بقلم " فاطمة الدليمي" 💙
هالة : اليوم صادف جمعة كعدت من وكت كملت شغلي وطبخت دولمة ع غدة اجتمعنة كلنا نتغدة ، والكَعدة ماتخلص من شقانا اني ومصطفى .اكول يابة لعد شوكت اروح اقدم ..
ابو محمد : الاحد ان شاء الله نطلع من وكت خاف ازدحامات حتى نلحك ومنتأخر ..
ام محمد: يمه هالة بعد ما اوصيج، ديري بالج على نفسج ، بلكت الله يهديج وتبطلي تروحين .
مصطفى : يبوو رحمة للكائنات يمة لا تفحين المعزوفة الحزينة وهسة تبدنها دراما ، هو انتن النسوان ما اعرف ليش هلكد تحبن الدراما.
هالة: اي بالله مَنول تحب الدراما .
ام محمد: هذا لسانك طلعة ع قرايتك مو بس نادر علينا .انتَ ماتستحي صارلك تلث سنوات نايم بالسادس ماتفكر ما تغار من الينجحون ..وانتِ الثانية مسوينج عاقلتنا.
مصطفى : غير المدرسة حلوة وما اريد اعوفهة، ولا يهمج اسويهة خمس سنوات بس لاتضوجين .. وهاي القزمة تبقى تكظي عمرهة تدرس وباقين ع كَلبج.
ام محمد : انتوا هم تكبرون قدرة قادر الي يشوفكم يضرب بيكم المثل وانتوا من الداخل اخبل الخبل .
هالة : مَنول حبي الامثال تضرب ولاتقاس الناس الهة الظاهر منو يدور الداخل.
محمد : هاي شكو شصاير فهموني وين تريدون ترحون .
هالة : يبوو نسيت اكلك وزارة الداخلية وافقت اروح للانبار اكمل دراسة .
ام محمد : انجبي اصلاً غصب علية قبلت ترحين ..
هالة : اكول حجي نروح اني وياك وهناك اخطبلك مرة ثانية وازوجك ياها ونعيش هناك .
مصطفى : الله عليكم لاتنسوني اني هم خلوني وياكم بالخط .
ام محمد : واني اكول كومي شيلي الصينية لان شعبنة .
هالة : اي كايمة كايمة .
محمد : هالة انتِ متاكدة من قرارج تريدين تروحين.
محافظات .اني دايما وياج بقرارتج بس هسة احس نفسي ما مرتاح من روحتج وما حجيت كَدام امي لان هي باقية ع شعرة وتمنعج بس تريد واحد يايدهة ..هالة : لاتخاف والله ماكو شئ انتَ مو تدري هذا حلمي من البداية. لو ادرس بالانبار. لو بغداد ، قابل اني زغيرة لو مراهقة وما اعرف اتصرف .أنتَ تعرفني كلش زين .
محمد : الله يوفقج. زين. روحي بغداد اقلها قريبة بس شيصير وياج تحجيلي ولاتضمين علية .مفهوم .
هالة :يي مفهوم مو تدلل. ما قبلوني بغداد عاد قدمت ع انبار . اووف شوكت يجي الاحد عبالك الوكت مايمشي.محمد: هااا يمعودة بعدنة بالبداية وصرتي تفكرين وتحلمين .
هالة : هههههه لقد احببتُ التفكيرَ بتفكيري الى ان اصبحتُ اعشق تفكيري .
أنت تقرأ
عشك أبن الغربية
Short Storyقصة عراقية باللهجة الغربية وخصوصاً من الأنبار أيا دائي ودوائي ... كيف وقعتَ في قلبي مثل الانفجاري ! دويه هزَّ كل افكاري.. كيف أتيتَ من الغربية الى داري ! بلا موعدٌ أختياري .. فقط أسمك بعثر كياني .. كيف لو أتيتَ أمامي ....