منو
ام قاسم -اني ولج يمه شنو قصتج .....صار ساعه ادك بالباب
ميمونه-خاله المفتاح ماخذته فلك
ام قاسم-مو يمج نسخه
همسلي بصوت ناصي "گليلهه ملگيته "
هزيت راسي بـ "اي "وصحت
- خاله كاعد ادور عليه ر ماكو
اني احجي وهو ورايه حسيت نفسي راح اتخربط من الخوف
ام قاسم-دنطيني الفلوس من جوه الباب داروح اتسوك
ميمونه-ردت ادخل فتح المحفظه
وطلع فلوس منهه ...وهمس
-انطيهه وخل تولي بسرعه
ميمونه-اخذتهن وأيدي ترجف ....ومن جوه الباب طلعتهن الهه
كبل رجع خله ايده بحلكي حاولت ادفعه واقاومه دخلني للبيت دفعني رأساً وطلع سجينه
-ليش بلغتيهم عليه ها احجي
-الله يخليك والله مبلغت الشرطه همه اهلك
-منو كلج تبلغيهم نفس الشي اهلي لو المكافحه شعليج انتِ مو عفتكم ....أذيتكم اني بشي
ميمونه -موتت امنه
دنك عليه وهو يخرز بيه
-مموتت امكم هيه ماتت شعليه اني
بقيت اباوع وخايفه خله السجينه بركبتي هنا حسيت الدنيا انتهت من عيني وروحي راحت كمت ابجي
-راح تذبحني .راح تذبحني مو والله
جنت ابچي واشهك من الخوف عاط بيه
-انجبي مااذبحج بس انتِ جنيتي على روحج
كام وعافني جان عصبي كلش رجع دار عليه وموجه السجينه عليه
-تعرفين جنت احارب غريزتي بس حتى ما أذيجن وطلعت لان خفت عليج من نفسي حقيره ،حقيره بس متستاهلين والله
ميمونه-شتريد مني هسه
-يندلون البيت هنا
-اي
باوع عليه .بحديه خفت شكله يخوف باللحيه ووصخ
-امشي كومي لبسي
-شراح تسوي بيه
بقه يباوع عليه ابد منزل عينه عن عيني
-لتخافين مااسويلج شي شغله وحده تسويهه اليه وبعد مالي علاقه بيج نهائياً
-شتريد
حجيتهه بحديه ومن شفته خزرني خفت منه نصيت صوتي وكتله
- مني شسوي
فوك نظراته الي تخوف شكله ولحيته العاليه ضايفه المنظره وصاخه
خضر-كومي لبسي وسكتي بدون متلغين لغوه زايده
ميمونه-كمت اباوع عليه بدون مااحجي ولا اتحرك عاط
-يلله متكومين شبيج جمدتي
ميمونه-متحملت غطيت وجهي بكفوف ايدي وكمت ابجي .
مااحس اله خله ايده على ايدي الي مخليتهن بوجهي . كبل سحبت ايدي وبحلكت عيني ورجعت شويه عنه وكمت اصيح وابجي
-كافي "كافي موتني ولتلعب باعصابي بعد مااتحمل
راد يلزمني انهاريت كمت ادفر واكطع بشعري
وهوبقه يباوع عليه مصدوم .
-ساعة السوده الي طلعت بحياتنا كتلك مبلغت اني والله مبلغت خبلتني من يوم الي طلعت بحياتنا واني كمت اتمنى الموت كلبي كام يوجعني من ظهرت بحياتي لليوم ....مبلغت عليك الشرطه اني مبلغت
