أتمنى دعمكم حته أستمر رجاءاً التصويت والمتابعه 🌹🙏🏻✨.
________
#حب
.... وسمعت صوت بنيه كاعده تبجي تقربت عليه هي خافت كلتلها أختي لاتخافين محتاجه مساعده
لا شكراً،
أمجد: ليش تبجين لاتخافين أحچي أساعدچ
كالت أنسرقت جنطتي وماعندي فلوس لازم اروح عندي أمتحان تأخرت وزادت البچي
أمجد:طلعت فلوس أريد أنطياها گالت ماكدر آخذهن حاولت أقنعه آخر شيء وافقت واخذتهن وكالتلي دين وأرجعهن.
أمجد: ياله امشي اوصلج للسياره مشت وشفته تعرج بمشتها
أمجد :خير شبيها رجلج
كالت حذئي نشلعت
باوعت عله رجله شفت الكعب مكسور كلتلها
أنطيني أساعدچ
البنيه :هاا لا مشكور
أمجد : تره مكسور ما اسرقه
البنيه : هههههه
أمجد :جذبتني ضحكته
أنطتني الجذاء وأخذتها وچان أكو سوق قريب من الكراج واكو واحد يبيع أحذيه بداية السوق رحت عليه
أمجد :السلام عليكم
ابو المحل :وعليكم السلام
أمجد : حجي تكدر تصلحلي هاي الحذاء
ابو المحل : أسف هاي مو شغلتي اكو واحد بوسط السوگ يگدر يساعدك بس مو هسه يفتح يتأخر
آمجد :تذكرت هي عده أمتحان ماكدر أتآخر عليه كلتله لعد انطيني حذاء جديده
أبو المحل : اي تدلل بس شگد القياس
أمجد :هسه منين اجيب قياسها اتذكرت حذائه وياي انطيته القياس ونطاني حذاء نفس الون اسود
رجعتلها لكيتها گاعده على الرصيف أنطيتها الحذاء
البنيه : شكراً بالنسبه للدين وين أشوفك علمود أرجعهن
أمجد :دين شنو؟!
البنيه :الفلوس الي أنطتنياهن وفلوس الحذاء
أمجد :ها أي لازم ترجعيهن لأن اموت اذا مرجعتيهن عايش عله هاي الچم فلس تره آموت من الجوع ههههههه
البنيه :هههههههه
أمجد :أسبوع اليجي الخميس العصر اني هنا
البنيه :تمام
أمجد :رجعت للشقه ساكن بيه اني وصديقي صديق العمر قصي أعزه أكثر من أخوي ابن امي وابوي وياي بكل شيء أشركه بكل شيء صديق الطفوله من الصغر احنه سويه وصلت للشقه أول ماطبيت
قصي : ها (مجوده) يقصد (أمجد) ليش تأخرتي وضل يضحك
أمجد :أسكت كافي تعبان أريد أنام
قصي : وين مجوده جوعانين سوينه أكل هههههه
قصي : شلت مزهرية خفيفه موجوده عله الميز وضربته بيه أجتي برجله كام يكمز عفته وطبيت للغرفه
بلش الدوام ورجعت للكليه بين الدراسه وبين أفكر بهاي البنيه الأوضاع چانت مو تمام أحنه ١٩٨٥ وحرب أيران ويوميه جايبين شهيد ملفوف بالعلم كل بيت فاقد عزيز بعدهم بعز شبابهم وراحو شباب مثل الورد الي ندفن جوه التراب والي نفقدو والي تأسرو منطقتنه متروسه شهداء يوميه زافيلهم شاب بعمر الورد
وخلص الأسبوع وردت أرجع للناصريه وفرحان لأن راح أشوف ذيچ البنيه وأبتسمت لا أراديا وأنتضرت بالكراج تمنيت تجي ضليت أنتضر لحد ما...........
أتمنى المتابعه والتعليق أنشر حسب التفاعل
رجاءاً أظغط عله النجمه ⭐⭐صوتولي حته أستمر 🌹🙏🏻✨.
أنت تقرأ
الغوله الجميله
Misteri / Thrillerتبداء القصه بعلاقة حب جميله بين والديه للفتاه الجميله..... وهي قصة فتاه جميله من الداخل تعاني بسبب سؤ المضهر الخارجي لها ولكن يحدث وان تقع بحب الشخص الخطاء وتمر بأضطرابات نفسيه كثيره وتقلبت ولكن توجه الحياة بكل مصاعبه
