عشك أبن الغربية

بارت6

💙" فاطمة الدليمي " 💙

إني خيرتكِ فاختاري .
مابين الموتِ على صدري ...
او فوق دفاتر أشعاري...
اختاري الحب .. أو اللا حب
فجبنن منكِ ألا تختاري ..
لاتوجد منطقة وسطى
مابين الجنةِ والنارِ......

..........................................

محمد : بالله العظيم يمصطفى اذا هذه السنة ماتنجح الة ابطلك وبعد ما اخليك داوم وخلي اتحمل خطيتك ..

ادري انتَ ماتستحي جماعتك راح يتخرجون وانتَ لساعك تراوح بالمدرسة ..الله منطيك عقل لو حجارة .

فكَر بمستقبلك ، مكَظيهة تمسلت ..

ام محمد : كلام اخوك صدك انتَ ماتخجل صارلك تلث سنين بالسادس ماحفظت كلمة كلمتين ..عمي ما اريد معدل ..بس نجاح وقابلة ..

مصطفى : ترة بزعتوني بكيفي ..انجح ارسب ..اني راضي .

محمد: حشا امي تاكل نعل ، لاتخليني اتعامل وياك بغير اسلوب ، خليني محترمك ..هسة شرايدين منك ، ولي اقرة وانجب نهار كله لازك باللعبة ياريت بيهه شئ مفيد ...

ام محمد: عوفه يمة خل يولي لاتصير عصبي من وراه انوب يصير بيك شئ .

محمد: لا مو خل يولي كل سنة مانحجي وياه نكول خطية ،بس هذه السنة الة اخلي عقلي وياه .
والله يمصطفى ، اخر مرة اعيد الكلام . اذا ترسب لو تأجل ..تكعد وتنجب ..حتى دور ثاني هم ما اخليك تمتحن ..

مصطفى : كملتوا خير الكلام ما قل ودل مايعجبني اردلكم ..

ام محمد: اسكت فوگ شنيه گواة عينه .فوك ماهو غلطان انوب يرادد..

محمد: عوفي عوفي . تجي النتيجة والله كريم ..
لطلع الطلعات و الونسات والتسخت من خشمه
وانترنيت بعد ماكو راح الغي ..

............................

حسين : ورة يومين سلمان جابلي التقرير .. كلشي يخصهة ويخص عائلتهة جايبوا .... قريتوا كلوا حياتهم عادية وناس بسطاء مو اهل مشاكل ولا يدخلون بسوالف العشاير ..ابوهة معلم وعدهة اخوان اثنين .سمعتهم مثل الزلال .حتة بالجامعة سأل الدكاترة كلها حامدة بيهة ....

هذه الفترة كلها اني مراقبها من بعيد . هنوب يوسف هم حيل متعلق بيهة لان هي طلعتوا من حالتوا ..
انة مستحيل اعوفهة .. تصير الية يعني تصيرالية.

هالة: كَاعدين بالقاعة اني ونور وجتي بنية كالت دكتور فلان ..... يريدج بغرفتة . ..نور اروح اشوفة شيريد ما اتاخر انتظريني مو تروحين..
رحت لغرفة الدكتور .. بس تفاجئت الغرفة فارغة مابيهة احد ورة شوية دخل هذا الرجال ..وسد الباب..

.
هالة: حجيت بمتمته انتَ انتَ. شتسوي هنا ..لعد الدكتور وين ..ليش سديت الباب وخر خل اطلع .

حسين: يولي تكَعدين هين وتكظبينوا للسانج هلمرة انه الي احجي وانتِ تسمعين وبس .مفهوم يلة بالعجل اكعدي ..