#منزلنا_المسكون
الحلقه الرابعه
للكاتبه: Salma Elshwehdi
______________________________________
وفي الفترة الاخيره قبل منحولو من الحوش هضا لما نحطوو في الغداء او العشاء كل شي يتاكل بسرعه
بسرعه ، في نفس الوقت ، يعني بدو حتى بتغدو ويتعشو معانا ، لدرجهه كل منحطو السفره طول نلقو
فيها فاضيه ، معش قعدنا ناكلو في الحوش حاولنا واجد ان نلقو حل بس محاصلنش شي 💔
فقعدنا نجو الصبح بس نضمو الحوش وناخدو حاجاتنا المهمه ونمشو لحوش جدي قعدنا ناكلو ونرقدو غادي
_________________________________________
و مره في عرس عمي درناه في حوشنا المهم يعولو واختي كانت تعول معاهم المهم وهيا تحت الدروج متاع الدور
ثاني مكان مظلم منخشولش (يخوف) المهم يستفو ف صفر اختي شاده الصفر بتمدهم لي عمتي مش تستفهم
طاحو منها بلغلط ويجيها كف👋 حتي بابا عمره ماعطهولها 🙂 وجت تجري مخضوضه ومصدقها حد
لين ورتنا اليد متعلمه في وجها احمر 🙂
ومن يومها اختي قعدت غريبه🤐
_______________________________________
للكاتبه: Salma Elshwehdi📖
_______________________________________
ومرة راقده في النهار والدار فيها ضي الشمس المهم كنت محنيه يدي ومغطيه بفوطة جيت بنتقلب شفت
ليدي لقيتها كلها عيون كبار وفيهم دم انفجعت وخفت
غمضت عيوني ونقرا في قرآن لعند خداني النوم مش عارفة هو حلم ولا شنو لعند توا💔
________________________________________
واكتر موقف مرعب صار معايا نحكي مع خويا انا في الكوجينه وهو برا يكلم فيا مع الشباك وبعدين مشي وانا
دخلت للصاله لقيته قدامي مقعمز متغطي ويتفرج
عالتلفزيون قتله العفو امتى دخلت قالي وين بندخل انا مطلعتش بكل ليا نص ساعه او اكتر نتفرج🤐🤐 ......
__________________________________________
وفي الساعه 4في الليل تقريباً سمعت صوت امي في الدور الارضي تنادي عليا اول ماجيت بننزل كرتني امي من
يدي وقالتلي بصوت واطي تعالي حتي انا سمعت الصوت.......
___________________
عندنا تأخد جوله بعد منتصف الليل
تجنب الحديث مع اي شخص فليس كلهم بشر!
____________________
للكاتبه :Salma Elshwehdi
_____________________
ومره شفت عيل صغير اشقر وحلو ف الدور الثاني ف حوشنا لما كنت ف الابتدائي
شفته اني وخويا واقف علي كرسي و شاد في الروشن وهو خيال اسود كان
و الدور الثاني كنا قاعدين ماسكناشي
و لما شفناه خفنا و قعدنا نقولوله منو انت؟ ما يردش عاودنا ثاني منو انت ؟ ماردش
مرة ثالثة منو انت ؟ تلفت جيهتنا و قربع الروشن عيطت اني و خويا و نزلنا نجروا
العيلة تحت انخلعوا من عياطنا و حكينالهم شن صار
ركب معانا خويا الكبير مالقينا شي غير الروشن مفتوح سكره و نزلنا و ماباش يخوفنا وقعد يقوللنا كنتوا تتخايلوا بس.........
و مستحيل نتخايلوا لان اني و خويا شفنا نفس الشي مع بعض و سمعت ان واجدين صارلهم نفس ماصارلي🤔
___________________________________________
طبعاً لما ماما ركبنها الجنون مقدرنش نعالجوها حتي الشيوخ مقدروش يعالجوها الا لما حولنا من الحوش ☠
وانا قعدت نفس حالتي كل يوم نوض يلقوني معبيا نمل
وخواتي يصيرن معاهن حاجات غريبه لدرجة ان اختي قعدت انطوائيه 🤐
وبابا وخوتي يعرفو انه حوشنا مسكون بس شن بنديرو
________________________________________
ومره اختي وهيا راقده في دارها ناضت علي حد نفسه قريب منها ناضت بسرعه خايفه لقاته فوق راسها غمضتت عيونها بقوه وفتحتهن اختفى
وصبت بسرعه بتفتح الباب وبتطلع معش انفتح الباب قعدت تخبط عليه ميطلعش حتي في صوت تعيط وميسمعش فيها حد
حاولت ترقد سكرت عيوني بقووه قعدت علي هل حاله ربع ساعه بعدها فتحت عيونها لما سمعت صوت برا
الدار وقعدت تعييططط ولقت حديده جنبها خدتها وقعدت تخبط فيها علي الباب تبي تكسره وجا الراجل اللي وجها كله دم من جديد وقعد يبحت فيها وعلامات
الغضب واضحه علي وجها وبابا برا الباب بلصدفه كان ماشي للحمام ، جاي بيطمن عليها الباب مبش ينفتح وداري بلا مفتاح ؟؟
باب يخبط في الباب بيكسره وانا نخبط بعد قعد يقرا في قرآن واذكار الراجل اللي كله دم قعد يعيط بصوت
عالي ويقول في كلام مش مفهوم وصوته شين وبعدها ارتخى الباب بروحه وقدرت تطلع وخدا بابا اختي سكر دارها ومعش رقدت فيها!!
___________________________________________
وفي تجربتي الأولى لقراءة ڪتاب يختص بعالم ٱلجن
والروحانيات ، سمعت صوتاً يتردد صداه من بعيد "لا تكن الضحيه القادمة "
_________________________________________
يتبع
