Someone's Torturing Me

PROLOGUE

PROLOGUE

April 2004

"Dalian mo na diyan! Mahuhuli na tayo, Olivia!" sigaw ng bestfriend niya na si Megan. Pupuntahan nila ang isa pa nilang kaibigan sa karatig bayan. Every summer they will visit their friend at tinataon nilang fiesta sila pupunta para double purpose ika nga.

"Ano ba! Bakit ang tagal mo?"
ani Megan na nasa likod na pala niya na di niya namalayan.

"Hindi pa ako tapos hindi ko makita ang damit na ni regalo ni Mama."

Paborito niya ang damit na 'yon na kanina pa niya hinahanap. 'Yon sana ang susuotin niya sa sayawan bukas. Dahil besperas na bukas siguradong magkakaroon na naman nang sayawan. At naiinis siya kasi hindi niya mahanap hanap.

"Iba nalang ang dalhin mo baka maiwan na tayo ng jeep, Olivs!" ani Megan.

"Oo na sige na, nakakainis naman kasi baka pinakialaman na naman ng kapatid ko."

Pagkarinig niya ng Olivs kay Megan siguradong nauubos na ang pasensya nito. Ganoon ang kaibigan niya pag humuhulagpos na ang pagtitimpi. Ibang-iba sa kaibigan nilang si Macon. Mabait si Macon at kahit naiinis na nakukuha pa ring magbiro at tumawa.

"Dali na kanina pa naghihintay si Lola Rosario sa labas. Naniningkit na ang mga mata."

Siguradong galit na nga ang Lola niya ngayon, ayaw pa nman nito nang pinaghihintay. Palagi kasing sumasabay ang Lola niya sa kanila pag pyesta sa barrio. Taga do'n ang Lola niya katunayan pamangkin ni Lola si Macon, kapatid ng Lola niya ang tatay ni Macon. Ibig sabihin Tita na niya si Macon. Labindalawa ang anak ng kapatid ng Lola niya, pang walo si Macon na kaedad niya. Siya naman panganay sa anim na magkakapatid pareho sila ni Megan. Panganay din si Megan pero lima lang silang magkakapatid. Bestfriend niya si Megan since Elementary at hanggang ngayon na mag Fourth Year High School na sila. First Year High School sila ng maging kaibigan nila si Macon.

Pagdating nila sa sakayan eksaktong paalis na ang jeep mabuti nalang at nka-abot sila.

Hindi naman gaanong kalayuan ang biniyahe nila, mga 45 minutes lang nakarating na sila. Dahil besperas na bukas maraming tao na ang nagliliwaliw sa daanan para mamasyal.

Dumeretso agad sila sa bahay nila Macon. Pagdating doon naabutan nilang nagluluto si Nay Nene, nanay ni Macon at hipag ni Lola Rosario.

"Ate, halika! Pasok na kayo," ani Nay Nene ky Lola Rosario.

"Kanina pa naghihintay si Macon sa inyong dalawa nando'n sa labas baka hindi kayo nagkita kasi kanina pa 'yon doon." Nakaharap si Nay Nene sa kanila habang kinukuha ang kanilang mga bag.

"Puntahan nalang po namin, Nay. Baka magtampo na iyon," ani niya habang papalapit sa Lola niya.

"La, puntahan lang namin si Macon babalik din kami agad." Tumango lang ang Lola niya.

Kaagad silang lumabas ni Megan para hanapin ang kaibigan. Malapit sa simbahan ang babaan ng jeep baka doon naghintay ang kaibigan nila. Sa mismong bahay kasi nila Macon sila ibinaba ng driver.

"Excited na ako mamaya sa sayawan," sabi ni Megan habang namimilipit na animo'y kinikilig.

"Baka makita ko mamaya ang ex ko, na miss ko na 'yon."

Taga rito ang ex ni Megan na ka school mate lang nila. Dahil bakasyon nga hindi na nakikita ni Megan ang ex. Ewan niya kung bakit naghiwalay ang dalawa. Matagal na ang anim na buwan kay Megan. Sa kanilang tatlo, si Megan ang pinakamaraming boyfriend, maganda na matangkad pa kahit kayumanggi ang balat niya. Maituturing na pang modelo ang katawan ng kaibigan niya.

Samantalang siya, palaging cute ang tawag sa kanya. Medyo chubby siya, pati pisngi chubby din pero maputi siya at singkit. Kahawig daw niya ang sikat na actress na si Angelica Panganiban. Sa edad na kinse hindi pa siya body conscious. Bahala na kung chubby siya, masaya siya pag maraming masasarap na pagkain na nakahain sa harap niya. Oo, matakaw siya at habang nasa High School, dadalawa palang ang naging boyfriend niya. Hindi nagtatagal kasi hindi naman niya mahal. Crush, oo pero pag naging sila na, nagsasawa na siya agad. Si Macon naman ang NBSB, masyadong pihikan. Mataas kasi ang standards pagdating sa lalaki.