هاي
آسفه جداً على التأخير واليوم بارت طويل 💜أتمنى التفاعل حته أستمر وشكراً 🌹✨.
_______نبلش البارت__________
أمجد :شنو مستحيل أتزوج بهذا الطريقه
شيخ حرب:أبو مصطفى هديتك مقبوله
أمجد :بويه شگاعد تحچي مأتزوجه ماريده شنو أخذ فصليه
شيخ حرب:ولك شلون ترادد أبوك اني چلمتي وحده تاخذه وخصب عنك
أبو مصطفى :هاي هديه الك بويه أكو واحد يرفض الهديه خليه خدامه جوه رجليك
أمجد :عمي شنو هدية اني ماريده شوف واحد ياخذه
شيخ حرب:گلت تاخذه يعني تاخذه أبو مصطفى مشكور ماقصرت هديتك وصلت
أبو مصطفى :يالله أترخص
شيخ حرب:الله وياك
أمجد :بعد ماعرف شكول ابوي قافل شنو أخذ فصليه شلون أعيش وياها ماكدر ماريدها
بعدها ابويه صاحلها
شيخ حرب:نزلي بويه
أمجد :نزلت البنيه وهي تبجي مغطيه وجها طبت وابوي كال رايح عندي شغل
طبيت اني وياها اول ماطبيت صار بوجهي أحمد ونار تطلع من عيونه....
________الرجوع بالزمن ______
وئام :عمه بس .........
الحجيه مليكه :أسكتي عمه العماچ كون
وئام كمت واني معصبه اني اعلمهم رحت الغرفتي أحمد چان نايم أكعده مايرضه يكعد
شفتهم طلعو رحت عله أحمد جريت الغطاء
وئام أحمد گوم شوف شصاير وانته نايم الگوم گايمه والعرب نايمه
أحمد :شبيچ تگرگين فوگ راسي ماتشوفين مريض ونايم
وئام :أي عيني أشبع نوم وذاك أخوك يتصدر الدواوين وگاعد ويه الشيوخ
أحمد :يا أخو انتي شتحچين
وئام :يعني يأخو كم أخو عندك هو واحد أمجد طبعاً
أحمد :شبي
وئام :راح ويه أبوك عدهم فصل بالعماره
أحمد :وأمجد من يمته يروح ويه أبوي للفصول
وئام :اني محترك دمي أحر ماعندي أبرد
ماعندك أكوله راح ويه أبوك
أحمد :وأنتي شحامي حمامچ
وئام :هاي شبيك أحمد يعني أخوك ليش يروح وياه أبوك أله أكو شغله براسه
أحمد :لا أمجد مايحب سوالف العشاير أعرفه
وئام :اي ادري مايحبه بس هسه يروح ويه ابوك ويعرفه عله الشيوخ ويشوف العز والهيبه والكل تحترم ابوه وتحسبله حساب وتحلاله الشغله ويگوم يوميه رايح ويه ابوك بحجة انته مريض هاي الفتره وياخذ الشيخه منك
أحمد :خلي يجي واني أعلمه
______الرجوع للحاضر _______
أحمد :شعندك رايح ويه أبوي
أمجد :ليش تسأل
أحمد :سئلتك جاوب عله گد السؤال
أمجد :وأذا ماجاوبت
أحمد :لاتشوفني مريض هسه أمددك هنا وادوس بطنك
أمجد :هو أنته لأن مريض ساكتلك لسه
حجيه مليكه :شبيكم يمه تعال يمه أمجد هله بيك حمدالله على السلامه منو هاي البنيه
أمجد :التهيت وياه أحمد من طبيت حتى حمدالله على السلامه ماگال أدري وئام وازته
خليت وماجوبه مالي خلگه ونسيت الفصليه واكفه بعدهي
أمجد :هاي البنيه هديه من عمي أبو مصطفى أليه
الحجيه مليكه :هله يمه تعاي وچ هاجر منار تعالن أخذن البنيه ليجوه
أحمد :شنو أبو مصطفى شلون ينطيك فصليه هو منو الچبير لازم البنيه الي
وئام :لطمة عله صدره شنو شلون ألك لعد أني وين رحت
الحجيه مليكه :أنتي سكتي باله ولاتحچين وليدي من حقه ياخذ بدال الوحده ثلاثه وانتي خصبن عليج تخدميه وانتي ساكته
بس يمه أحمد خليه لأخيك ماعنده مره عله الأقل انته عندك هاي الحيه
أمجد :ماعندي أشكال تريده أخذه بعدنه لا عاقدين ولا شيء
أحمد : اي أخذه
وئام :أذا تاخذه طلگني
أحمد :أسكتي عدنه غرفه نحچي بيها
أمجد :أرتاحيت راح ياخذه واني من البدايه مارايده وره شويه نزلت بنيه حلوه بيضه طوله طبيعي عيونه سود رشيقه سلمت عله أمي عرفت هاي الفصليه أسمه (أزهار) رحت للمطبخ وأخواتي (هاجر، وأثمار) فرحانات بيه عناد بؤام ويحرگن دمه
وره شويه نزل أحمد
أحمد :آمجد الفصليه ماريده الفصليه نطوها الك
أمجد :مو گلت أريده وهي من حقي واني أوله بيها
أحمد:أي وهسه غيرت رئيي ماريدها
أمجد عرفت وئام فاره راسه
الحجيه مليكه :يمه فرت راسك هاي الحيه لاتمشي وره مره خليك رجال وطلكه خلي تولي وبدال الوحده ازوجك عشره
أحمد :يمه ماريده
أمجد :ضاگت الدنيه بيه يعني مجبور عليه صح البنيه حلوه ومابيه عيب بس ماريده باجر عگبه يصير عدنه جهال يعايروهم بأمهم فصليه
صعدت بدلة وطلعت رحت البستانه وشفت هاشم هناك وياي من الصغر يصير أبن الفلاح اليشتغل بگاعنه وبساتينه وهم صديقي من زمان
أمجد :السلام عليكم
هاشم :وعليكم السلام ورحمة الله شلونك عاش من شافك هاي بنات بغداد ملهياتك عنه
أمجد :اووووف يابنات بغداد واني كاره روحي وهذا يگول بنات بغداد
هاشم :ها خير شبيك
أمجد :سولفتله قصة الفصليه
هاشم :وأنته شبيك أكو واحد تصحله مره ويگول لا
أمجد :لا ماريده أكو بالي وحده (ليش كتله هيج وأول وحده اجتي عله بالي هذيچ البنية)
هاشم :ها گول هيچ من البدايه وهسه شنو ناوي تسوي
أمجد :ماعر شأكلك أنته ليش لسه مامتزوج
هاشم :ههههههه أنته شايف عله كد الحال منو ترضه تتزوج فلاح
أمجد :لاتگول هيچ الف وحده تتمناك
هاشم :أسكت بالله سأكت
أمجد :گوم
هاشم :وين
أمجد :نجيبلك مره
هاشم :هههههه هاي شتحچي أنته
أمجد :دگوم هسه
كمنه نمشي أني وياه وهو مصدوم شنو مره عباله ناصب عليه ركبنه سياره وطول الطريق هو ماسكت منو المره وين رايحين دوخني وصلنه يم بيت أبو مصطفى ردت أدك الباب لزمني من أيدي
هاشم :أنته مصدگ تريدني أخطب بنت أبو مصطفى أبوه ماينطياها الفلاح وهي بس هل وحده عنده أمشي خلي نرجع لاتفشلني وتصغرني گدام الرجال
أمجد :أمشي ومالك دخل
دگينه الباب طلعنه أبو مصطفى
أمجد :السلام عليكم عمي
أبو مصطفى :وعليكم السلام هله بويه تفضلو
دخلنه للبيت گعدنه بالمضيف وأبو مصطفى طلع يجيب الضيافه وهاشم وجه صار أصفر
هاشم :ولك أمجد أنته شگاعد تسوي لا تفشلني گوم خلي نرجع
أمجد :ولك أكعد مالك دخل گتلك الك مره مني
هاشم :أنته صدگ تحجي اني راح أروح
أمجد :ولك أگعد ولاتصير طفل يجيك الصافي
دخل أبو مصطفى بيده الچاي
أبو مصطفى :الله بالخير
أمجد :الله بالخير
هاشم :الله بالخير والعافية
أمجد :عمي جاييك بطلب
أبو مصطفى :تفصل بويه
أمجد :أسمعني عمي أنته نطيتني البنيه هديه وكتلك ماريده وستحيت أرده وأبوي ماقبل ومارديت طلبك وهسه جاييك بطلب
أبو مصطفى :گول بويه
أمجد :وهسه صارت البنيه الي وبعدني ماعاقد عليه وأريد أهديها لأخوي هاشم
هاشم :شنو...........
شنو تتوقعون راح تكون ردة فعل ابو مصطفى
١_يوافق
٢_لايوافق
٣_ياخذه يتزوجه هو
أتمنى الدعم والمتابعه +التصويت أضغط على ⭐⭐التفاعل حته أستمر 💜🌹✨.
أنت تقرأ
الغوله الجميله
Misteri / Thrillerتبداء القصه بعلاقة حب جميله بين والديه للفتاه الجميله..... وهي قصة فتاه جميله من الداخل تعاني بسبب سؤ المضهر الخارجي لها ولكن يحدث وان تقع بحب الشخص الخطاء وتمر بأضطرابات نفسيه كثيره وتقلبت ولكن توجه الحياة بكل مصاعبه
