#منزلنا_المسكون
الحلقه السادسه والاخيره
للكاتبه : Salma Elshwehdi
_________________________________
ومن المواقف اللي صارن كنت ف داري ونادي على اختي في دارها ناديت كم مره ماردش حد وبعدين
ردت عليا بصوت عالي خشيت نشوف فيها في دارها ماردش حد وبعدها تجي هيا نقوللها انتي اللي رديتي
عليا قالتلي لا اصلا كانت برا الحوش اني الحق صوتها خوفني
______________________________________
فلذا ياسموح انتي وهيا حاولن بعد المغرب معش تنادن علي حد بصوت عالي وبذات لو تعرفي انه مش هيرد
عليك لأنك هتقعدي لعبه للأعوذو بالله وانشالله فهمتن مش تقولن الكاتبه تخوف فينا😂والله حقيقه😅🚫
__________________________________________
وانا عندنا دار في الحوش نخاااااف ندخلهاااا بروحي لافي ليل ولا في نهار...تخوف بحد نحس لما ندخلها في
حد فيها وانه يبي يشدني..ووقت مانكون في الحوش بروحي يجيني احساس غريب يخوف وقلبي يدق
بسرعه وكل مانشوف لجيهة الدار نبدا نتخايل ان حد بيطلع منها والدار لعند توا مانحبش ندخلها واللي هيا
دار اختي واكيد تذكرتن كنت ندوي عليها في الحلقات اللي فاتن😱☠
__________________________________________
واختي من قبل تسمع ف الباب يدق ف نص الليل
واحني راقدين ..
ناضت بتفتح سمعت صوت حد قاللها كان فتحتي معاش بتولي 😶
____________________________
وانا مرة في المدرسة جتني ماما في الساحه شبحتلي وطلعت أنا متأكدة ان هيا لدرجة ان سيبت البنات
وقعدت ندور اعليها اعلاش جتني لما روحت قلتلها خيرك جيتيني اليوم قالتلي اني كيف نايضه🙂💔
وهنا كانت الصدمة
___________________________________
وهذي بعض من المواقف اللي صارن معانا انا وعيلتي وانشالله تكونو استمتعتو بالقصه وتاخدو منها عبره 😑
وثانياً قاعدات ادورن في قصص الرعب وعيشتنا في ليبيا ارعب من الرعب 😱😂
__________________________
وانشالله عجبكم اسلوبي وسردي للقصه وهنتلاقو في روايه شيقه وطويله 🥰❤
___________________
#النهايه🥀
للكاتبه : Salma Elshwehdi
