ويقوول،:بس عليييييش علييش اني حبيتها من وسط قلبي ونشهد بالله ماشفت لغيرها تطلع مخطوبه لييييش يصيييير معايا هكي لييييش بسسس💔💔💔💔
سالم:استهدي بالله ياولد
يزن ناض:غير فهمنا
مازن:خذا مفتاح السياره وطلع لحوشهم واصحابه وراه بسياره يزن
مازن خش للحوش متعصب ويبكي
امه:بسم الله ياوليدي كنك
مازن خذا تلفونه ودخانه وطلع بدون اي حرف واصحابه وراه
يزن:شكلها خاناته
سالم:ايه واضحه بس غريبه مازن ديما يضحك متوقعتاش في يوم يدير هدا كله
يزن: نشالله خييييير
مازن يجري بسياره ويبككي ويخبط عالستيرسو ودرس علبحر وخر كرسين لي لاوره وولع سبسي وحط عأغنيه ياخاينه نحسابك بتصووني وتمااا يبكي بلعبره 😭😭😭😭😭😭😭💔💔
وامه ترن عليه ويكنسل في المكالمه وفي النهايه قفل التلفون وقعد يبكي ويعيط
سالم ويزن نزلو وفتحو عليه الباب
يزن: تي انزل يا عيل معقوله فاسده زي هدي تبكيكك
مازن: اخطانني يا يزن اللي فيا مكفيني راااااه ودموعه ينزلو
سالم: باه اهدى
مازن نزل من السياره وقعمز قدام البحر وكره جنس حوااء بصفه ععععااامه
الشباب تمو يهدو فيه
مازن: خلاص اخطوني اقلبو وجوهكم خلااااص وناض ركب سيارته وطلع بيهاااا يجريييي
سالم: عليك حاله
يزن: بس موعرها
سالم: 💔💔💔
ــــــــــــــــــــــــــــــــــــــــــ
عند ميرو
امها: ياميرووو عمك سعد بيجينا بكره
ميرو: يااااي واخيررااا بتجي حنين ومسره تو نكلم سمررر تجي تكسد معانا😍😍😍😍
امها: دوم فرحتك بنيتي
ميرو حضنت امها: اجمعيييين
فادي: ماما
ميرو: عيون ماما وقلب ماما وروح ماما وحب مااما
فادي: 🙈🙈🙈🙈🙈
ــــــــــــــــــــــــــــــــــــــــــــــــ
عند جيهان: روحت للحوش
محمد: نادم على اي شي غللط داره في ميرووو
جيهان: خلاص وانت نكد في نكد
محمد: اخطيييييني قتتتتلك
جيهاان: به به
ـــــــــــــــــــــــــــــــــــــــــــــ
عند مازن يجريي بسياره وبووووم من كثر السرعه نين نقلبتتت السياااره
سالم: لا الله الا الله
يزن: لاااااااااااا
يتبعععععع😭🖤
لايكاتكمم ودعمكم
أنت تقرأ
#الزوجة الثانيه (روايات ليبيه)
Mistério / Suspenseقصه تحكي عن حياه بنت معندهاش سند في الدنيا ويصيرن معاها مواقف منهن المضحكه ومنهن الحزينه والغموض ❤🖊 الكاتبه: بنت الكيلاني روايه ليبيه
