#البارت٢٠
خضر-اول مشروع انتَ
خالد -اني... حلو -حلو
واذا اكلك أأيس مني
خضر-اخذ ثاري منك اعتبرك انت كتال اهلي
خالد-هههههه .....يوم بعد يوم اكتشفك حيوان اكثر ....ثار منو ...اي ثار تاخذه
جدي زرع بعقلك تخلفه وبعدين جدك شمدري امجد هو الي كاتل ابوك ....لان سافر ....اذا ابني انكتل هسه
اتهمك انت بس لان حاولت تخطفه قبل
ابوك جان ضابط ومو بس ضابط يشتغل بالاستخبارات والي كتله مو علمود الفلوس الفلوس ياخذوهن بس حتى تتيه الجريمه احتمال كتال اهلك من الاستخبارات نفسهه انتهت المصلحه ونفو هو والعائلة لان ميريدون تتأثر مصالحهم والمعلومات اليمه يقضون عليهه
-عائلته شنو ذنبهه
-يخافون على المعلومات لذلك يقطعون الجذور من الاصل
-كل هاي خزعبلات وكلاوات كتال اهلي هو امجد
-من كل عقلك تريد تكتل واحد لان سافر
يجوز من شاف صديق عمره انكتل خاف على نفسه وعلى عائلته شغل عقلك خضر لتحرك الاخضر واليابس سوه
لتخليني انجبر ادخلك قضية ارهاب حتى تبقى بالسجن واخلص من هاي السالفه من الاصل
مو عندك مره اطلع دور عليهه وعيش وياهه
وسوي اطفال احيي اسماء اهلك باطفالك
خضر-انطيني عنوانه شكالولك عليه سفاح اكتل بدون مااتأكد انطيني العنوان خليتي اتأكد بنفسي
خالد-مكاعد اشوف بيك ذرة عقل ....يعني ينخاف منك مااكدر اثق بيك.شفايتلي اشوفك عاقل ومتزن وتخليني اني وياك ناخذ الثار سوه بس بعد منتأكد
خضر-من سنين واكلك خل نتعاون
خالد-شلون اتعاون وياك وامجد خارج العراق
خضر-رجع صارله اشهر وانت ولا يمك
خالد-وانت منو كلك اني ساكت اني كاعد اشتغل من سنين على هاي القضية
خضر-سنين والحد الان معرفت منو وبس شاطر تبرء امجد
خالد انت مرتاح اهلك داير مدايرك راسك بارد من تخليه عل مخده.لذلك تحجي برهاوه اذا اني كتلت ابنك تعوفني اشم الهوى
خالد-اني مااعرف بيا طريقه احجي وياك تبقى ارعن لو شيصير وعقلك محجر والله تعبتني خضر تعبتني
ميمونه-جنت كاعده اباوع على التلفزيون يم حبوبه ومنتجيه على البوفيه وثانيه رجلي على صدري ومغطيه رجلي بدشداشتي وراسي على ركبي بس بالي مو يم التلفزيون تذكرت خضر وكلامه الي كله جذب بجذب دمعت عيني بالي مو يمهم فاصله ....مااحس اله سلمان .
سلمان-ام لونين متسمعين
كبل شلت راسي باوعت عليه
-هاج
انطاني نستله جان جايب علاكه مال حلويات باوعت على حبوبه نايمه بدون فراش مثل الي ضربهه بيدي هاج هاج اخذي
لزمتهه وباوعت عليه كعد بالجهه الثانيه وتجه ظهره عل حايط سألني على عنوان بيتنا واسئلة هوايكأنما يحقق وياي وختمهه
-من يا عشيره انتِ ميمونه
جاوبته باستغراب من اسئلته بس مدليته بيتنا الجديد دليته القديم لان تذكرت خالد من كال سألت عليكم هناك مدحو ابوج وبالمنطقه الثانيه سمعتكم زفت بس هذا سلمان غاثني اكثر من خالد لان خالد يعرفني وسائل عني ابررله من يتصرف وياي بأسلوب جارح
