وطبعا دخلو كومه زلم وراح كرار ضيفهم وطبعا صار صوت عالي واني وامي واختي حيل خفنه وامي ضلت تدعي ....يلا خل نعوف روان ونروح للبطل
فهد:جنت كاعد بغرفتي واجاني اتصال من اخوي حسين جاوب واجاني صوت واحد غريب جان يكول اخوك سوه حادث اني هنا كمزت كتله انته وين كال مستشفى..... كبل اخذت سويج وطلعت بسرعه لاكاني اخوي محمد كلي شبيك شصاير كتله ولك الحك حسين اندعم وطبعا البيت انكلب بصريخ ورحت للمستشفى وجان اشوف الي دعم اخوي وطحتله دك بوكسيات ورفعت علي دعوه وره تقريبا5 ساعات اجانه خبر وفاته اخوي اوف انكسر ضهري بغيابهه وثاني يوم رحنه الهم حته نفصلهم وطبعا اني كتلهم اريد فصليه لو دم ابنكم وبعدين طلعنه ....نرجع لروان
روان:بعد ما راحو الزلم اجوي ابوي واخوي وعمامي والوجوه متتفسر كتله بابا شصار راح كعد ويباوعلي ودمعته بعينه ويرجع يباوع ع صورت اخوي محمد لان معلكيهه بلصاله
الام:الله يخليك احجي لاتخوفني
الاب:وكوه يحجي يردون لو فصليه لو دم ابني
الام:لطمت ع وجهه صخام الصخمني يمه بناتي ميرحن وابني هم
روان:انصدمت وطبعا عرفت اني لازم اروح لان اختي مخطوبه 💔شنو بابا شتحجي
الاب:اوف بنيتي ماعرف شسوي
روان:رحت ركض لغرفتي واني ابجي وكعدت افكر كلت اذا رحت اني حيدمر مستقبلي واذا قتلو اخوي اموت وراه بعد تفكير استسلمت للامر الواقع نزلت وكتلهم اني قابله اروح فصليه
الام:ولج يمه شتحجين تردين تموتيني
روان:اسم الله عليج ماما ع اقل اني راح تكدرون تشوفوني بس اخوي اذا مات شلون
الاب:خلص باجر انطيهم خبر وراح حضن بنته ويبجي
روان:ثاني يوم امي اخذتني لصالون حفتلي وصبغت شعري سلفر وسويت تنظيف بشره وطلعت اجنن بس جنت كارهه نفسي وطبعا بهاي الفترا صرت بنيه متواضعه وتركت الغرور وبعد ٣ايام اجوي حته ياخذوني .....الصبح الساعه٨ كعدت سبحت ولبست بنطرون اسود مضرب وتيشيرت اسود وبي مكتوبBTS وخليت مكياج خفيف وشوز ابيض نزلت صبحت عليهم وجانو ضايجين حبيت الطف الجو وكلت بصوت عالي صباحو
الكل:ماعدا محمد صباح العسل
محمد:وجع صويتي اذاني
روان:نننننن
الام:تعاي تريكي
روان:تريكت ودعت اهلي وطبعا اهل الولد مخلو احد يجي وياي شبعت بجي بسياره وبعد طريق طويل وصلنه للبيت شنو بيت اصلا قصر جان يخبل بس ماعرف شنو منتظرني بي نزلت وجانو اكو زلم شايلين اسلاح كولش خفت وجان اكو شاب حلو واكف بس مركزت بملامحه من البجي وره شوي اجه ولد وجرني من ايدي حيل حسيتهه نخلعت يلا نروح لفهد
فهد:كتلهم اريد فصليه لو دم ابنكم وخليت وطلعت ثاني يوم كالو فصليه المهم وره٣ ايام وديت عمامي راحو جابوهه وجان تنزل من السياره مو بنيه عبالك ملاك واباوع عليهه العيون حمر والخشم احمر من البجي اوف شهل جمال ياا هاي شبيك فهد هاي عدوتك وطبعا جانت لابسه لبس محلو اوف كبيت نار وكلهه تباوع عليهه رحت وجريته من ايدهه ودخلتهه جوه وصحت شمس تجي .....شنو تتوقعون راح يصير ويه روان وشلون راح يعاملوهه اهل فهد ...اسفه بس والله تعبت بلكتابه ان شاء الله اعوضكم بارت اطول ....يتبع..❤
