هلاو
مروان: الله مصلي ع محمد والي محمد هذا بيتكم بس انتم بي
يزن: هههه اي هذا بيتنه لازم عجبك لإن جبير واحنه نفرين كلت لبوي أكثر من مره انو نغيره بس مقبل يكول بي ذكريات الوالده الله يرحمه
الولد: الله يرحمه
يزن: شباب اكو بالطابق الثاني غرف اعتبرو بيتكم واخذو راحتكم
مر كم يوم جانو الشباب يرحون سوه بسيارة يزن يفترون ويطلعون مطاعم وسفرات وتونسو اهوايه بهاذي الفتره وقوت علاقة مروان وملاك صارت علاقتهم قويه حلوه بس لا زالو مجرد اصدقاء
كروب البنات صارو يلتقون بكروب الشباب ع طول واحد يستفاد من معلومات الاخر بما انو قربت امتحانات الكورس الاول
ايه زاد إعجابه بسيف من كل النواحي لكن سيف مملاحض نضرات الاعجاب بعيون ايه
وعلى الرغم من انو يزن ميحب البنات إلا انو صار قريب من زهراء ويحس انو زهراء الوحيده الي يسولف وياها بدون تقيد
يمكن لأن تصرفاته قريبه من تصرفات الشباب ويمكن لأن متنضرلي مثل متنضرلي باقي البنات كانت نضرات زهراء نضرات عفويه وما عدها اي غايه بأنو تغوي او تحاول تتقرب مني
في الليل
............
زهراء: اتصلت ع ايه مساء العسل يا عسل
ايه: هلا حبي شونج
زهراء: زينه مشتاقتلج جمعه وسبت مشايفتج
ايه:اهاا صايره تشتاقيلي
زهراء: خير ايه اني منو عندي غيرج حتى اشتاقله
ايه: الله اعلم
زهراء: انتي اكيد مبيج شي اليوم مو كلامي صح !! لأن كلامج غريب
المهم جنت ضايجه وحبيت افضفضلج شويه بس الضاهر انتي ضايجه ومالج خلك تصبحين ع خير حبي
ايه: تلاكين الخير ......باي
زهراء: باي
زهراء: تحجي وي نفسها (شبيها هاي معقوله اني مزعلته وما ادري بنفسي اني الج باجر ام راس اليابس تزعل من شحدها ......اروح انام اني احسن)
يوم الاحد...........................................................
نروات:صباح الخير والياسمين ع احلى وارقى ياسمين بالقسم مشفتي الشباب والبنات وين
ياسمين: صباح الورد يا أكثر شخص مشاكس بالقسم لا مشفت واحد هستوني اجيت اني
مرروان:اني مشاكس
لك ياسمين خرب باوعي 😮
ياسمين: خير خير شكو
مروات: لج شوفي هاذي ام الماروني كمر ويمشي يربي
ياسمين: 😏😏هستوك تتغزل بياسمين دور ام الماروني الله يعلم المن منو بعده
ابو البنات امشي ندور ع الشباب
مروان: ههههه يمه الغيره يمه
ياسمين: اغار عليك هههه بأحلامك
عند زهراء وايه ...........................
زهراء: شبيج البارحه منو مضوجج
ايه: ماكو شي هيج جنت ضايجه لوحدي
زهراء: لا ايه انتي معقوله تحجين ويايه كإنو وحده غريبه عليج
ايه: لا انتي صديقتي
زهراء: بس انتي أكثر من صديقتي انتي اختي
ايه: اي حبي ماكو شي هيج جنت ضايجه لوحدي البارحه وخلص
زهراء. اوك حبي على راحتج ما اضغط عليج
ولهنا واختم وياكم حبايب❤😘
................................................
