هلاو حبايب
بعد فتره ملاك كدرت تستعيد عافيتها ورجعت للدوام
والكل جان فرحان برجعتها وسلامتها
مروان قرر يجيبها كل الي بكلبه
مروان. ملاك اذا اتقدملج توافقين
ملاك جاوبت بدون تردد. يي اقبل
مروان. تقبلين بيه بكل حالاتي
ملاك. مروان احبك
مروان. ملاك اني هم احبج والله بس اهلج يقبلون بيه واني ماعندي لا وضيفه ولا بيت
ملاك. يي كلشي يجي وي الوقت مادام احبك وتحبني اقبل اعيش وياك بكهف
مروان. فدوه اروحلج مادام هيج الموضوع حاجي اهلج الاسبوع الجاي تجيكم خالتي تحجي وي الوالده
ملاك. ماشي
ملاك فاتحت اهلها بالموضوع وشرحتلهم وضع مروان انو يتيم وهسه بس راح ينخطبون وبعد التخرج يكون نفسه ويتزوجون
واهلها تفهموا الموضوع وافقو ع الخطوبه
تحدد موعد الخطوبه
واجو خوال مروان وخالاته وراحو ويا الشباب والبنات وي ملاك راحو لصالون
ملاك لبست فستان بنفسجي وجان شعرها مفتوح وخلت مكياج بسيط
بعدها اجه الشيخ وصار عقد قرآن ملاك ومروان وكانت فرحه كلش جبيره بالنسبه لملاك
خلصت المرحله الثانيه ونجحو الكل وصارت العطله الصيفيه
لكن بقو الشباب والبنات ع تواصل وطلعاتهم مستمره سوا
ياسمين صار عندها بنت اسمها ريتاج
وزهراء بدت تتعلق بيزن وتفكر بي ع طول
زهراء وي نفسها. شبيج ليش هيج تفكرين بيزن معقوله بديتي تحبي
لا زهراء الصداقه حلوه لهنا واوكفي منو يكول يزن راح يتقبل حبج اله
يزن صديقج وبس هوا ميحب البنات منو انتي حتى يحبج
وهي داتحجي وي روحها دخلت عليها امها
ها ماما شكو اشو تحجين وي نفسج
زهراء. هلا ماما ماكو شي بس داراجع حسابات بالي
ام زهراء. احجيلي ماما شصار وياج اشوفج هاذي الأيام تفكرين اهوايه
زهراء. ماما شنو رائيج بيزن
ام زهراء. والله يا ماما اني ما اعرفه حق المعرفه بس من خلال كلامج عنه واشوفه من يوصلج ويهتم بيك خوش ولد ويحبج
زهراء. شنو ماما شنو قصدج يعني يحبني مثل زميلته
لو غير شي
ام زهراء. يي اقصد يحبج مثل زميلته شنو الغير شي
زهراء ضاجت. يي صح ماما
ام زهراء. ههههه ها شو اشوف ضجتي قبل شويه فرحانه
زهراء. يوم ما اكذبعليج بس احس بديت احبه
ام زهراء. شوفي بنتي الحب مو عيب ولا حرام بس كون نحب الشخص الصح ونختار الشخص الي تكدر نكمل حياتنه وياا واحنه مرتاحين
زهراء. قصدج إنسان ثقه مو نفس أبويه الي خان الثقه وتركنا
ام زهراء. حبيبتي الروح صار من الماضي لا تفكرين هيج وهو كلشي بالقسمه والنصيب بس انطي كلبج لليستاهلج
يلا حبيبتي نامي وارتاحي ترا الي الج ميصير لغيرج
تصبحين على خير
نامت زهراء وهيه مرتاحه واثقه انو الي اذا الها ميصير لغيرها
بدت فتره دراسيه بعد فتره من الزمن
كان الوضع طبيعي طلعات ودراسه وامتحانات
وحب يكبر بين زهراء ويزن لكن بدون مبادره من اي احد
كان الكل مشغول بالحب
وكانت زهراء تفكر شون تروح وتكولليزن انو هيه تحبه
زهراء. راح اتصل عليه واكله احبك
اتصلت زهراء علي يزن.......
يزن. هلاو خبله شلونج
زهراء. يزن انت تحبني لو لا
يزن اتفاجأ من سؤال زهراء. يي اكيد احبج غير صديقتي واقرب الناس الي
زهراء. يزن انت صدك تحبني ك صديقتك
لأن متأكده اني أقرب صديقه وتعزني اهوايه
اذا افتهمت قصدي جاوبني بدون مقدمات
او مبررات تحبني او لا
يزن سكت لوقت. يي احبج ومن زمان احبج وانتي الوحيده الاخذتي كلبي
جنت خايف ما تثقين بحبي الج
لذالك ما تجرأت وبقيت فقط صديق
جانت زهراء تسمع كلام يزن وفرحانه وتبجي
لذالك ما كدرت تحجي اي شي
يزن. كافي خبله لا تبجين واليوم حضري نفسج حتى ادز اهلي عليج
زهراء. ماشي
يزن. كوليها
زهراء. احبك
وبعدها غلقت الخط وجانت حيل فرحانه وراحت انطت خبر لأمها
كانت هاذي القصه من مخيلتي واحببت ان تكون النهايه سعيده عكس الواقع الذي نعيشه
أردت أن تكول لكل قصه حب نهاية زواج
لأن مع شديد الاسف لا ارى ذالك إلا نادراً
ففي بلدي يدعون الحب لاكن لا نرى من الحب شيئاً
مجرد وعود كاذبه وتلاعب في مشاعر الآخرين وبناء آمال لا تحصل ابداً
اتمنى ان يكون كل إنسان صادقاً مع الآخرين
................................
Rokaya-nahar
